23 May 2018
الرسالة المزدوجة للرئيس السيسى .. !!
————————————-
رسالة الرئيس السيسى المزدوجة كانت للمؤيدين وكمان للمحرضين اللى بيشتموا فى الدولة ليل ونهار وبيحرضوا على مؤسساستها وبيستعدوا عليها الدول الأخرى والمنظمات الدولية
أولا المؤيدين .. ومنهم اللى بيبعتولنا هنا على الخاص أو بيعلقوا بعض التعليقات اللى فيها كسوف وخجل من بعض الأحداث وإنهم مش عارفين يردوا على الأخرين …. طب تخجل لييه ومن إييه !!؟؟ .. طب ما إحنا عارفين إننا عندنا تحديات كتيرة .. وبإعتراف رئيس الدولة .. لكن كل ما تتكسف كدة وتحس إنك مش قادر تقف فى ظهر دولتك وتدافع عنها بتقة ، و بوجه مكشوف ، وعين قوية فى مواجهة المغرضين .. إفتكر إنه فيه ناس غيرك بيدافعوا عن الدولة دى بصدر مكشوف وهم شايلين أرواحهم على كفوفهم .. وماهمهمش كل اللى بيتقال عليهم من أول إستعبادهم وإعتبارهم ادوات النظام لحد التكفير !!
ثانياً .. المحرضين … فى كلمة ورد غطاها … اللى بيضحك على الناس واللى بيخدع الناس وبيحطم امال الناس .. كله هــ يتحاسب !!!
كله هــ يتحاسب …
اللى جوة ..
واللى برة ..