10 Apr 2016
التفكير بالتمني – مزايدات وطنيه
——————————–
اصدقاؤنا اصدقاء صفحة كلام في الصميم ….. بعد استلامنا اكتر من 50 رساله استفسار على موضوع الساعه بتاع الجزيرتين تيران و صنافير …. و لان الموضوع محسوم و مش محتاج هري …. و لان صحابنا بتوع التفكير بالتمني بتوع السنه اللى فاتت …. اللى هرونا تحليلات على انهيار حفر قناه السويس و ضياعها نهائيا بسبب حفر قناه السويس الجديده … و هرونا صعبانيات و وطنيه على دم مئات الالاف من المصريين اللى حفروا قناه السويس اللى حيروح هدر …. و كمية خبراء الهندسه و الجيولوجيا و الفضاء اللى اتحفونا مقالات علميه و هندسيه و جيولوجيه ….. و اكدوا استحالة حفر قناة السويس الجديده من اصله و تدمير البيئه البحريه و ما ذنب النباتات كانت فوق الوصف … و للاسف بعد ما القناه اتحفرت … اتكشف ان كل هريهم ده مبني على تفكيرهم بالتمني … و انهم كانوا بيتمنوا انها تفشل ….. او بيستكتروا على مصر النجاح … و كانوا بيصدروا لينا كم هاااائل من الطاقه السلبيه و السوداويات لم يصدره لنا العدو الاسرائيلي ايام احتلالهم لسيناء ايام الحرب.
جم همّ همّ بنفس حجج الوطنيه و الارض و العرض …. بيزايدوا على وطنيه وعقيده الدوله المصريه العميقه و الجيش المصري اللى حموا مصر و حموا شعبها و عرضها طوال السنوات الماضيه و بذلوا الدم و الغالي و النفيس للمحافظه للحفاظ على كل حبة رمل مصريه …… و هم هم بيتكلمو و بيهروا على موضوع تيران و صنافير ….
الموضع رده في ثلاث نقاط و كلمه ورد غطاها …. حضرتك شايف الخريطه اللى في الاسفل ؟؟؟؟؟ ….. شايف الممر الملاحي بتاع خليج العقبه ؟؟؟ …. على يمينه الاراضي السعوديه و على شماله سيناء المصريه ……… شوف بقي حضرتك الجزيرتين على اليمين و لا على الشمال و حكم عقلك و متخليش حد يلعب في دماغك.
و اللى بيقول اصل اتفاقيه الدوله العثمانيه سنة مش عارف كام و ان السعوديه انشئت بعد ترسيم الحدود دي …. فنقوله ….. حضرتك شايف الخريطه اللى فوق على الشمال ؟؟؟؟ دي خريطة مصر ايام محمد على … و كان فيها الحجاز و الشام و شمال افريقيا و السودان
طيب اللى بيتكلم على اتفاقية الدوله العثمانيه …. طب حضرتك شايف الخريطه اللى فوق على اليمين …. دي خريطة مصر الرسميه المعترف بيها دوليا عام 1902 …. السودان و شرق ليبيا كانوا تبع مصر …. و مع ان الخط المرسوم فيها على سيناء بس … لكن لغاية سنة 1952 كان ملك مصر اسمه ملك مصر و السودان ….. لو الاتفاقيه دي اللى قانونيه و ساريه … فحضرتك ليه معترضتش على تخاللي عبد الناصر للسودان …. و مكملتش ليه و مطالبتش بالسودان و شرق ليبيا بالمره … و ليه مطلعش ليك صوت ايام ما كان المأسوف على شبابه بيبقشش بحلايب على السودان …. و بيسن قانون بتمليك مذدوجي الجنسيه اراضي سيناء (الاهل و العشيره في غزه)
و اللى واخد الفيديو المقتطع لعبد الناصر و واخده دليل … فالحقوق و العلاقات الدوليه مش بتمشي بفيديو …. و ان اللى كان بيتكلم هو عبد الناصر اللى رجع الحق لصحابه و رجع السودان لصحابها … و ان الخطاب ده كان خطاب اعلان حرب …. و ان ذكره لاسم الجزيره دي بالذات يأكد على كلامنا …. لان اسرائيل ساعتها طلعت و قالت ان مصر محتله جزيره سعوديه عشان تهدد الملاحه بتاعتها … و ان لو السعوديه موافقه يبقي هي طرف اصيل في الحرب … و ده حيبقي عدوان عربي ( مصري سوري سعودي اردني) … فاللى في الفيديو ده كان رده عليهم في خطاب اعلان حرب .
للاسف مازال المفكرين بالتمني … بيتمنوا ان مصر تفرط في ترابها زيهم لانهم مش معترفين بوطن اصلا ….. فمنهم من مقتنع ان الوطن ما هو الا حفنة من التراب العفن … و الجزء التاني بيحتقر وطنه و بيطلق عليها كلمه ” ماسر” … لكن سبحان الله .. كلهم دلوقتي بقوا وطنيين .
حنقول كمان … سيبك من الهري و كميه المغالطات القانونيه و التاريخيه لان لا حد عنده وثائق رسميه و لا عنده معلومات … لكن كمواطن عادي … بص على الخريطه و حكم عقلك و ابعد عن التفكير بالتمني … و شوف الجزيرتين موجودين فين و احكم انت ….
مصر زي ما عمرها ما فرطت في شبر من ارضها …. عمرها ما اكلت حق حد و لا استولت على شبر ارض مش من حقها .
مصر مافرطتش فى سيناء فى 1967 ، ومافرطتش فى طابا فى الثمانينات ، ومافرطتش فى حلايب وشلاتين فى الـتسعينات ولا فى 2012 .. ومفرطتش فى رفح والشيخ زويد فى 2013 .. ومافرطتش فى حدودها البحرية فى 2014 .. فــ مش هــ تيجى النهاردة تفرط فى حبة رمل من حقها ..
الموضوع عقيدة عسكرية .. والسيسى لا يملك إنه يفرط فى حبة رمل ، لأنه ببساطة خالص لا يملك ده .. والجيش المصرى مش هــ يسيبه يعمل ده
إصحوا يامصريين ، وإوعوا تسقطوا فى الفخ اللى بيتنصب لكم