28 Jan 2016
تحيا الثورة
———-
زي النهاردة من كام سنة .. كان معظمنا قاعد قدام التليفزيون ومصدق كذب الجزيرة و إشاعات “شبكة رصد” .. وكنا مصدقين إن الشرطة إنسحبت علشان تعمل فوضى فى البلد ، وإن الشرطة هى اللى فتحت السجون .. فى الوقت اللى كان فيه جنود فضّلت إنها تتحرق حية جوا مدرعاتها.. علي إنها تسلم المدرعات دي سليمة للمجرمبن السلميين المجرمين..
كان اللي بيقتل رجل أمن أو يحرق منشأة يبقي “ثوري سلمي” .. واللى كان بيعترض علي تخريب أى منشأة كان بيبقى فلول و كافر و عدو الثورة .. وكان البوب أيقونة الثورة ، و مرسي و ابو إسماعيل “ثورجية”.. و 6 إبريل كانوا فصيل ثوري علشان بيقتحموا المنشآت الأمنية ومبانى أمن الدولة .. وكان كتير مننا واقفين فى الشوارع و وقدام أبواب البيوت بالشوم و السكاكين عشان نحمى بيوتنا
لكن علشان بس نصحح بعض المفاهيم ، لازم نقول إن الثورة فى حد ذاتها مش عيب أو عار .. وتاريخ الأمم ملئ بالثورات اللى كانت ضد الظلم أو ضد الإحتلال ، وكثير من شعوب العالم سطّروا ثوارتهم بحروف من نور لأن الثورات دى كانت نابعة من الشعوب نفسها ، وكانت قائمة على الحق والعدل ، وكان هدفها هو مصلحة الوطن.
وعادةً اللى بيقوموا بأى ثورة بيكون هدفهم الوصول للحكم .. لكن فرق كبيييييير جداً بين أن يكون الوصول للحكم مجرد وسيلة لإنقاذ الوطن ، وبين أن يكون الوصول للحكم هو فى حد ذاته هدف و غاية !!
ولكى تكون الثورة نبيلة ، يجب أن تكون نابعة من الشعب نفسه ، .. لكن بكل اسف ، كل ثورات الخريف العربى ، أو بمعنى اصح “الربيع العبرى” .. كانت كلها ثورات مدفوعة ، إستغلالاً لواقع مرير تعيشه بعض الشعوب ، ودفعهم للثورة على طريقة قول حق يراد به باطل … يعنى مش لمصلحة هذة الشعوب ولكن لتحقيق مصالح سياسية ، وتنفيذ مخططات تأمرية معينة تهدف لتفتيت الدول دى وإيصال اشخاص أو تيارات معينة للحكم ، ومش كدة وبس .. لكن العمل على ترسيخ بقائهم ، وإستخدامهم لمزيد من الدمار كمعاول هدم فى جسد المنطقة …. وأظن إحنا بقالنا سنتين بنتكلم عن الموضوع ده بكل تفاصيله وجوانبه !!
المفروض بقى إن الثورات بتقوم بالسعى لرقى الدول ورخاء الشعوب .. لكن لما نيجى نستعرض ملخص بعض التقارير العالمية الصادرة بتاريخ 15 ديسمبر عن بعض المنظمات الدولية زى البنك الدولي … والمفوضية السامية للأمم المتحدة لشؤون اللاجئين …. ومؤتمر الأمم المتحدة للتجارة والتنمية …. والأمم المتحدة “اللجنة الاقتصادية والاجتماعية لغربي آسيا” …. ومكتب الأمم المتحدة لتنسيق الشؤون الإنسانية …. والمركز التجاري العالمي التابع لمنظمة التجارة العالمية … وتومسون رويترز .. واللى قالت إن نتائج الـزفت “الربيع العبري” المعروف عالميا بالربيع العربى كانت كالأتى:
- تشريد أكثر من 14 مليون شخص .. ، أما تكلفة اللاجئين فبلغت 48.7 مليار دولار.
- حجم الضرر في البنية التحتية بلغ ما يعادل 461 مليار دولار.
- الخسارة التراكمية للناتج المحلي الإجمالي بلغت 289 مليار دولار
- خسائر أسواق الأسهم والاستثمارات أكثر من 35 مليار دولار حيث خسرت الأسواق المالية 18.3 مليار دولار وتقلص الاستثمار الأجنبي المباشر بمعدل 16.7 مليار دولار.
- تراجع تدفق السياح بحدود 103.4 مليون سائح بين العامين 2010 و 2014
وطبعا التقرير ده ما أوردش تكلفة العمليات العسكرية الى قامت بها دول المنطقة ، وحجم الأموال اللى تم إستنزافها على السلاح فى مواجهة العمليات الإرهابية .. بالإضافة للتراجع الكبير فى أسعار البترول فى دول الخليج ، واللى ممكن يقفز بالرقام دى لأرقام مذهلة !!! .. بالإضافة لإن التقارير ماجابتش سيرة الدول اللى إنهارت وعمرها ما هــ ترجع تانى زى ماكانت !!
ياترى إييه راينا !!؟؟ .. حلوة الثورة ، صح !!؟؟
مافيش مؤامرة صح !!؟؟
ياترى فيه أى ثورات فى التاريخ عملت كدة فى نفسها وفى بلادها وفى شعوبها !!؟؟
لو دى مش مؤامرة ، أومّال المؤامرة تبقى إييه !!؟؟