كل سنة واحنا طيبين

01 Jan 2018

كل سنة واحنا طيبين ..

———————

فى الوقت اللى فيه دول إنهارت .. و دول بتختفى من على الخريطة .. و دول تانية بتولع ..

فى الوقت اللى فيه دول من تايكونات الإقتصاد العالمى بتعانى إقتصادياً نتيجة التغيرات اللى بتحصل فى العالم

فى الوقت بيحاول فيه الإرهاب إختراق حدود مصر من جميع الجهات ..

فى الوقت اللى فيه الحرب الإعلامية والنفسية ضد مصر والشعب المصرى فى أوج شدتها

بالرغم من كل الظروف الصعبة اللى بيعيشها الشعب المصرى على المستوى الإقتصادى كثمن كان لازم ندفعه كلنا علشان نقدر نعدى من مصيدة الربيع العبرى ومحاولات هدم الدولة من داخلها ..

برغم الكم الكبير من الشهداء من أبناء مصر سواء من الجيش أو الشرطة أو حتى من المدنيين واللى ماكانش ممكن يكون بالشكل ده إلا لو كانت بلدنا بتحارب حرب حقيقية وبتواجه تحدىيات بقاء

برغم كل ده .. بنلاقى المصريين بيحتفلوا بــ رأس السنة فى الشوارع والميادين .. وبيضحكوا وبيلعبوا وبيرفعوا بالونات ملونة وقلوب و بــ ياخدوا سيلفى فى أجواء إحتفالية رائعة وبــ يتبادلوا التهانى بينهم وبين بعض فى كل مكان فى مصر .. وكأن المصريين بيطلّعوا لسانهم لكل رؤوس الشر ونشطاء السبوبة ومخططى الحرب النفسية وأصحاب المؤامرة على مصر والمصريين .. ولسان حالهم بيقول .. إحنا شعب الــ 10,000 سنة .. وإحنا هنا .. وهــ نفضل هنا .. و هــ نحميها .. و هــ نبنيها .. و هــ نفضل واقفين لكم هنا .. حائط صد مش لمصر بس ، لكن للمنطقة كلها ..

والتاريخ بيقول كدة …….

كل سنة وحضراتكم طيبين .. ومصر كلها بــ جيشها وشعبها بخير وأمن وأمان ..

وتحيا مصر دائما وأبداً

لمتابعة تعليقاتكم