02 Sep 2018
مصر ترتدى ثوب الدولة القادرة .. !
———————————–
مش هــ نتكلم زيارة الرئيس السيسى لمملكة البحرين .. فى التوقيت ده بالذات ، وقبل سفره إلى الصين لحضور المنتدى الإقتصادى فى الصين !! ….
ولا هــ نحلل ونستفيض فى التحليل ونشرح اهداف وابعاد زيارة الرئيس السيسى الأخيرة للصين ، وعلاقة ده بطريق الحرير الصينى والإستثمارات الصينية فى مصر ، وموازين القوى العالمية اللى بتفرض نفسه على أرض الواقع واللى مصر فى القلب منها .. زى ما كنا بنعمل قبل كدة مع زيارات مماثلة للرئيس المصرى لكل دول العالم !! …..
ولا هــ نكرر اللى قولناه زمان ، إن مصر من بعد 30 يونيو ماكانتش بتتحرك بعشوائية ، أو بدون خطة سواء على المستوى الخارجى أو الداخلى ، وخصوصاً إن الربط بين الداخل والخارج فى منتهى العمق للى بس بيفهم مبادئ علوم سياسية ……
ولا هــ نتكلم عن كل الخطوات والإجراءات الإيجابية اللى اخدتها الدولة وكل المشروعات القومية والخطط الإستراتيجية (سياسياً وإقتصادياً وعسكرياً) .. واللى كان بــ يتم تسفيهها والتحقير من شأنها ووصفها بالفنكوش ، من جانب المغرضين فى الداخل والخارج ، علشان إحنا مانشوفش ، ومانفهمش ، البلد رايحة على فين .. و هــ توصل لإييه
لكن كل اللى هــ نقوله إن كل خطوات مصر مدروسة .. واللى بيتعمل ده كان معروف ومدروس ومتخطط له كويس أوى .. وكان بس مستنى التوقيت المناسب .. والشخص المناسب .. وإفتكروا اللى قال إنه بقاله 50 سنة بيتعلم يعنى إييه دولة !! … طب اذا كان ده مستوى الشخص إللى بيتم اعداده من 50 سنة … اومّال إللى بيعدّوه دوول عاملين ازاى 😉
ياريت تشوفوا الفيديو القصير ده .. وتتأملوا معنى الكلام اللى فيه:
الناس اللى زينا بيعملوا الشغل القذر اللى من وراء الستارة علشان الناس الغلبانة اللى فى الشارع تعرف تعيش .. والحاجة اللى بنقدر نواسى بيها نفسنا إننا لما بنحط رصاصة فى مخ واحد منهم .. بنعمل ده لهدف نبيل ..
العالم مش متساب للصدفة والفوضى .. العالم ده له أصحاب مسئولين عنه .. وشغلنا مافيهوش حقيقة مطلقة .. كل حقيقة لها 100 وش
الخطة دى محطوطة من زمان .. من فوق ال 10 سنين .. وماحدش هــ يقدر يوقفها ، ولا يقف قصادها علشان كدة أنا عايزك تثق فيا ثقة عمياء
أيوة .. اللى بيحصل ده ماحدش هــ تيقدر يوقفه ولا يقف قصاده .. بإذن الله