09 Oct 2020
مناورات جسر الصداقة فى البحر الأسود ..
و رسائل موجهة فى ذكرى أكتوبر 73 !!
—————————————-
أعلان وزارة الدفاع الروسية عبر موقعها الرسمي عن قيام القوات البحرية المصرية والروسية بتنفيذ تدريب “جسر الصداقة 2020” في البحر الأسود للمرة الأولى ،،، وبالذخيرة الحية… معناه ان القوات المصرية بتنتقل لمرحلة جديدة و متقدمة جدا من الردع الاستراتيجى …
مصر مش بس بترسم خطوط حمراء لا يمكن تجاوزها فى العمق الاستراتيجى لحدودها .. لكن كمان بتعبر لأقصى حدود محيطها الاقليمى شمالا ، و بتعدى المضايق التركية إللى بيدعى نظام الأغا سيطرته التامة عليها .. وبتوصل للبحر الاسود علشان تعمل مناورات مشتركة مع واحد من اقوى جيوش العالم أمام سمع و بصر اسطنبول .. !!
الجيش المصرى يؤكد نفوذه و البحرية المصرية تفرد أجنحتها ليس فقط على شرق المتوسط ولكن يتخطى ذلك إلى البحر الاسود و فى عقر دار دعاة الحنجورية الاعلامية والمزايدات السياسية إللى بتلعب على عواطف المغيبين
و ده ياخدنا لواحد من بروموهات ذكرى نصر اكتوبر فى 2020 ، من إعداد الشئون المعنوية للقوات المسلحة ، و اللى ورد فيها رسائل موجهة بقوة الصواريخ النووية ، ترسلها مصر لكل من يفهمها ويعلمون انهم المعنيين بها:
– لن نستطيع الحصول على ضمانات ، إلا ما تقدمه قوتنا .. وإلا ما يقدمه إستعدادنا لحمل السلاح ..
– داخلين معركة حتمية .. لأننا لا نقبل بما يراد فرضه علينا من شروط ..
– التحدى والمخاطر موجودة فى كل عصر وكل وقت … لكن بقدرة الجيش الموجود فى مصر ده ، والله لا يستطيع أحد يقرّب لها ….
طب خلى حد يفكر كدة يقرّب من مصر !!!؟
احنا بقى مش منعنا أى حد يقرب لها … لكن كمان روحنالهم فى عقر دارهم ..
حفظ الله مصر وشعب مصر