3 Dec 2014
الامن المصري يستعيد قوته – الدولة المصريه تفرض سيطرتها
————————————————————
مع بدء دعوات يتامي التنظيمات الارهابيه بتحدي الدولة المصريه بعد فشلهم في الحشد او التحرك داخليا او خارجيا و البدء بالكفاح المسلح ضد الدوله و الشعب المصري في 28 نوفمبر و توعدهم للشعب المصري بالويل و الثبور و عظائم الامور و الذبح و القتل …. و تعامل الدولة بكل جديه امام هذه التهديدات …..
قام الجيش و الشرطه برفع الاستعدادات الامنيه للدرجه القصوي و قامت بعمل انتشار كامل بطول مصر و عرضها بمجموعات قتاليه عاليه التسليح …. و خرجت دعوات بعدم نزول المواطنين الى الشوارع ….. و انتظرنا و حضرنا اللب و السوداني و الفشار و جلسنا اما شاشات التليفزيون نتابع و لم يحدث شىء 🙂 🙂 🙂 …..
و خرج علينا بعض الناس اللى ميعجبهمش العجب و لا الصيام في رجب يستظرفوا و ينظروا على الدوله المصريه و يقولوا دي اشتغاله مخابرات ….. و الدم حرام …. و تكلفة الانتشار دي احنا اولي بيها …. و عايزين نحاسب الحكومه على اهدارها لاموال المصريين ….. و كلام فارغ كتير من ده.
طيب قبل ما نقول رأينا في الموضوع ده تعالوا نعرف بعض المعلومات المحدده و الحقائق الامنيه بالارقام اللى تم السماح بنشرها عن طريق اللواء عبد الحميد خيرت عن بعض الضربات الاستباقيه التي قام بها جهاز الامن الوطني فقط …. عشان تعرفوا الناس دي كانوا بيخططولنا لايه …..
و للتأكيد …. المعلومات التاليه هي بعض و ليس كل انجازات قطاع الامن الوطني و لا يدخل فيها اي عمليات خاصه بالجيش و لا المخابرات و لا المخابرات الحربيه او الاجهزة الامنيه الاخري ….. يعني ما خفي كان اعظم 🙂 🙂 …. مع العلم ان المعلومات التاليه هي نتاج عمل في آخر ثلاث شهور فقط 🙂 🙂 🙂 و مره تانيه …. آآآآآخر ثلاث شهور :-
تم رصد و تتبع اتحاد فاعل و تنسيق تام خاص لفاعليات يوم 28 نوفمبر المزعومه ما بين التنظيم الدولي للاخوان الارهابيين و عناصرهم بالداخل و تنظيم اجناد مصر و جبهة دعم الشرعيه و الجبهه السلفيه و تنظيم بيت المقدس و تنظيم داعش بالخارج و اللى علي اساسها تم اجهاض معظم المخططات و القبض على ما يلي.
القبض على خليه مدينة نصر و بكل الاوراق التنظيميه الخاصه بها و هي من اخطر الخلايا و تتكون من خمس عناصر يعتبروا من اخطر العناصر الارهابيه التنظيميه ( الصيد كان ثمين جدا 🙂 🙂 ) لان كل واحد فيهم كان وراه قصه كبيره جدا و في اتجاه مختلف :-
أشرف عبد المنعم ( مؤسس الجبهه الشرعيه الارهابيه) …..
هشام محمد (مسؤول حملة حازم صلاح ابو اسماعيل ايام الانتخابات …..
محمد حسان رجب ( المسؤول الاعلامي للجبهه الشرعيه و مسؤول الاتصال بين الاخوان بالداخل و تنظيم الاخوان بالخارج في تركيا …. يا حلااااوه …. يعني مسؤول الجبهه الشرعيه السلفيه بينسق للاخوان ….. عشان تعرفوا انهم تنظيم ارهابي واحد 🙂 🙂 ) …..
محمد احمد علي ( من شباب الاخوان في اسيوط و عنصر فاعل و نشيط في الدقهليه ) …..
عبد الله اشرف ( طالب بكليه اللغات بجامعة الازهر و المسؤول الاول عن الحراك الطلابي الاخواني داخل جامعة الازهر)
تم ضبط 125 خليه جهاديه منهم 6 خلايا تابعه لتنظيم داعش منهم خليه تم تدريبها بسوريا للاعلان عن انطلاق تنظيم داعش بمصر.
ضبط اخطر خليه تابعه لتظيم داعش و ضبط الارهابي حمدي سعد فتوح …. الذي تدرب في مالي و حارب في ليبيا و جاء الى مصر ليكون نواه لتنظيم داعش من 15 ارهابي و تم القبض عليهم جميعا بورقهم التنظيمي باسلحتهم في مزرعه بالشرقيه قبل القيام بأي عمليه.
ضبط 124 خليه اخوانيه ارهابيه تسمي بالخلايا النوعيه …. و هي مكونه من طلبة الاخوان بالجامعه + عناصر تحالف دعم الشرعيه + بعض المسجلين و التي تقوم بعمليات نوعيه على الارض مثل حرق عربات الشرطه – القاء المتفجرات و القنابل المحليه في الشوارع – رصد الضباط و القضاه لاستهدافهم لاحقا – تفجير ابراج الكهرباء ….. باجمالي 1000 عنصر تم تقديمهم الى النيابه في 115 قضيه….. و قد تم ضبط الاتي معهم :-
(50 بندقيه آليه – 28 بندقيه خرطوش – 25 طبنجه – 69 فرد خرطوش – 90 عبوه متفجره – 753 قنبلة مولوتوف – 15 مسدس صوت – كميه كبيره من الطلقات الحيه مختلفة الاعيره و الخزن الخاصه بها).
في مجال تجفيف منابع التمويل تم التحفظ على الاتي و التي يستخدمها الاخوان لغسيل الاموال و تمويل و الصرف على عملياتهم الارهابيه:-
عدد 82 مدرسة اخوانيه.
1094 جمعيه خيريه اسلاميه.
25 مستشفي و مستوصف خيري.
532 شركه في مختلف المجالات.
التحفظ على اموال 708 اخواني ارهابي بقيمة 288 مليون جنيه و مليون و 200 الف دولار و نصف مليون يورو.
وعشان نبقي عارفين …. فيه ناس استغربت التضارب العجيب لما تنظيم بيت المقدس اعلن مبايعته لتنظيم داعش و في نفس الوقت اصدرت داعش بيان بستنجاد فيه بكل المجاهدين في العالم لنصره المجاهدين في مصر من انصار بيت المقدس …. وده بسبب الضربات الامنيه الاستباقيه المتلاحقه لتفتيت و ضرب كل خلايا داعش التي تم ارسالها او محاوله تكوينها …. و في نفس الوقت ضرب و تفتيت خلايا بيت المقدس الارهابي ….
الامن المصري و الدوله المصريه بتسابق الزمن لتأمين الشعب المصري و ارجاع هيبة الدولة و امنها ….. و لكم ان تتخيلوا ما كان مقدر لينا لو الخلايا دي اتسابت و بدأت عملها (مع الوضع في الاعتبار ان ما خفي كان اعظم 🙂 🙂 )
يعني لما تحصل كل فتره و التانيه عمليه هنا و لا هناك ياريت محدش يزيط و يقعد يقول فين الامن و الجيش و الاجهزه الامنيه …. و لكن اعرف و تأكد ان في مقابلها تم اجهاض مئات العمليات …. وتلاقى ناس مش فاهمين حاجة بتحاول تشعلل الموقوف داخلياً وبيكونوا عبأ على اللى الدولة بتحاول تعمله فى مصلحتهم ومصلحة البلد
الاهم من المعلومات دي …. لازم نعرف حاجه اهم … ان انتم يا مصريين بتكاتفكم و صلابة الجبهة الداخليه و دعمكم للدولة المصريه هو السبب الاساسي في نجاح مصر في الوقوف امام كل المؤامرات الدوليه الارهابيه ضد مصر و اللى مقدرتش اي دوله تانيه انها تقف قدامها و انتهي امر شعبها الى استباحة اعراضهم و اللى نجي منهم كان مجرد لاجىء على الحدود الدوليه في العراء بلا مأوى يتسول وجبة غذاء لاطفاله.
ياريت بقي نبص لادام و نبني بلدنا صح و نصحح اخطاء الماضي و سيبونا من الجعجاعين و من اصحاب الشعارات الحنجوريه اللى لا بتقدم و لا بتأخر …. النجاح بيكون مش بالحنجره و الشعارات و لكن بالنتيجه الفعليه على الارض.
خلص الكلام