الهويه المصريه و اليسار المصري المتعفن 2

04 Mar 2016

الهويه المصريه و اليسار المصري المتعفن – (الجزء الثاني )

———————————————————

 اصدقاؤنا اصدقاء صفحة كلام في الصميم …. زي ما نوهنا و وعدناكم بالامس …. حنبدأ النهارده اول حلقه من مجموعه كبيره من مقالاتنا عن اكاذيب اليسار المصري المتعفن و افتراءاته على الهويه المصريه و محاولتهم المستميته و الفاشله لتسفيهها و الحط من قدرها و إطماسها .

 و زي ما اتفقنا و قبل ما نتكلم عن حقيقه الفكر ده و تاريخه في مصر و تاصيل افكاره …. حنتكلم في مقالين او تلاته عن تابوه المجتمع الغربي المتحضر اللى بياخدوه مثال يجب ان يحتذي و ان يتم هدم الهويه المصريه من اجل نيل شرف التمثل بيه.  🙂 🙂

 و زي ما اتكلمنا في المقال السابق انهم بيتهموا مجتمعنا انه مجتمع فاشل و غير متحضر و غير ديمقراطي  و اننا شعب كل اللى في دماغنا الجنس و التحرش و ان الغرب الجميل الواحده بتمشي فيه بالشورت و محدش بيكلمها …. النهارده حنتكلم عن موضوع التحرش …. و المقال الجاي حنتكلم عن كذبة التحضر و الديمقراطيه و احترام حقوق الانسان قبل ما ندخل على الجد   و نتكلم عليهم في الداخل المصري بتركيز .

 البهوات بيقللوا من قيم مجتمعنا و بيقولوا اننا مجتمع متحرش و المرأه ملهاش قيمه عندنا …. طيب احنا مش حنقول ان مجتمعنا من قديم الازل و في الوقت اللى كان العالم كله عايش في الكهوف ….. كانت المرأه المصريه ملكه تحكم اعظم حضاره في الارض …. و حتي في العصر الحديث … كان تاريخ المرأه المصريه مزخم سياسيا و علميا و سياسيا … فكانت العالمه و السياسيه و الوزيره و سيدة الاعمال و المعلمه و هي العمود الفقري لمجتمعنا ….

 و لانهم فهموا كويس جدا انهم لو سفهوا من قيمه المرأه المصريه … فحينجحوا في هدم المجتمع و قيمه …. فكان التكيز عليها كبير جدا …. فتجد الان شخصية المرأه المصريه في كل الافلام و المسلسلات و الكتابات و حتي في الاعلام و البرامج … انها المرأه الخائنه اللعوب اللى مش بتفكر غير في الجنس …. و ان نظرة الراجل ليها انها مجرد اداه للمتعه و فقط …. و ده طبعا كذبا و افتراءا على الهويه و الثقافه المجتمعيه المصريه .

 ده بقي اللى بيحاولوا يرسخوه في دماغ الشباب المغيب …. و بيوهموهم بالكذب و التلفيق ان السبب في ده هو الثقافه و الهويه الوطنيه … اللى يجب ان تنسف تماما و يحل محلها ثقافة المجتمع الغربي المتحضر اللى فيه الانثي بتمشي بشورت في الشارع من غير ما حد يبصلها .

 طيب عايزين تشوفوا حقيقه المجتمع الغربي المتحضر ايه ؟؟؟ …. و ايه هي رؤيته للمرأه ؟؟ … و ايه اللى اليسار عايز و بيتمني اننا نبقي شبههم ؟؟؟ …. دي بعض التقارير الغربيه من مؤسسات حكوميه موثقه .. و من جرائد و كتاب غربين …. و اللى مش حنتكلم فيها عن التحرش و لكن حنتكلم عن الاغتصاب الصريح الكامل  ….. و خاللي بالكم اننا بنتكلم عن مجتمعات مفيهاش كبت جنسي خااااالص  🙂 🙂  … و لكن مجتمعات مفيهاش مشاكل اقتصاديه و  الحريه الجنسيه مكفوله للجميع بقوه القانون و المجتمع  🙂 🙂   ….. اما مجرد التحرش الجنسي   … فـ حدث و لا حرج 🙂 🙂 🙂

 صحيفة الديلي بيست الامريكيه تنشر تقريرا مروعا من داخل الكونجرس الامريكي حول تحقيقات تجري داخل البنتاجون الامريكي عن معدل الاغتصاب داخل وحدات الجيش الامريكي … 76 حاله اغتصاب يومي تجري يوميا نصفهم من الرجال  🙂 🙂  …. يعني في الوقت اللى بنكلمكم فيه ده … فيه 38 راجل بيتم اغتصابهم و زيهم من النساء …. بمعدل 28470 الف حاله سنويا … و احنا هنا بنتكلم عن قطاع واحد بس داخل المجتمع الامريكي و هو الجيش فقط  🙂 🙂

تقارير حكوميه من هيئة مركز السيطرة على الأمراض ومنعها  سي دي سي الامريكيه تشير الى ان كل امراه امريكيه من اصل كل خمسه و كل رجل امريكي من اصل كل 59 قد تم اغتصابهم مره واحده على الاقل في تاريخ حياتهم و النسبه دي اكبر بكتيييييير لو استندنا الى تقارير المجتمع المدني الامريكي حنلاقي ان امراه من اصل ثلاثه و رجل من اصل 25 قد تم اغتصابهم مره واحده على الاقل في حياتهم … و الارقام دي هي اللى تم الابلاغ عنها فقط …. يعني الحقيقه افظع بكثيييييير  ……  🙂 🙂

  • جريده اللومند الفرنسيه تنشر تقريرا رسميا يفيد انه طبقا لدراسه رسميه … فان 100%  (بنقول 100%) من اجمالي السيدات مستخدمي مترو باريس قد تم التحرش الجنسي العنيف بهم مره واحده على الاقل.
  •  المركز الوطني للضحايا: معدل الإغتصاب في أمريكا 1.3 امرأة كل دقيقة  و 1892 امرأه يتم إغتصابها يوميا, ما يعادل 683.000 امرأة سنوياً.
  •  المركز الوطني لضحايا الجريمة: 48% من الإغتصابات تتم من خلال الاهل أو المعارف .
  •  تصدر السويد و فرنسا قائمة الدول الاوروبيه في معدلات الاغتصاب و العنف ضد المرأه ….
  •  مقتل 240000  ( ما يقرب من ربع مليون)  فتاه في المانيا اثناء اغتصابهم.
  •  ارتفاع تسجيل معدلات الاغتصاب في انجلترا لتسجل 85 الف حاله ما بين انجلترا و ويلز .
  •  دراسة تابعة لوزارة العدل الأمريكية  2007: – 673000  فتاة جامعية تم إغتصابها في فترة من فترات حياتها, وهذا الرقم يشكل 11.5% من الجامعيات الأمريكيات و 16 % من هذه الحالات الإغتصاب تم الإبلاغ عنها.
  •  مركز المسح القومي لضحايا الجريمة: في عام 2011 تم إغتصاب اكثر من 58,600 رجل و امرأه غير قادر وغير قادرة …. يعني كسيحين او مرضي لا يستطيعون الدفاع عن انفسهم.
  •  الكاتب الامريكي ديفيد باترون في كتابه امريكا تصلي او لا تصلي :-  80% من نساء أمريكا تم إغتصابهن في فترة من فترات حياتهن
  •  تحرش جماعي في ميادين المانيا و اللى تم نشره على نطاق واسع بسبب ان اصابع الاتهام كانت بتطال العرب المهاجرين و ليس الالمان
  •  نكمل و نخش على العنف الجنسي ضد الاطفال ؟؟؟ … و لا بلاش  … لان الارقام مفزعه  و مقززه …..

 و لاننا بدانا نهد في تابوه ارض الاحلام الوهميه لبعض اليسارجيه اللى موجودين معانا على ولان عرفين ان حقائق المقال ده صادم بالنسبه ليهم و حيحاولوا يقاوموا الحقيقه اللى مش عايزين يشوفوها  🙂 🙂   طبعا فيه ناس حتخش تتكلم و تسفسط و تقولك انا مسمعتش عن الكلام ده قبل كده …. و ردنا عليهم بسيط جدا  🙂 🙂  …. الدول دي معندهاش عائله السوبكي و لا اعلاميين الغبره و لا نوشتاء دمهم خفيف كل شغلتهم انه لما يقوم من النوم ازاي يستخف دمه على بلده زي عندنا … و لا قطيع بينشر و خلاص اي حاجه غلط عن بلده زي الاشاعه الخايبه ان مصر اخدت المركز التاني على مستوى العالم في التحرش …… طب محدش سأل نفسه ايه مصدر الكلام ده ؟؟ … و مين هي الهيئه او مين اللى نشر الكلام ده ؟؟؟ …. لكن كلام على النت … و القطيع بيعمل شير … و افراد القطيع اللى للاسف منهم المهندس و الدكتور يكلمك و يأكد الكلام ده …. مهو مادام ضد بلده يبقي فاشخ بوقه و مبسوط و هو بيقوله …… اما الموجود بالمقال  فمش حتلاقي الكلام ده منشور و بيتداول … لكن من على النت و بشوية تعب … تقدر تحصل على تقارير حكوميه منشوره و موثقه و من مصادرها و اللى حتلاقي فيها ارقام افظع من اللى احنا ناشرينه ده بمراحل …… يبقي مين بقي اللى مجتمع متحرش و همه على  :::::::: !!!!!  🙂 🙂  .

 و ناس تانيه حتخش تقولك يعني احنا ملايكه ؟؟ … ماحنا عندنا و عندنا … و شوف حصل ايه فين و انا شخصيا شوفت …..  و الكلام الفاضي ده …. و برده ردنا عليهم بسيط جدا …..  🙂 🙂

 احنا مش بنقول اننا ملايكه … او ان معندناش تحرش و اغتصاب … لان ما دام في انسان يبقي فيه جريمه …. لكن القصه هنا اننا لا نقارن بالمره بالمجتمع الغربي الكيوت التاهر البرىء اللى نفسكم تبقي زيه ….. و انك لما تلاقي حادثه في مكان و تطلع تشهر بيها و تتهم شعبك بالكامل انه شعب متحرش يبقي العيب فيك انت  … و انك بتطلع علينا مرضك النفسي و حقدك على بلدك  … و ممكن تكون نفسك انت اللى يتعمل فيك كده بس مش لاقي فرصتك  🙂 🙂

 و المشكله الاكبر انك بتلاقي ناس بتتكلم باسم الشعب المصري و بيستثني نفسه من الكلام لبث الطاقه السلبيه و ضرب الهويه الوطنيه لافقادك ثقتك في مجتمعك … فيقولك الشعب المصري شعب جاهل …….. طب انت شايف انك من شعب جاهل … يبقي حضرتك بتقول على نفسك جاهل  🙂 🙂  … يبقي اسمع كلامك ليه و انت جاهل باعترافك على نفسك   🙂 🙂  او يقولك شعب متحرش … طب اتكلم ليه مع واحد متحرش .  🙂 🙂

 فرق كبييييييير جدا بين اللى بيناقش مشكله لافراد داخل مجتمع تعداده 90 مليون … و بين واحد شايف الدنيا بعنيه … فشايفهم زيه بالظبط لكن بيستثني نفسه منهم …..  ياريت تكون الرساله وصلت.

  رسالتنا و اللى مكملين فيها ان الحضاره عندك انت مش في الغرب … الاصل و عندك انت مش في الغرب … و حنعيد و نكرر …. و مش حنزهق ….  الغرب معندوش و لا حيكون عنده حضاره … لكن الغرب عنده تقدم علمي فقط … لكن حضرتك عندك حضاره راسخه في جذورك  تنتظر ان تستدعيها لا ان تستهزء بيها و تسفهها … و كان عندك في اوقات كتير تقدم علمي …. ياريت بقي تبطل كرهك لجذورك و تبطل تستورد حضارات كاذبه لانك مش محتاجها … و اشتغل و كافح و ابني في بلدك … او لو ملكش مزاج  يبقي تقعد ساكت عشان مش وقتك خااااالص  🙂 🙂

 احنا بدأنا النهارده نسخن بس   🙂 🙂  ….. المقالات الجايه حنتكلم فيه عن اكذوبه حضارة الغرب في حقوق الانسان و حرية التعبير و الديمقراطيه المزعومه …. و كله بالدليل و الارقام و القطنه ما بتكدبش  🙂 🙂    …. قبل ما نخش بقي على الزغلول الكبير اللى ادخله الغرب علينا و استوطن عندنا في مصر …. اليسار المتعفن 🙂 🙂 🙂

 تحياتنا

لمتابعة تعليقاتكم