06 Dec 2021
عقدة محمد صلاح !!
———————
لما حد من هواة المزايدات الدينية الرخيصة يقولّك “صلاح ماقالش مابشربش خمور عشان ديني بيحرمها لأنه خايف من الغرب” … قول له بس يا بابا … علشان جماعتك اللى انت منهم او مش منهم بس بتحترمهم وكل الجماعات الإرهابية حللوا تجارة المخدرات وشربها بإسم الجهاد .. وهى حرام .. و اوجدوا لها المبرر الدينى زوراً وبهتناناً بإسم الدين !
لما حد من هواة المزايدات الدينية الرخيصة يقولّك “صلاح ماقالش مابشربش خمور عشان ديني بيحرمها لأنه خايف من الغرب” … قول له بس يا بابا … علشان جماعتك اللى انت منهم او مش منهم بس بتحترمهم وكل الجماعات الإرهابية حللوا قتل النفس وهى حرام .. و اوجدوا لها المبرر الدينى زوراً وبهتناناً بإسم الدين
لما حد من هواة المزايدات الدينية الرخيصة يقولّك “صلاح ماقالش مابشربش خمور عشان ديني بيحرمها لأنه خايف من الغرب” … قول له بس يا بابا … علشان جماعتك اللى انت منهم او مش منهم بس بتحترمهم وكل الجماعات الإرهابية حللوا الزنا تحت مسمى جهاد النكاح .. ورخصوا للزنا فى بلاد الاغا العثمانلى بتاعك .. والزنا فى الدين حرام .. و اوجدوا لها المبرر الدينى زوراً وبهتناناً بإسم الدين !
لما حد من هواة المزايدات الدينية الرخيصة يقولّك “صلاح ماقالش مابشربش خمور عشان ديني بيحرمها لأنه خايف من الغرب” … قول له بس يا بابا … علشان جماعتك اللى انت منهم او مش منهم بس بتحترمهم وكل الجماعات الإرهابية حللوا سرقة غير المسلم وحرقوا وفجروا الكنائس وقتلوا وحرقوا وفجروا النساء والأطفال والابرياء العزل .. وكل ده حرام .. و اوجدوا له المبرر الدينى زوراً وبهتناناً بإسم الدين !
محمد صلاح بيخاطب الملايين فى العالم بلغتهم مهما اختلفت دياناتهم .. وبيتكلم عن القيم العليا والفطرة السوية اللى بتسموا بالانسانية .. ويقرها الدين ….. ولاحظ إن فيه مسلمين بيشربوا خمرة .. ومسيحين مابيشربوش خمرة .. ويهود مابياكلوش ميتة .. يعنى العبرة هنا بالفطرة السليمة مش بالحلال والحرام … وإلا لو كان الدين حلل شرب الخمرة والزنا .. كنت هتشرب وهتزنى مش كدة .. !! 🤔
وخليك فاكر ان الرسول صلى الله عليه وسلم لما كان بيبايع النساء على مبادئ الإسلام وكان من المبادئ الّأ يزنين .. نطقت “هند بنت عتبة” فى تعجب وقال “وهل تزنى الحرة !!؟” … يعنى هى ماكانتش بتزنى برغم إنها مشركة .. مش كانت .. ثم أصبحت .. لأن الدين لا يتعارض مع الفطرة السليمة ولا القيم الإنسانية السوية
لما حد يقولك أصل محمد صلاح ماقالش … قول له بس يا بابا.. وبلاش مزايدات رخيصة .. لأنه من سنتين فى سنة 2019 عملوا دراسة كانت نتيجتها بتقول إن صلاح فى وجوده فى مدينة ليفربول ، باللى بيعمله وبكل تصرفاته ، قلل خطاب الكراهية ضد الإسلام بنسبة 50% … يعنى عمل اللى جماعتك او مش جماعتك بس بتحترمهم وكل فصائل التأسلم السياسى ، ماعملهوش على مدار سنين طويلة من المزايدات والتكفير والترهيب بإسم الدين
محمد صلاح عمل اللى ماعملهوش “أبوفشيخة” بتاعك اللى مابيعملش حاجة غير المزايدة بإسم الدين وبس … وهى دى عقدتكم، و مشكلتكم الحقيقية مع محمد صلاح .. إن ربك شاء انه يظهر فى توقيت علشان يحرق إله العجوة بتاعكم … وهو ده اللى مجننكم .. ومجنن لجانكم الاليكترونية 😎😁
الشباب الصغير فى انجلترا بقى بيسجد لما بيجيب جول او بيفرح علشان يقلد محمد صلاح … والانجليز بقوا بيسموا بناتهم مكة على اسم بنت محمد صلاح …. يعنى #محمد_صلاح بقى قدوة من غير أى مزايدة أو نفاق أو زيطة فارغة … و وصل للقمة وحقق اللى مافيش لاعب مصرى أو عربى قدر يحققه قبل كدة .. سواء على المستوى الكروى أو على المستوى الإنسانى …….. ولا حتى أمير القرود …