29 Apr 2016
إبريل الابيض ….. العجيب – الجزء الثاني
اربــط … ناقـــــش … فكـــــر
————————————–
مع تواتر الانباء من منطقة الشرق الاوسط ….. و تجميعها و ربطها مع بعض ….. تبتدي تتضح الصوره شويه شويه ….. فزي ما شرحنا في المقال السابق عن الاحداث و الزيارات المتلاحقه و كثافة التصريحات السياسيه من رؤساء و ملوك الدول العربيه و الاوربيه في زياراتهم لمصر …. و اللى كلهم كانوا بيؤكدو فيها عن دعمهم لمصر …. و ان مصر المستقره القادره هو خيار استراتيجي و تامين للامن القومي لبلادهم ….. و كانهم كانوا يتسابقون لمنع امر ما يخطط له او ردع من يحاول تنفيذ شىء ضد مصر و المنطقه .
و لاننا ركزنا في المقال السابق على الرؤيه من داخل مصر …. تعالوا نبص على الامور من فوق شويه و نحاول نربط الامور مع بعض و اللى تسارعت احداثها مع بعض و في نفس الاتجاه و اكيد الامور الدوليه و مصائر الشعوب عمرها ما بتمشي بالصدف:-
الجبهه الغربيه الليبيه …. تسارعت فيها الامور …. و كان فيه تحركات متصاعده بيتم التعتيم عليها كالعاده رغما عن انف المخطط الغربي ….. و ده زي ما شرحناه كتير ان مصر هي من فرضت تهدئه الريتم و عدم تسارعه او انفجاره و تمويته اعلاميا 🙂 🙂 …. فمثلا تواتر انباء عن تدمير معسكرات كامله للميلشيات المسلحه شرق ليبيا من قوات بريه مجهوله مدعومه بالمدرعات في هجمات خاطفه 🙂 🙂 …. و في نفس الوقت تدمير معسكرات و مقرات و مخازن اسلحه في غارات مكثفه و سريعه و خاطفه في توقيتات متزامنه من طائرات مجهوله …. و اللى تناغمت من تحرك كبير لقوات الجيش الليبي بقياده حفتر لهجوم كبير سواء لتطهير بني غازي او الاعلان عن هجوم كبير لتطهير سرت معقل داعش في ليبيا ….. و كأنه كان يتم الترتيب لشىء … و لكن تم قلب الطاوله و تم عكس القصه تماما و ده كان في ابريل … 🙂 🙂 .
الجبهه الشرقيه …. في خبر صغير جدا …. تعلن امريكا عن اعاده نشر قوات حفظ السلام الخاصه بها في المناطق التي يتواجد بها قوات حفظ السلام .. و تقليصها …. و تطلع اخبار عن تقليص قوات حفظ السلام من جزر تيران و صنافير …. فيتم ارجاع الجزيرتين الى اصحابهم الاصليين … و الاعلان عن مشروع انشاء طريق دولي يربط القارتين الاسيويه و الافريقيه …. و كانه تم افساد مخطط خبيث يهدد الامن القومي المصري و العربي …. فيجن جنون اسرائيل و ترد بإعلان الجولان جزء لا يتجزء من اسرائيل … فتقوم مصر بالرد في مجلس الامن و تنتزع قرار يدين اسرائيل لاول مره بدون فيتو امريكي ….. فترد اسرائيل كالعاده ….. قوم ايه بقى يا مؤمن 🙂 🙂 …. نقوم الصبح نلاقي داعش هجم على الجولان و احتل مناطق منها و استولي على مخازن سلاح متطور ….. و طبعا المفروض اسرائيل توسع وجودها و ترسخه في الجولان عشان داعش اللى اتصوروا صوت و صوره بيتعالجوا في مستشفيات تل ابيب جايه علينا ….. 🙂 🙂 و ده كان في ابريل …. 🙂 🙂
في سوريا … و بعد ضرب معظم التمويل و الدعم التركي للدواعش …. و فرمهم على الارض …. و فرض اراده الحل السياسي و وقف اطلاق النار … و خسارة التنظيمات المسلحه لمناطق واسعه من الارض …. بيتم اعاده انتاج الموقف مره اخرى …. بالمتاجره بدماء و اوجاع الشعب السورى …. فيتم اليوم قصف حلب …. و قصف مستشفيات و جوامع و بنايات سكنيه لالحاق اكبر قدر ممكن من الضحايا المدنيين … و طبعا الصور و الفيديوهات جاهزه ….. فتلاقي كل لجان الاخوان و داعميهم بينشروا و يستعطفوا لجمع المتعاطفين مره اخرى و ذلك لحاجتهم لقطعان جديده من المتطوعين في التنظيمات الارهابيه من الشباب المغرر بيه بعد قتل مئات الالاف منهم … و ذلك لاعاده انتاج الثورات المسلحه مره اخرى …… و ده كان في ابريل …. 🙂 🙂
حرقان النوشتاء و اليساريين الجدد و تهييجهم المركز طوال شهر ابريل و دعوتهم لثوره جديده في مصر …. و تواتر الانباء عن تمويلات ضخمه و تحركهم بثقه دعم اسيادهم و مموليهم …. لدرجة اعلانهم عن تكوين مجلس رئاسي و مجلس وزراء و اعدادهم لدستور مؤقت ….. و وصل الخرف الثوري بتاعهم انهم كانوا حاطين شادر بطيخ في بطنهم ان الموضوع مجرد ايام قليله و يتم الاستيلاء على الحكم … لاعاده انتاج مشهد ثوره 2011 مره اخرى ….. و ده كان في إبريل … 🙂 🙂
بعد ريجيني …. و بعد ما فشل كل الترتيبات اللى كانوا بيرتبوها لمصر بغستخدام الحادث ده ….. يظهر مقتل الشاب المصري في انجلترا … و بعده مقتل الشاب المصري في امريكا بنفس ظروف و ملابسات مقتل الشاب الايطالي ….. و برده ده كان في ابريل 🙂 🙂
اللى فات ده كله مجرد اللى كان على السطح و هو قمة جبل الثلج اللى شافه العامه ….. لكن كان فيه اضعافه اللى محدش يعرفه …. لكن اللى يبان لينا حاجه واحده …. ان فرض الاراده المصريه هو سيد الموقف ….. و ان اهم سلاح فرض الاراده …. هي كلمه قالتها القياده السياسيه و تؤكد عليها … ” طول ما الشعب المصري على قلب رجل واحد …. مفيش قوه على الارض تقدر على مصر او تفرض ارادتها عليها”
كلمه اتقالت و وعد ينفذ على الارض ……. اللى حيقرب ….. اللى حيفكر يقرب …. حيشوف ….. ستاتنا مش حتركب مركب و تغرق في البحر .
تحياتنا …. و تحيا مصر