20 Oct 2014
أصل الحدوتة .. فى ثورة مصر المحروسة 2
————–———–—————
لما وقفت الحرباء الأميريكية و وزيرة خارجيتها “كونداليزا رايس” في عام 2005 و أدلت بحديث صحفي مع جريدة واشنطن بوست الامريكية ، وأعلنت رسمياً نية الإدارة الأمريكية نشر الديمقراطية في العالم العربي علشان تشكيل ما يعرف بالشرق الأوسط الجديد .. ماحدش فى العالم العربى كله تصور إن التصريح ده كان مقصود .. و كان معناه إكتمال المخطط المرسوم ، وثقة الغرب وتأكدهم إن العجلة دارت ، وإن كرة الجليد إتحركت وماعادش ممكن إيقافها !!!
الغريب والمدهش فى الموضوع إنه يطلع تصريح لثعلب المخابرات المصرية فى نفس العام ، واللى تم التعتيم عليه وإخفائه عمداً .. بــ يقول فيه بكل ثقة “إن الحرب قادمة ، وإن كل اللى بــ تحاول الأجهزة الأمنية المصرية تعمله إنها تأخر الحرب دى على قد ما تقدر” ..
والواقع والأحداث اللى حصلت فى السنين اللى فاتت بيقول إنه طوال 5 سنين ويمكن أكتر نجحت المخابرات المصرية فعلياً و بكافة قطاعاتها ، فى وضع الخطة لمواجهة كرة الجليد ووضع كل الحلول لتفتيتها !!
والغريب والمدهش فى الموضوع برضوا ، وده الشئ اللى ماحدش أخد باله منه .. إن وزيرة الخارجية الأميريكية إستخدمت إحدي نصوص بروتوكلات حكماء_صهيون علشان تشرح للعالم كيفية إنتقال الدول العربية و الإسلامية من العهد الديكتاتوري الى العصر الديمقراطي .. وعلشان كدة أعلنت الحرباء الأميريكية إن أمريكا هــ تلجأ لنشر الفوضى الخلاقة (Creative Chaos) في منطقة الشرق الأوسط لنشر الديمقراطية و الحرية في دول المنطقة … !!
طب حد شاف بجاحة أكتر من كدة !!!؟؟
يبقى لما يطلع حد متخلف يسخر من المؤامرة ويتسائل بسخرية: “وهي أمريكا هتعمل علي مصر مؤامرة !!؟؟” … هــ يكون الرد عليه إن الهدف مش مصر بس لكن الهدف وطن عربي بأكمله .. لكن علشان يتم إسقاط هذا الوطن العربى وتقسيمه بدون جهد ، وعلشان ماتقوملوش قومة تانى ، كان يجب إسقاط مصر اللى قالوا عليها إنها الهدف الإستراتيجى !!
إسقاط مصر كان فعلا هدف إستراتيجى بس بخطة طويلة الأمد ، لأن المخطط هو الإستفادة من هذا السقوط فيما يخدم المخطط الصهيونى واللى كان هــ يتم فى مدى زمنى لم يكن ليتجاوز سنة 2015 على أقصى تقدير ، لكن جائت 30 يونيو وقلبت الطرابيزة على دماغ الكل !! …
و إحنا لما إتكلمنا فى مقالات سابقة عن موازين القوى ، وخطوط مد الطاقة وضرب الهيمنة الروسية ، وإمتلاك البترول والغاز .. كان كل ده صحيح ، وكل الأحداث الحالية أثبتت إن كلامنا مضبوط !! .. لكن كان فيه خطوات بــ تتنفّذ على الأرض بداية من دعم وصول الإخوان للحكم وإنسحاب أميريكا من أفغانستان … وهو ده اللى هانتكلم عنه فى المقال القادم والأخير علشان تبقى الصورة مكتملة وواضحة
وللحديث بقية