06 Nov 2021
مخاض أبي أحمد
—————–
على صفحته الشخصية.. آبي أحمد بيقولك مخاض ….
مخاض اييه يا عم الحاج .. !!؟ ..
هو انت لسة مش مدرك انك خلاص إتبعت رسمى فهمى نظمى !! 🤔
امبارح فيه 9 جماعات إثيوبية وقعت في واشنطن على اتفاق مناهض لحكومة أديس أبابا .. حيث تم الاعلان عن “الجبهة المتحدة للقوات الفيدرالية و الكونفدرالية الاثيوبية” و المكونة من 9 حركات تضم الحركة الشعبية لتحرير بنى شنقول … وبما إن ده حصل فى واشنطن .. يعنى فيه موافقة اميريكية على إزاحة سيادتك من المشهد … !!
فنلندا وبلجيكا والولايات المتحدة الاميريكية وهولندا و النرويج والسعودية ومصر وغيرهم .. كل الدول دى بتدعو رعاياها لعدم السفر ومغادرة اثيوبيا على الفور بسبب الوضع المقلق والغير مستقر داخل البلاد … و فيه دول بدأت بالفعل بإجلاء بعثتها الدبلوماسية
كل ده بالتزامن مع اعلان الحكومة فى اثيوبيا حالة الطوارئ لمده 6 اشهر .. وإنه قد يتجه الوضع إلى اعلان حظر التجوال، واجراء حملات تفتيش لمنازل المواطنيين …. وقد بدأ الاثيوبيين فى اديس ابابا بالفعل فى تخزين المياه و المواد الغذائية تحسباً للظروف.
كل ده .. والحاج أحمد لسة بيقولك حالة مخاض ….
انت بالنسبة للى مشغلينك فشلت فشل ذريع …
فشلت فى إتمام بناء السد ..
فشلت فى الملئ الأول والثاني وبقيت أضحوكة العالم ..
فشلت فى تحييد السودان أو أنك تقلبها على مصر ..
فشلت فى تشويه مصر دوليا …
وفشلت فى استفزاز مصر وتوريطها فى صراع عسكرى أو حتى فى ضربة جوية لهدم السد … ذلك المخطط الذى كانت تعرفه مصر وتدرك أبعاده !!
وعلشان كدة انت بتتباع وش ..
بتتباع من اللى بتقول عليهم الأصدقاء (هنمشيها الأصدقاء) اللى اداروا ظهورهم ليك … 🙄
والقادم بالنسبة لأثيوبيا أسوء …
وعلى رأى اللى قال “لا يليق بنا أن نقلق” 😉🙂
حفظ الله مصر برئيسها وجيشها وشعبها 🙏