مصر تحارب – مصر تنتصر

30 Jan 2015

مصر تحارب – مصر تنتصر

—————————-

علشان ندخل فى الموضوع وبدون مقدمات طويلة ، اللى بيحصل ده كان لازم يحصل !! ..

طب ليه .. !!؟؟

كان لازم يحصل لأن مصر بــ تنتصر فى كل خطوة بــ تخطيها ، وفى أى مواجهة بــ تدخلها ، .. وإذا كان فيه عمليات بتحصل وأرواح طاهرة بتروح ضحية ، .. فهم اللى إختاروا إنهم يموتوا بالنيابة عننا لأنهم عارفين حجم الخطر المحدق بمصر كويس قوى .. بس إحنا اللى مش عارفين ، .. ولا عارفين حجم العمليات الإستباقية اللى نجحت فى إجهاض مؤامرات كان ممكن تحول الوضع فى مصر لأسوا مما هو موجود فى سوريا ..

كان لازم يحصل لأن مصر أفسدت كل مخططات الجماعة فى الحشد الداخلى ، وأجبرتهم على الظهور على حقيقتهم ، وبعد ما كانوا بيضحكوا على العالم وبــ يقولوا “سلميتنا أقوى من الرصاص” .. ضهروا دلوقتى على حقيقتهم وكشفوا وجههم الإرهابى القذر القبيح ، و أصبح شعارهم الرسمى والمعلن هو “سلميتنا أقوى بــ الرصاص” .. !!

كان لازم يحصل لأن مصر  مش بتحارب مجرد إرهاب جماعات متشرذمة من هنا وهناك .. لأ .. ده إرهاب دولى منظم ، ومدعوم بشكل لا متناهى ، من تنظيمات ، وأجهزة إستخبارات ، و دول كاملة ، سواء كان الدعم مادى أو تسليح عسكرى أو معدات حفر أنفاق على أعلى مستوى ..

كان لازم يحصل لإن فيه دول كاملة سخرت أقمارها الصناعية وكل قواها التكنولوجية لرصد مواقعك العسكرية وتصويرها وإعطاء تفاصيلها لكلابهم المنفذين من الجماعات الإرهابية ..

كان لازم يحصل لإن مصر بتأخذ إجراءات أقتصادية وسياسية ، وبــ تخطّى خطوات واسعة ، و بــ تحصل كل يوم على تأييد أكبر ، وبتعمل مشروعات جبارة ، وبــ تعيد توفيق أوضاع الدولة من الداخل وبتتحرك فى كل إتجاه علشان نعدى عنق الزجاجة !!

كان لازم يحصل لإن مصر وقعت إتفاقية مع روسيا للتبادل التجارى بالعملة المحلية ، وممكن تتخيلوا مدى التأثير الإقتصادى اللى ممكن يحصل بسبب إتفاقية زى دى

كان لازم يحصل علشان مصر ماتوصلش ابدا لمحطة المؤتمر الاقتصادى فى مارس اللى جاى

كان لازم يحصل لإن دور مصر الإقليمى وتحركاتها فى اللعبة السياسية بــ تقوم يوم بعد يوم بــ تقليص دور قطر وتركيا الإقليمى بشكل مخيف ، وأصبح يشكل خطورة حقيقية على قدرتهم على تنفيذ ودعم مخططات التقسيم فى المنطقة  !!

كان لازم يحصل ، لأن الأوضاع فى سوريا وليبيا بتتجه إلى سكة إيجابية بسبب التحركات المصرية على المستوى السياسى أو ….. “خلينا ساكتين” !!

كان لازم يحصل لإن صور السيسى بيتم رفعها الأن فى شوارع صنعاء مطالبين مصر بالتدخل لحل مشكلة الحوثيين .. وبغض النظر إن ده ممكن يكون نوع من أنواع الإستدراج لجر مصر لخوض حرب خارجية ، لكن هو ده الوضع الحالى والفكرة المسيطرة عند كثير من اليمنيين .. ولو حد له صديق فى اليمن ممكن يسأله !!

كان لازم يحصل علشان يتم شغل مصر بأوضاعها داخلياً علشان تبقى تصريحات أمن الخليج خط أحمر اللى إتكررت أكتر من مرة ، .. وكلمة مسافة السكة اللى إتقالت كتيير ، يبقوا مجرد كلام فى الهوا ..

كان لازم يحصل كإختبار لرد فعل القيادة السعودية الجديدة واللى بإذن الله هــ تفاجأهم برد فعل غير متوقع

كان لازم يحصل لإن الصراع أصبح سافر وسافل ، والتهديدات بالقتل والحرق والتدمير والتفجير أصبحت علنية بدون أى خجل أو مواربة ، لأن الحرب بقت فعلا على المكشوف دلوقتى واللى مايشوفش من الغربال يبقى أعمى

كان لازم يحصل تأكيداً للتصريحات اللى خرجت من أول ثورة المصريين فى 30 يونيو بإن الغرب لن يسمح بظهور ناصر جديد فى المنطقة … يعنى الهدف بكل بساطة هو عدم السماح بوجود زعامة مصرية وطنية قد تؤثر بشكل إيجابى على دور مصر على المستوى الإقليمى

كان لازم يحصل علشان عدوك دلوقتى بكل أسف بقى منّك ، عايش على أرضك ، بيتكلم لغتك ، وموجود فى كل حتة فى بلدك !!

وفى النهاية كان لازم يحصل علشان مجموعة من الأنطاع الى بيحملوا خطأً الجنسية المصرية ، وبرغم كل اللى بيحصل فى مصر وفى المنطقة كلها ، لسة بــ يهاجموا الجيش والشرطة ، ولسة بيقولوا يسقط حكم العسكر ..

ولو إحنا عندنا الحد الأدنى من الرؤية الصائبة والقدرة على قراءة التاريخ ، .. فــ  نظرة سريعة على مصر من 50 سنة ، وبالتحديد فى عام 1964 ، هــ نلاقى إن التقارير السرية لجهاز الإستخبارات الأميريكية C.I.A كان بــ يقول إن الموقف المصرى قوى جداً داخلياً ، ومصر بــ تتحرك وبتكسب أرض على المستوى الإقليمى والدولى ، وفيه طفرة صناعية ومشروعات عملاقة بــ يتم التحضير لها داخل مصر ، ومافيش حل لإيقاف التقدم ده غير هزيمة عسكرية تطيح بــ ناصر ، وتوقف هذا التقدم  !!!! …

ده مش كلامى أنا ، ده كلام عدوك .. !!

طب حد فهم حاجة !!؟؟ ..

حد قدر يربط الصورة !!؟؟ ..

أصدقائى أصدقاء صفحة كلام فى الصميم ..

شعور الحزن ، والبكاء والنحيب والولولة بل والسباب والشتائم اللى بــ تنتهجه بكل اسف بعض القنوات الفضائية حزناً على أبناء مصر الأطهار اللى بيادة الواحد فيهم برقبة مليون إخوانى أو نكسجى أو مغيب أو فاقد الأهلية ، فرحان باللى حصل ، هو شعور بالعجز وهو مرفوض كل الرفض .. لأن من أول يوم فى عمر ثورة 30 يونيو تم التأكيد على إن الجيش المصرى إختار إنه يقف حائط صد ، ويستقبل بصدر عارى كل الطلقات الموجهة للمصريين علشان المصريين يعيشوا فى أمان وتقدر حضرتك تنزل تروح شغلك ، وتأمن على حياتك وعلى بيتك وعلى أولادك ..

وإذا كان فيه شعور بالحزن فهو إننا ماقدرناش نبقى مكان الأبطال دوول ..

رحمة الله على شهداء مصر الأطهار ..

و وقت الحساب قادم ..

ماتقلقوش ..

لمتابعة تعليقاتكم