التسريبات

7 Dec 2014

 التسريبات

————

بعد اذاعة التسريبات المفبركه الكوميديه الاولي و اللى بناكد انها لن تكون الاخيره ….. و انتظروا غيرها كتييييير الفتره اللى جايه …. و لان الوقايه خير من العلاج ….. خلونا نتلكم في نقط محدده عن اسبابها و ليه دلوقتي بالذات بعد 18 شهر من وقت تسجيلها المزعوم و ايه الهدف منها و مين المستهدف بالظبط منها.

  • الاسباب:-

تفاجأهم بفشلهم في استغلال الحكم بالبراءه على حسني مبارك في الحشد المزعوم للشعب اللى بيدوروا عليه بقالهم 18 شهر و مش لاقينه 🙂 🙂 🙂 …. فبيدقوا اي إسفين يهيجوا بيه الناس و نغمه جديده يرفعوا بيها الروح المعنويه لقطيعهم ليرددوها بعد قهرتهم بعدم نزول الناس يوم 28 نوفمبر…. (من فشل الى فشل بإذن الله 🙂 🙂  ).

 تحرك مصر الناجح و الفاعل خارجيا ضد تنظيم الاخوان الارهابي الدولي بعد تحويل الهجوم الاوروبي على مصر الى الدور الداعم لها ضد الارهاب الاخواني و خصوصا من ايطاليا رئيسة الاتحاد الاوروبي و فرنسا و نجاح مصر في اسكات المانيا و انجلترا تماما و ابعادهم بالتدريج عن دعم الجماعه ( على الاقل الدعم السياسي العلني).

 الهدف الحقيقي يكمن في حماية اركان التنظيم الدولي بعد انتصار مصر في معركتها القانونيه ضدهم و موافقة الانتربول الدولى في ادراج اسماء قادتهم الدوليين على قوائم الانتربول لتسليمهم الى مصر …. يعني الدولة اللى حترفض تسليمهم حتبقي قانونا بتحمي و تدعم قادة الارهاب 🙂 🙂 …. و حسب القانون الدولي …. ان من حق الدول ان لا تسلم المطلوبين لو ثبت لهم ان القضايا ملفقه … او ان الادله تم تزويرها بدوافع سياسيه … او ان القضاء في هذه الدول مسيس … و ده سبب استهدافهم الدائم للقضاه و تكرارهم بتركيز نغمه القضاء المسيس.

 رعب  الخونه سواء داخليا او خارجيا بعد بدء تحريك القضيه 250 لسنة 2011 و اللى بتحتوي على الحقيقه الفعليه للمؤامرة الدوليه على مصر بكل ابطالها سواء كانوا خونه او قتله …… و هي بتضم اعلاميين و نوشتاء و سياسيين و سفراء دول و مراكز حقوقيه و جواسيس وكله بالتسجيلات صوت و صوره و بالشهود و المستندات ….. و بالتالي لو انت اثبت ان التسجيلات دي مفبركه … يقولك يبقي كمان الادله دي مفبركه … و لو معرفتش يقولك يبقي برده الادله دي مزوره لانكم بتزوروا الادله زي ما زورتوا ادلة المواطن المناضل مرسي العياط 🙂 🙂 🙂 .

 الضربات الامنيه الاستباقيه المتتاليه سواء ضددهم او ضد خلايا تنظيم داعش الوليده و اللى افشلت كل مخططاتهم لنقل الصراع الى صراع مسلح ….. لدرجة استنجادهم و  مبايعتهم لتنظيم داعش … فيرد عليهم داعش باستنجاده بمجاهدي العالم ضد مصر ( الحقونا يا جدعاااااان …. احنا بنتفرم في مصر …. مهي شغاله معانا في كل حته … اشمعنا مصر 🙂 🙂  ).

 استهداف العمود الفقري و لوغاريتم الشعب المصري الحقيقي و هو صلابة الجبهة الداخليه التاريخيه و التي كانت السر وراء بقاء الدولة المصريه عصيه طوال 7000 سنة …. فبيتم تشكيكك في قيادتك و ادواته و اعمدة الدولة المصريه المتمثلة في مؤسساتها العسكريه و الامنيه و القضائيه.

 التحضير للانتخابات البرلمانيه و المحليات لشق الصف و الاستيلاء على اكبر قدر من المقاعد ( طبعا ده بعيد عن شنبهم لو عندهم شنب اصلا 🙂 🙂  ).

  • الاهداف:-

 تشكيك حضرتك في المؤسسه العسكريه …. فتلاقي اللى قايم بدور الناشت المفتح بيقولك …. دي مؤسسه مهلهله …. دول بيسجلوا للمجلس العسكري داخل مكاتبهم…. يعني بيقولك ان امنك القومي مع اشخاص هواه …. في حين ان اتصالات الجيش و مكاتبه و مقراته مؤمنه بالكامل .

 يحطك في دائرة الشك و يدخلك في دائرة طب مين اللى سجل …. يعني فيه جواسيس 🙂 🙂  …. و بعدين تلاقيه قعد و اتجعص ويكلمك بكل ثقه و يطلعلك بالزغلوله الكبيره ان اللى سجل منهم فيهم …. و يقولك دول خاينين في بعض …. و فيه ” انشكاكات ” في الجيش و انتظر الثوره الاسلاميه في الجيش 🙂 🙂 🙂

 طب مهو بالعقل كده 🙂 🙂 …. مادام كانوا واصلين كده لقلب الجيش من اكتر من 18 شهر …. و فيه ( انشكاكات داخليه 🙂 🙂 ) …. و مادام المخابرات التركيه الاخوانيه واصله و قادره كده …. امال ليه محذروش مرسي العياط قبل الانكلاب الفزيييع 🙂 🙂 …. و مين اصلا اللي عمل الانكلاب ده مادام الجيش مخترق و نص المجلس العسكري ضد المجلس العسكري 🙂 🙂  ….. (فعلا العقل ده نعمه من ربنا 🙂 🙂 ) و امال مين بقي اللى طاحن الخلايا الارهابيه و تنظيم بيت المقدس و خلايا داعش و ماعش فعليا على الارض 🙂 🙂  .

 المضحك ان التسريبات نفسها بتتكلم على تزوير الوضع القانوني لحبس الجاسوس مرسي العياط و مش بتتكلم على تلفيق التهم نفسها ليه …. و طبعا على اساس ان المفروض ان لما يتقبض على رئيس جمهوريه جاسوس يتم احتجازه في حجز قسم الدرب الاحمر او في اكاسيا مثلا 🙂 🙂 …. او في سجن من السجون اللى اقتحموها قبل كده عشان يروحوا يطلعوه منها زي ما حاولوا يطلعوه من نادي الحرس الجمهوري اللى حاولوا يقتحموه قبل كده 🙂 🙂

 و مادام كانوا عارفين مكانه …. امال كانوا بيولولوا و بيصرخوا ساعتها و بيقولوا الراجل اتخطف و مش عارفين مكانه ليه طوال الفتره اللى فاتت 🙂 🙂 …. و ليه مراحوش يطلعوه من المكان ده زي ما اقتحموا مقر الحرس الجمهوري قبل كده 🙂 🙂  .

 انا مش حطول عليكم عشان عيب اننا نناقش التسريبات الهابله دي اللى سهل جدا تتعمل ببرامج كومبيوتر متاحه و ممكن لاي متخصص انه يعملها …. يعني ممكن تلاقي اسماعيل يسن بيتكلم و بيشرح احداث اعتصام رابعه 🙂 🙂 .

 الجميل انها و كالعاده جت على دماغهم بسبب غباؤهم لانها حتكون فرصه اخري للفرز …. و لو تلاحظو انهم بيشتغلوا في مجموعات عمل …. واحد يرفع الكوره و تلاقي الباقي واقف و بيتسابق انه يشوط الكوره بطريقه مفضوحه 🙂 🙂 …. حاولوا انتوا بس تشوفوا مين اللى بيتكلم و مين اللى بيخدم على الفكره و حتلاقوهم هم هم نفس الدائره باشخاصها سواء نوشتاء او اعلاميين او صحفيين …. كله بيخدم على الفكره في مجاله و بنفس الحماس 🙂 🙂 .

 شوفوا كده و اربطوا ما بين اللى بيتكلموا عن الموضوع ده … بطريقة الهندسه الاجتماعيه العبيطه بتاعتهم 🙂 🙂  …. تلاقي الواحد منهم بيخشلك بنفس الطريقه و الاسلوب …. تلاقيه متحمس و داعم جدا و بعدين يسحبك شويه شويه ….

  •  انا بحب مصر و بحب الجيش لكن السيسي و القاده دول حيضيعوا الجيش بتاعنا حبيبنا ….
  • انا مع السيسي و انتخبته لكن لسه فيه فساد و فيه اهمال كبير
  • انا مع الجيش لكن الجنود اللى بتموت دي زنبها ايه
  • الحكومه هايله لكن فيه مشاكل كتير و الفساد هو هو و الوزراء و المحافظين و المحليات بايظه.

 و الفتره اللى جايه حتلاقوا تركيز شديد على موضوع تسجيلات كتير …. و حتلاقوا اصوات كتير و ممكن و عادي جدا تلاقوا صوت السيسي في تسجيلات …. و حوارات كوميديه 🙂 🙂  …. فكبروا دماغكم

 و علي فكره …. الرساله هنا ان حتي لو كنت انت مواطن شريف و كنت بتتكلم بنفس الطريقه لانك شايف ان فيه قصور في اتجاه معين …. بنقولك مش وقته خاااالص و بالذات في الفتره دي …. لان وقت الحروب لازم يكون فيه اولويات و احساس بالمسؤوليه عشان متبقاش اداه في اديهم و عنصر مساعد ليهم و انت مش حاسس

الثبات ثم الثبات ثم الثبات ….. الاربع شهور اللى جايين حاسمين جدا و امريكا و الغرب لو مأوقفوش تقدم الدولة المصريه و قضوا عليها …. مش حيعرفوا يعملوا حاجه بعد كده.

 اوقات الحروب مفيش رأي اخر و لا حرية رأي …. في الحرب العالميه التانيه امريكا لمت من الشوارع كل واحد عينه ضيقه و حطتهم في معتقلات جماعيه في الصحراء طوال خمس سنوات الحرب …. هتلر لم اليهود في معسكرات و لما زهق منهم حرقهم …. بريطانيا فرمت المشاغبين من 3 سنين و قالت عندما نتكلم عن الامن القومي للمملكه فلا احد يحدثني عن حقوق الانسان …. روسيا قضت على الارهاب بمعاقبة اهل الارهابي كلهم جنائيا و اقاربه ماليا في التعويضات حتي الدرجه الثالثه….. احنا بقي في مصر معملناش كده … احنا ماشين بالقانون و من غير قوانين استثنائيه 🙂 🙂  …. و سايبينهم عايشين وسطينا …. بس اللى بنقول عليه في الوقت ده …. ان رفاهية الاختلاف حاليا مش وقتها خااااالص

 و انشاء الله مكملين مع بعض في مقالات يوميه حنركز فيها تاني على اساليب الجيل الرابع و كيفية استخدام اساليبها مثل الاشاعات لتدمير المجتمعات العصيه و المترابطه زي المجتمع المصري و شعبه العظيم  و ازاي تم استخدامها معانا و مع غيرنا الفتره اللى فاتت

 تحياتنا ليكم

 لمتابعة تعليقاتكم