09 Apr 2017
السيسى النهاردة جابها على بلاطة
وبيهدد بشكل علنى …
بيهدد تنظيمات .. ودول
——————————————–
وأول مرة يكون بالوضوح ده .. فى حدود ما تقتضيه القواعد الديبلوماسية ..
والقرارات إللى تم اتخاذها النهاردة الموجهة لكل الأطراف والكلام إللى تم توجيهه للإعلاميين، معناها توافر معلومات واضحة وصريحة ويجب التعامل معها بما يلزم .. واللى منها اعلان تشكيل المجلس الأعلى لمكافحة الارهاب … واللى حيصدر بقانون يتيح له التعامل مع الإرهاب والتطرف
الكلمتين دوول لهم معنى كبير ومباشر .. لأننا لازم نبقى فاهمين أن الإجراءات إللى الدولة كانت بتاخدها طول الوقت كانت دايما هى أقصى إجراءات ممكن يتم اتخاذها فى حدود الدستور وصلاحيات مواده المكبلة للدولة فى الضرب بيد من حديد لمواجهة الإرهاب الاسود
إللى اتكلم بقى واللى لسة حيتكلم عن التقصير الأمنى ، ياريت يكلمني عن التقصير الأمنى فى فرنسا وبلجيكا وانجلترا وروسيا وأمريكا وتركيا والسعودية !!!! فى ظل حالة الترصد والاستهداف للدولة المصرية … واللى مش عايز يقتنع بكدة يخبط دماغه فى اتخن حيط
القاعدة الأمنية فى مكافحة الارهاب الدولى على مستوى العالم واللى بيتم تدريسها للكوادر الامنية بتقول ان الشخص الانتحارى طالما لبس الحزام الناسف ، ف ده معناه ان العملية تمت خلاص .. لأنه اصلا جاى يموت … طب ده تعمل معاه اييه !!؟؟
النهاردة ٣٩ شهيد وحوالى ١٠٤ مصاب من المصريين والأعداد مرشحة للزيادة …. دى حالة إعلان حرب بجد .. بينفذه طغمة من المجرمين .. و بيخدم عليهم شوية أنطاع جوة مصر عايشين فى دور الثوار ، و بيستخدموا أى وكل حدث لمهاجمة (((((الدولة))))) …. وحط كلمة الدولة دى بين مليون قوس …. لأن الهدف مش إسقاط نظام … لكن الهدف إسقاط دولة
فهمنا والا نقول كمان !!؟؟ ..
رحم الله الشهداء