28 Jul 2018
فاعليات مؤتمر الشباب – جامعة القاهره
————————————-
دقائق من فعاليات مؤتمر الشباب السادس اليوم فى جامعة القاهرة
كل مرة الدنيا تقوم و ما تقعدش .. وينتشر الهرى على كافة المستويات .. وييجى رئيس الدولة بكلمتين يحط النقط فوق الحروف
لكن فى رأينا .. اهم جملة إتقالت فى الفيديو ده إن عملية بناء الإنسان المصرى هى عملية مجتمعية وليست عملية حكومية .. !!
مش هو ده اللى بنقوله على صفحتنا طول الوقت !!؟
مش هو ده اللى بنأكد عليه فى كل مقالات التوعية اللى نشرناها واللى مستمرين فى نشرها على مدار سنوات طويلة !؟
مش هو ده اللى إحنا قولناه إن عملية تدمير المجتمع عملية ممنهجة تمت على مدى سنوات طويلة ، وان الأوان إننا نوقفها ونرجع شعبنا لدوره الإيجابى زى زمان !؟
مش هى دى الإيجابية اللى إحنا بنطالب بيها الجميع طول الوقت !!؟
مش هو ده كلامنا دايما إن المجتمع والأسرة والأفراد والإعلام والمؤسسات المدنية والأحزاب لازم يكون لهم دور فى معركة البناء .. مش كل واحد قاعد حاطط إيده على خده وبــ يشاور على الأخرين ويقول هم لازم يعملوا !!؟؟
مش هو ده اللى عمله مواطنين كل الدول اللى إتقدمت وسبقتنا ، إن كل واحد شال مسئولية نفسه ومسئولية اللى حواليه فى التوعية والحض على السلوك القويم والخوف على البلد لحد ما المجتمعات نهضت وتحضرت !؟
النهاردة جاء دورنا بقى إننا نضطلع بمسئوليتنا المجتمعية علشان ننهض بمجتمعنا للأفضل
و علشان تفضل بلدنا مكملة بإذن الله