20 Nov 2020
تساؤلات بريئة …
هو لييه بمجرد ما بدأت إرهاصات فوز الأخ “بايجون” فى الانتخابات الاميريكية ، بدأنا نشوف حراك غريب داخل المجتمع المصرى !!؟
لييه بدانا نشوف حالة تسخين لإثارة الفتنة الطائفية .. وظهور حالات تراشق مقصودة ، وعمليات شحن ممنهجة !؟
لييه ب يتم إثارة موضوع الزواج بين المسلمين والمسيحيين ، و اجتزاء تصريحات قديمة ، و إعادة تدوير أخرى و حالة من الجدال والمبارزة الفكرية إللى بيقودها شوية يسارجية و مدعين التنوير والمتشددين دينيا .. يعنى تطرف من الناحيتين .. !؟
لييه رجعنا نشوف ونسمع من تانى سواء فى بعض الصحف والمواقع الاليكترونية ، أو على السوشيال ميديا .. نغمة اللعب على الفتنة الطبقية ، والمتاجرة بالفقراء ، والشحن على الاغنياء !؟
لييه بدأت تظهر من تانى حملات الكربلائيات والعواء ومصمصة الشفايف من عشاق الدونية والمركوبين فكريا والمتعبدين فى محراب الخواجة إللى عنده كل حاجة أحسن من عندنا … !؟
لييه رجعنا تانى نسمع الشحتفة على من يطلقون عليهم لفظ حقوقيين ، و إثارة ملف منظمات المجتمع المدنى من جديد !!؟
لمصلحة مين تكدير السلم والأمن المجتمعى واللعب على تسخين الناس بالشكل ده !!؟
هى الشيكات وصلت والا اييه !!؟؟ .. والا دى تعليمات صاحب الشغل إللى راجع يفتح ورشة الخراطة ويلم الصنايعية تانى .. والا ده عربون محبة واثبات وجود من فريق “ابيع نفسى” علشان صاحب الشغل ياخد باله منهم ، ويرجع السبوبة من تانى !!؟
دى مجرد تساؤلات بريئة مش مقصود منها حاجة خالص ..
احنا بس عايزين نقول:
إخدعنى مرة .. عارٌ عليك
إخدعنى مرتين .. عارٌ عليا
عموما … لو صاحب ورشة الخراطة راجع بنفس الأدوات .. معلش .. إسمحلى .. احنا أخدنا التطعيم خلاص … والاجسام المضادة بقت بتجرى فى الدم … و وسائلكم و ادواتكم بقت محروقة .. و مصر دلوقتى مش هى مصر إللى كانت من كام سنة !!!
إنسى …
حفظ الله مصر وشعب مصر …