08 Nov 2021
الحرب البيولوجية .. رسالة لمن يهمه الأمر .. !!
————————————————
معلش .. المقال ده محتاج تركيز شوية .. وإلمام بالصورة الكلية ، وتركيب الأحداث مع بعضها .. علشان الموضوع جد جداً ، مش مجرد كلام بيتكتب ، ويعدى علينا وننساه بعد كدة .. !!
⬅️ من حوالى 6 سنين ، حذر “بيل جيتس” صاحب ومؤسس ميكروسوفت الشهير من إن العالم غير مستعد لمواجهة وباء قادم ….. و فى نهاية عام 2019 ، تنبأ تانى بظهور فيروس قاتل في أسواق الصين، وقال إنه هــ ينتقل بسرعة إلى كل العالم …… و توقع جيتس، في سلسلة وثائقية مصورة صدرت على نتفليكس، ظهور فيروس ما في أحد أسواق الصين …….. وده بالفعل اللى حصل !!!!
⬅️ ومع بداية عام 2020 وظهور فيروس كورونا وبدء إنتشاره .. ظهر بيل جيتس فى تصريح إعلامى وقال إن كورونا فايروس خطير جداً ، وهينتشر فى العالم كله ، وماحدش هــ يقدر يوقفه …….. و ده كمان حصل !!!
⬅️ ومع إقتراب الربع الأخير من عام 2020 ، وبدأ الحديث عن الموجة الثانية … ظهر بيل جيتس فى تصريح أخر وقال إن الموجة الثانية من فيروس كورونا ، هــ يبقى أنتشارها أكبر بكثير من الموجة الأولى ……. وده برضوا حصل !!
⬅️ ومع بداية عام 2021 .. خرج علينا بيل جيتس فى تصريح غريب جداً وقال إنه من المرجح إنه هــ تحصل جائحة جديدة بعد 3 سنوات ، وإن البشر هــ يكونوا محظوظين لو الجائحة دى تأخرت 10 سنوات !
و ده فى الغالب اللى هــ يحصل ..
وخصوصاً إنه فى شهر أكتوبر الماضى ، ظهر المدير العام لمنظمة الصحة العالمية تيدروس أدهانوم ، وقال بالحرف “حتى في الوقت الذي نحارب فيه هذا الوباء (كورونا) ، علينا أن نتخذ العبر ، وهذا الوباء يعلمنا بأن نحضر لوباء آخر. ومن المؤكد من الناحية البيولوجية أنه عند نقطة معينة سيظهر فيروس جديد ونحن لن نكون قادرين على احتوائه. وبإمكاننا أن نتخذ خطوات الآن للتحضير لهذا الفيروس ورصده والتعامل معه بسرعة عندما سيظهر”
⛔ ⛔ يـعــنــى … و مــــن الأخــــــــر كـــــــدة …… فيه عملية تمهيد للرأى العام العالمى لظهور سلالات جديدة من أنواع من الفيروسات هــ تعمل أزمة كبيرة فى العالم …. و إن الكورونا ده كانت مجرد بداية …. أو خلينا نسميها “بروفة” لما هو قادم … 🙄
❌ لكن الجديد بقى إنه من يومين ، قال الملياردير الأمريكي بيل جيتس ، في توقعاته عن المستقبل القريب في العالم، إن القادم هــ يكون أسوأ …. وقال إنه فى المستقبل القريب هــ يتم تنفيذ الهجمات الإرهابية باستخدام أسلحة بيولوجية، و هــ تصبح عواقبها أسوأ من جائحة فيروس كورونا المنتشرة حاليا .. 😏
و مش كدة وبس .. لكنه كمان نصح دول العالم إنه يجب عليهم إنفاق مبالغ ضخمة على الأبحاث في مجال علم الأوبئة علشان يقدر البشر يتعاملوا مع الأمراض المعدية اللي ممكن تنتشر نتيجة للإرهاب البيولوجي .. وحث جيتس، منظمة الصحة العالمية على النظر في إنشاء مجموعة خاصة من العلماء، علشان يقوموا بتطوير أساليب وطرق لصد الهجمات البيولوجية، وكذلك القضاء على عواقبها !!!
🚫 كلام غريب مش كدة !!؟؟ 🤔
السؤال اللى بيطرح نفسه بقى … ياترى الشفافية دى والقدرة على إستقراء المستقبل فى موضوع بهذا القدر من الأهمية بيحصل إزاى … و هل ده مجرد توقع !؟ .. وإلا رسائل لمن يهمه الأمر !!؟؟
وإييه الإساس اللى تم البناء عليه لتوقع تفشى جوائح مستقبلية .. وتحديد تاريخ أو فترة زمنية بعينها !؟ .. وكمان توقع الوسيلة اللى هينتشر بيها وهى الإرهاب البيولوجى …… هل ده رجم بالغيب !؟ .. وإلا معلومات مسبقة ؟؟
طب مثلا فى خلال الــ 10 سنوات السابقة ، كلنا شوفنا بعنينا الإرهاب العابر للحدود .. وإزاى بــ يسقط جيوش .. وبــ يدمر دول .. وبيشرد شعوب … وإزاى الجماعات والفرق الإرهابية دى بتمتلك أسلحة ، وقدرات تدميرية ، ودعم لوجيستى ، وتمويل مادى ، وقدرات إعلامية ، وتكنولوجيا إتصالات ، لا تتوافر إلا لدول .. ودول كبرى كمان .. مما يعكس تمويل لا نهائى بهدف تنفيذ مخططات بعينها … وخلاص كلنا فهمنا اللى بيحصل ، وإنه فيه أيادى أو جهات أو أجهزة أو شبكات مصالح ، هى اللى بتحرك الأحداث من خلف الستار ، بعد ما أصبح عندنا القدرة على إستقراء المشهد السياسى .. وبعد ماشوفنا إن الإرهاب بيظهر بقرار .. وبيتم توجيهه بأوامر .. وبيختفى بتكة زرار .. وبيرجع يظهر تانى وبيتم تفعيله بتكة زرار ..
طب الشخص اللى بيتكلم عن ظهور سلالات جديدة من الفيروسات وبــ يتوقع تنفيذ الهجمات الإرهابية مستقبلا باستخدام أسلحة بيولوجية … ياترى الإرهابيين هــ يجيبوا التقنية الطبية والتكنولوجية والمعامل المجهزة لتطوير فيروسات تدعم حربهم البيولوجية دى منيييييين ؟؟؟ ..
وإزاى !!؟؟؟ ..
ومين اللى هــ يمولهم !!؟؟ ..
هل هم نفسهم اللى مولوهم بالرصاصة والمسدس والــ أر.بي.جى !!؟؟؟ …
وإييه هى الأدوات اللى هــ تتوفر لهم لنشر الفيروسات دى !!!؟؟ …
والسؤال الأهم بقى …
لييه التصريحات دى ظهرت فى التوقيت ده بالذات !؟؟ … وخصوصاً بعد ماتم فضح جميع التنظيمات الراديكالية ، وبعد مافقدت كثير من خطورتها وتأثيرها .. وبدأ الإرهاب العالمى يندحر فى بقاع كثيرة .. !! … وهل دى رسالة تهديد صادرة من جهات بعينها ، لمن يهمه الأمر .. ولكل اللى مابيسمعش الكلام ، إنه لازم يسمع الكلام ، يا إما الحرب المرة دى هــ تبقى كارثية وفى مواجهة عدو غير منظور !! … وإن تجربة فايروس كورونا كانت مجرد بيان على المعلم !!!؟؟
عموماً احنا مش بــ نقلقم …. لكن فعلا العالم داخل على ايام هــ تكون قاسية جداً …. مصاعب إقتصادية كبيرة شرحناها فى مقال سابق … وغليان فى منطقة الشرق الأوسط والقرن الأفريقى … والصراع السياسى على أشده فى العالم كله .. و أدى كمان حديث عن موجات قادمة من الحروب البيولوجية …. و لو ربطنا ده بأزمة المناخ و التغيرات المناخية اللى هــ تأثر على الانتاج العالمى من المحاصيل الزراعية …. و كمان ازمة الطاقة ….. فــ بالعربي كده نقدر نقول ان العالم داخل على مفرمة لن ترحم الضعيف او المهزوز .. و هــ تمحيه من الوجود !!
و لو ربطنا كل ده بتاريخ تم التوافق عليه عالمياً ، و كان بالمصادفة اول مرة نسمعه كان من مصر و هو تاريخ 2030 …. و اللى كل دول العالم بدات تقدم نفسها و رؤيتها و خططها انها ستكون في أوج انتصارها و كمالها في سنة 2030 .. وحتى المؤسسات والمباحث الإقتصادية بتتكلم عن تصنيفات الدول وترتيبها الإقتصادى فى 2030.
فــ نقدر نقول وبكل ثقة .. ان مصر و زى ما شوفنا و جربنا في العديد من الملفات كانت سابقة الجميع بخطوة .. و ان الدولة المصرية كانت طول الوقت بــ تعد العدة لما هو آت …. و ده يفسر تكرار كلمات الرئيس اللى كان دايما بــ يقولها “احنا ماعندناش وقت …. لازم نخلص بسرعة … مافيش وقت…. التحديات كتير و لازم نكون مستعدين”.
اكيد هــ تكون أيام صعبة …. و المواطن لازم يكون فاهم حجم التحدى اللى مقبلين عليه …. لانها هــ تكون تحديات يتوقف عليها وجوده هو شخصيا …. وممكن يبقى فيه دول لن يكون لها وجود …. لكن احنا جربنا و شوفنا …. ازاى الدولة المصرية في ملفات معينة ، كانت بــ تاخد خطوات بتبقى غير مفهومة في حينها …. و لكن اكتشفنا ان الخطوات دى كانت كفيلة بحمايتنا لاحقا باقل الخسائر و احسن النتايج …. زى ما حصل في موضوعات كتير …. زى ملف غاز شرق المتوسط و ليبيا و اثيوبيا و كرونا و الصحة و التعليم و التسليح والبنية التحتية والأمن الغذائى والإجراءات الحمائية والبطالة والتكافل الإجتماعى وتنمية سيناء والمشروعات القومية .. و غيرها من الملفات اللى شغالين فيها بنجاح كبير و عديناها او بنعدى فيها بخطى ثابتة .. !
تانى … إحنا داخلين على وقت صعب .. لكن تاكد إننا هــ نعدى منه بأقل الخسائر ، و افضل النتائج … و زى ما كانت مصر الناجى الوحيد من دول الربيع العربي …. هــ نوصل بخطى ثابته بالجمهورية الجديده لعام 2030 كمصر العظمى بإذن الله …… وإبقوا إفتكرونا بالخير
المجد للثابتين
وحفظ الله مصر برئيسها وجيشها وشعبها 🙏