17 Dec 2015
عنوان المرحلة
خلط الاوراق – اللعب في الدماغ – كشف الاقنعة !!
———————————————–
تندهش جدا لما تلاقى عادل الجبير وزير خارجية السعودية … بيقول في مؤتمر صحفي … إن التحالف الإسلامى ده مش تحالف طائفى أحنا بس هــ نعمل تنسيق مشترك لتبادل المعلومات .. وبحث إحتياجات الدول التي تواجهه الارهاب …. .. وهو ده كان خلاصة الموضوع برضوا بعد لقاء الرئيس السيسى مع الأمير بن سلمان …
وفى نفس الوقت تضحك و تكركر لما تسمع وتقرأ أخبار عن إن وزارة الخارجية الباكستانية أعربت على لسان وزير الخارجية الباكستاني عزيز تشادوري عن دهشتها من ورود إسم باكستان ضمن التحالف العسكري الإسلامي الذي أعلنت عنه مؤخرا السعودية ويضم 34 دولة !! .. وقال الوزير إنه تم ضم بلاده إلى قائمة الدول المشاركة في التحالف الذي أعلنته السعودية ، دون علم إسلام آباد .. =D
ومش كدة وبس .. لأ ده كمان تم تكليف السفير الباكستاني في الرياض بالحصول على توضيح من السعودية حول الموضوع ، وخصوصا لما نعرف إن سياسة الحكومة الباكستانية بــ تعارض دايما نشر أى قوات خارج حدودها ، باستثناء القوات المشاركة مع بعثات حفظ السلام التابعة للأمم المتحدة !!
وتطلع كمان وزارة الخارجية اللبنانية وتنفى علمها بتشكيل التحالف اللى ضم لبنان من ضمن الدول المشاركة .. وقالت أندونيسيا إنها مش هــ تقدم أى دعم عسكرى للتحالف .. وكمان موريتانيا وسلطنة عمان وتشاد قالوا نفس الكلام !! =D =D
وييجى بقى الزغلول الكبير المتحدث باسم الخارجية التركية تانجو بلجيجك ، ويقول إن التحالف الجديد المناهض للإرهاب مهم على صعيد التنسيق العسكري والمخابراتي، لكن لا توجد خطط لإنشاء قوة عسكرية تركية في إطار هذا التحالف !! .. طبعاً … ماهو أصل مش ممكن إبن المفضوحة بتاع داعش ، واللى ممسوك رادار على الدائرى صوت وصورة كدولة داعمة للإرهاب ، تشارك بقوات عسكرية لمحاربة الإرهاب !!
.
عرفتوا بقى لييه ماكتبناش حاجة عن التحالف الإسلامى !!؟؟
عرفتوا لييه كان ردنا على معظم التعليقات والرسائل الكتيرة اللى إتبعتت لنا إن ده كله شغل سياسة ، ولما يبقى فيه دوشة كتيرة عن حاجة معينة ، فالهدف منها بــ يكون مختلف عن اللى ظاهر لنا !؟
عرفتوا لييه صفحة كلام فى الصميم صفحة مختلفة عن كل صفحات الفيسبوك ، و اللى بقالهم يومين مالهمش غير الهرى إما بالنقد أو بالتأييد فى موضوع التحالف ده !!؟؟
عرفتوا لييه دايما بــ نقول إن العلاقة بين مصر والسعودية مختلفة فى ظل الظروف اللى بتمر بيها المنطقة ، ومهما كان حواليها علامات إستفهام من البعض .. و إن كل حاجه ماشية بترتيب و تنسيق مصري سعودي .. وعلي أعلي مستوي !!؟
والأهم بقى .. عرفتوا لييه مصر كان ردها متحفظ على الإعلان .. وإتأكدتم إن مصر عمرها ما يتحط إسمها فى أى “عنوان” إلا وهى عارفة أول الموضوع من أخره إييه !!؟؟
بجد إحنا مش عارفين الناس قلقانة لييه رغم إنه من حقها تقلق .. بس إنتم مش واخدين بالكم إن ده خامس تحالف يتم الاعلان عنه !!؟؟ … التحالف الامريكي ، التحالف الروسي ، تحالف اليمن ، تحالف القوات العربية .. ودلوقتى التحالف الإسلامى !! ..
من الاخر .. و كلمة و رد غطاها ….
عنوان المرحلة
اللعب في الدماغ