05 Jul 2014
كم أنتِ عظيمة يا مصر
————————-
- إزاى تقدر تهزم جيش ضباطه بيتخانقوا مين يركب الطيارة الاول علشان يشارك فى الحرب !؟
- إزاى تقدر تهزم جيش جنوده بيتراهنوا مين فيهم يصطاد ارهابيين أكتر من التانى !؟
- إزاى تقدر تهزم جيش ضباطه وجنوده بــ يلغوا إجازاتهم لما بيعرفوا ان الوحدة بتاعتهم مشتبكة فى حرب والمنطقة بتاعتهم فى حالة طوارئ !؟
- إزاى تقدر تهزم جيش فيه مجند يتصاب برصاصة فى جنبه ، ومع ذلك يقتل 12 تكفيري وهو مصاب لغاية لما يستشهد !!؟؟
- إزاى تهزم جيش ضباطه وجنوده المسيحيين بيصوموا فى رمضان مراعاة لمشاعر زملائهم المسلمين !؟ وضابط مسيحى يحمى أخوه المسلم ويستشهد وهو بيدافع عنه ، فأخوه المسلم يفضل مكمل لغاية ماياخد بتاره ويستشهد جنبه !!؟؟
- إزاى تقدر تهزم شعب خلى نشيد صليل الصوارم اللى عمل رعب لشعوب العالم يبقى كوميك ساخر !؟
- إزاى تقدر تهزم شعب حلل الصور بتاعة جثث التكفيريين و عرف نوع ملابسهم الداخليه و مقاساتها !؟
- إزاى تقدر تهزم شعب عمل استغاثة التكفيريين فى سينا “الحقونا .. إلحقونا” كول تون !؟
- إزاى تقدر تهزم شعب بيقف يتفرج على القنبلة وهى بتتفكك من غير أى حماية أو ملابس واقية !؟
- إزاى تقدر تهزم شعب إقباله بــ يزيد على اللجنة الإنتاخبية اللى بيحصل جنبها تفجيرات ، ولما المذيعة تسأل ست عجوزة غلبانة رايحة تنتخب ، “هو انتى ماخوفتيش من القنبلة اللى إنفجرت يا حاجّة !؟ .. تقوم المصرية الأصيلة ترد وتقول لها “كتر خيرهم صحونا بدرى علشان نلحق معاد الإنتخابات” !!
إزاى تقدر تهزم خير أجناد الأرض ، وأقوى شعوب الأرض ؟؟
دى مصر بلدنا يامصريين