03 Mar 2016
الهويه المصريه و اليسار المصري المتعفن – (الجزء الاول )
——————————————————––
يخطىء من يعتقد ان الخطر الاكبر على مصر هم الاخوان و المتعاطفين معاهم ….. الاخوان كانوا مجرد واجهه ظاهره لحمايه ما هم اخطر بكثييييير منهم …. و هم من سموا انفسهم باليسار اللى نجحوا على مدي سنين انهم يتوغلوا داخل مفاصل المجتمع و كياناته الثقافيه و الاعلاميه و السياسيه و الاقتصاديه ….. و يكونوا لوبي داخل مجتمعنا .
و مع انهم يعلنون انهم يعتنقون الفكر اليساري … الا انه لا علاقه بما يعتنقونه او ما يفعلونه و بين التعريف الاكاديمي للفكر اليساري …. و احنا حنركز الفتره القادمه على فضح هذا الفكر المتعفن … اللى كل هدفه هو تسفيه الهويه المصريه و التقليل و هدمها تماما.
حنتكلم في مقالات على اجزاء …. تاريخ دخول الفكر المتعفن ده مصر امتي و ازاي توغل تحت مسميات مختلفه … و ازاي بيعمل على استهداف الهويه المصريه و يعمل على تسفيهها … و نشر الروح الهدامه في المجتمع … لافقادك ثقتك في نفسك و إغراقك في بحر من اليأس … فتفقد القدره على العمل …. عشان بعد ما كان منظر الفلاح و الصانع هو نجم المجتمع و الاغنيه المصريه … بقت كلمه فلاح شتيمه و الصانع بقي صنيعي وحش …. و الشاب الخايب بقي الشغل بالنسبه ليه هو مكتب بتكييف و لو مش لاقيه …. يقعد ميشتغلش .
حنشتغل على الملف ده بالتدريج … و في الاول …. حنفرقع البالونه المنفوخه اللى بيخدوها اساس و مدخل لنشر فكرهم ان المجتمع المصري مجتمع جاهل و فاشل و ان المجتمع الغربي هو بلد المحجوب و انه ياريت نبقي زي الغرب.
فيقولك انتم مجتمع متحرش … همجي و جاهل … و معندكش ثقافه و لا حضاره و لا ديمقراطيه و لا احترام للانسان زي الغرب ….. احنا بقي حنثبت ليهم و ليكم بالدليل و الارقام و الاحداث ان العكس هو الصحيح …. اننا و احنا في 2016 الحضاره عند حضرتك انت مش عندهم …. و ان التحرش و الهمجيه عندهم مش عندك انت …..
حنثبت بالدليل ان مفيش حاجه في الغرب اسمها ديمقراطيه و لا حقوق انسان و لا حريه تعبير …. تخيل يا مؤمن انك افضل حالا بمراحل من الغرب في الملفات دي .
احنا عارفين ان الملف اللى حنبدأ بالتركيز عليه حيكون صادم للبعض لاننا بنهدم تابوهات اتبنت في عقولهم على مدار سنوات …. و ان فيه ناس الحقائق اللى حنقولها حتيجي على الجرح 🙂 🙂 … لكن الميه تكدب الغطاس …. و القطنه متكدبش .
معادنا من بكره ان شاء الله … اللى حنبدأ فيها و نسخن بس بهدم بعض الاشاعات اللى نشروها على مدي سنوات و اللى افتروا بيها على المجتمع المصري …. و شويه شويه حتكتشفوا اد ايه الناس دي سافله و منحطه .
عامه … احنا ورانا ايه …. ملناش خيار دلوقتي غير اننا ننضف مجتمعنا منهم …. و كله بالصبر 🙂 🙂
تحياتنا