6 Dec 2014
تسريبات التنظيم الارهابي ما بين حروب الجيل الرابع و إستهداف عقول المصريين
——————————————————————————-
بصوا بقا …. الموضوع اللى هــ نتكلم فيه ده من أخطر المواضيع اللى هــ نركز عليها الفترة دي …. و ماتتخيّلوش مدي خطورته …. عشان كده هــ ننّزل سلسلة مقالات بتتكلم عن الموضوع ده.
المنظومة الاعلامية للإخوان نزلت ما يسمي تسريبات مزعومة عبارة عن تسجيل لقيادات للمجلس العسكري بيتكلموا فيه عن كيفية تزوير قانونية إحتجاز الجاسوس مرسي العياط بإشتراك المجلس العسكري بكل قياداته و وزارة الداخلية و مكتب النائب العام و أعتقد إن كل الناس سمعته.
باختصار و بدون مقدمات ولاننا بــ نأكّد لكم إنه مش حيكون آخر تسريب عبيط مفبرك و حتلاقوا شوية تسجيلات كوميدية بكثافة طالعة الفترة اللى جاية …..
فــحنتكلم عن الموضوع ده في نقاط محددة و هــ نبيّن لكم مدي خطورة ما تواجهه الدولة المصرية و هي إستهداف العمود الفقري للدولة المصرية ، .. ونقصد هنا تحالف الشعب وإلتفافه حول قيادته .. بهدف تشكيكه فيه و في قياداته ، و النغمه اللى هــ تتطلع إن فيه ” انشكاكات في الجيش ” و اللواء فلان محبوس و فيه حمله إعدامات و شويه أفلام هندي عبيطة متطلعش غير من قطيع و بهاليل التنظيم اللى بيصدقوا ان سيدنا جبريل كان بيصلي معاهم في رابعة ….. و اللى يصدقهم او حتي يشك يبقي مفرقش عن عقليتهم .
و لأن الوقاية خير من العلاج … فــ إحنا هــ نشرح لكم و هــ نتكلم في نقاط محددة:
– منين التسريبات المزعومه دي
– و ليه طلعت بالذات في الوقت ده
– و سبب إذاعتها و هدفها
– و إييه التسريبات المفبركة المحتملة الفترة اللى جاية
– و بتستهدف مين بالظبط
– و إزاي هــ يستخدموا إدعائتهم المزورة اللى متوقعينها الفترة اللى جاية
و لأننا رصدنا الفترة اللى فاتت ريحة مش كويسة علي الصفحة و كأنه تحضيراً لشئ ما …. و كنا ننتظر فقط لنعرف سبب انتشارها و عرفناه بعد اذاعة التسريبات 🙂 🙂 🙂 ….
فــ نحب نقولكم إننا رصدنا شخصيات كتير و بكثافة من ذوات العلامة الصفرا بتاعة رابعة … دخلت وسطينا في الصفحة بصور الجيش أو بصور عادية و تعليقات حماسية في دعم الجيش و الدولة المصرية و بطريقة ليبرالية بحتة و بــ تستخدم أسلوب الهندسة الاجتماعية لإستهداف عقولكم ببطء و حرفية و اللى هــ نشرحلكم بالتفصيل عنه في سلسلة المقالات القادمة …. و لأن لينا رصيد كبير و مصدقاية عندكم ….. فــ إدارة الصفحة بعد مناقشات مستفيضه إتخذت القرار التالي :-
بالرغم من تفاهة التسريبات و التي لا تستحق حتي عناء الحديث عنها …. و لكن ما وراءها و ما يتم الاعداد له للإعتماد و البناء عليه لاحقا يمثل خطورة قصوي ، و التي يلقي فيها اعداؤنا بكل ثقلهم ….. و نظراً لأن في وقت الحروب لا يوجد رفاهية إختلاف الرأي و المعارضة و المناقشة ….. فمن اليوم و لمدة الثلاث شهور القادمة …. سيتم إستهداف صاحب أي تعليق من ذوات رابعة أو التنظيم الإرهابي مهما كان ….
مصر دلوقتي في حالة حرب وجود حقيقية … و في الاربعة شهور القادمة لا نمتلك رفاهية اختلاف الاراء و احترام الراي الاخر … فــ اللى شايف عنده تعليق بــ ينتقد فيه الجيش او الدوله يحتفظ بيه لنفسه الفتره دي … وبعد ما الفترة دى تبقى تعدى ، يا أهلاً بالنقد لأننا كلنا أولا وأخيراً هدفنا مصلحة مصر ..
نتقابل ان شاء الله في سلسلة المقالات اللى حنبدأ في نشرها يومياً بداية من غد في تمام الثامنه مساء
تحيات صفحة كلام في الصميم لكل المصريين الشرفاء