04 Apr 2022
و فى الاعادة إفادة …
———————
علشان نقفل على ملف السوشيال ميديا ده خالص ونبطل كلام فيه .. بخصوص اللجان الاليكترونية الاخوانية اللى بتجيلهم تكليفات محددة ، بالهجوم على مسلسل الاختيار والتشكيك فى الحقائق اللى بيكشفها المسلسل …. ف دى عينة من التكليفات اللى جاتلهم بعد عرض الحلقة الثانية من المسلسل والتسجيلات الخاصة بخيرت الشاطر والمرشد محمد بديع .. و مرسيهم اللى كان قاعد قدامهم بيسمع التعليمات ويهز دماغه زى التلميذ النجيب … واللجان بقى هاتك يا صعبانيات كدة على ماقسم ، على مندوب الجماعة فى قصر الرئاسة …
هو ده اسلوب شغلهم بالفعل على السوشيال ميديا، مش فيما يخص المسلسل فقط .. ولكن قيس عل كدة فى أى خبر أو شائعة أو ملف عايزين يعملوه تريند .. فتلاقى الذباب الاليكترونى ده ياخد التكيفات من هنا .. ويبدأ حملة مكثفة على كل المواقع سواء فيسبوك أو تويتر او انستجرام أو غيره .. وللأسف إن فيه ناس بتصدق وبتفتكر إن الكلام ده بيتحرك بشكل عفوى .. !!!
المهم احنا مايهمناش نثب المثبت بالفعل .. ولا يهمنا اللى لسة مش مصدق وبيقولك ده بيحصل صدفة والناس بتنقل من بعض … ولا يهمنا إن سكان التجمع كلهم انتفضوا فجأة كدة علشان خاطر الجاسوس المنتخب زى ماهو باين فى البوستات اللى فى الصورة
لكن اللى يهمنا حاجة غريبة جدا …. ازاى منار ووفاء كاتبين كنت #ساكن مش كنت #ساكنة !!!؟ 🙈 … بجد انا لو من رئيس اللجان اللى مشغلهم .. لازم أبلغ عنهم بنفسى علشان اخلص منهم .. 😁
بيفكرونى بجمل الفنان محمد صبحى فى مسرحية تخاريف لما قال: “متأمر و أhبل 😁
ولسة ياما هنشوف …
حفظ الله مصر من الشر وأهله وأعوانهم 🙏