07 Nov 2015
تحيا مصر … يحيا شعب مصر … يحيا جيش مصر
————————————————
اصدقاؤنا اصدقاء صفحة كلام في الصميم … اتكلمنا بالامس على استهداف مصر و التركيز عليها حاليا بحرب الاشاعات لكسر التماسك الشعبي باستخدام الاعلاميين المشبوهين و صفحات الفيس المشبوهه و الاكونتات بتاعه النوشتاء شمامين الكله بتوع شوباب الصاوره و مناهضي الكمع و الزولم …. و عشان نثبت ليكم ان الموضوع مدبر و انه خطير و على اعلي مستوي من التخطيط و تحت قيادة دوليه … فالصحف و الاعلام الانجليزي و بالذات الجارديان المملوكه لقطر و الديلي ميل و غيرهم دخلوا على الخط و بدأوا هم اللى يقودوا المسيره
بالامس نزل اخبار في اكتر من جريده و بصور مش واضح فيها اي حاجه …. ان الامن المصري مدورها زي الطابونه او محطة مصر و واقف على البوابه …. و موقفه اللى في المطار طابور طويل …. و بياخد من كل واحد اتاوه و فرده و فلوس عشان يخاليه يعدي من غير تفتيش …. على اساس اللى احنا عمرنا ما دخلنا مطارات و شوفنا الدنيا عامله فيها ايه …. و مطار شرم الشيخ بالذات كمان ……. و جريده تانيه ناشره ان رجال الامن قاعدين يلعبوا كاندي كراش و سايبين شغلهم 🙂 🙂 و طبعا ده اسقاط على تحميل مصر المسؤوليه باي شكل من الاشكال … و ايضا ترسيخ في وعي الراي العام العالمي ان مصر مهمله و مش قد انها تحمي السياح …. فخاف يا واد يا عيد و اوعي تيجي مصر 🙂 🙂
و طبعا نوشاء الغبره شغالين تشيير و نشر في الكلام الفارغ ده من امبارح …. قوم ايه بقي …. بعد لما لقوا الموضوع مش جايب همه و مفيش التأثير اللى كانوا مستنينه …. قامت جريده الديلي ميل نزلت بالزغلول الكبير 🙂 🙂 نقلا عن مصدر مجهول داخل وزارة النقل البريطاني …. الخبر اللى حيهد الدنيا
قالك ايه بقي يا مؤمن …. و صل كده على النبي و كل من له نبي يصل عليه 🙂 🙂 و لا سحر و لا شعوزه … ان فيه طياره بريطانيه كانت طايره في نفس الوقت …. و استطاع الطيار بتاعها تفادي صاروخ على ارتفاع 1000 قدم .
لا لا كده مستواكم في الكدب بقي وحش خاااالص 🙂 🙂 …. البهوات بيقولوا ان الطيار اللى سايق طائره ركاب و على ارتفاع حوالي 300 متر فقط قام واخد غرزه و هو سايق طائرة ركاب ….. و عمل امبليه و خمس بطائرة ركاب …. و قام مفادي الصاروخ .
طب بعيدا بقي عن الهزار مع ان الخبر ذات نفسه هزار … و حرام حتي نضيع فيه وقت … لكن خلينا برده ناخدلنا كام معلومه على الماشي
طياره الركاب على الارتفاع ده بحجمها ده … بتكون سرعتها في حدود من 400 الى 500 كيلو في الساعه مش اكتر من كده ابدا …. اما الصاروخ اللى هم بيفترضوا انه كان مضروب على الطياره الروسيه بيكون صاروخ بعيد المدي …. يعني سرعته تتخطي 2.5 ماخ … يعني ضعفين و نص سرعة الصوت …. يعني اكتر من 3000 كيلو متر في الساعه …. يعني الصاروخ لو دخل بالغلط على الطياره البريطانيه نسبة اصابته للطياره مؤكده مليووووون في الميه .
و اي مناوره مفاجئه بالطياره دي بالحجم ده حيؤدي الى انهيار الطياره و سقوطها …. لكن تقولي ان الطيار عمل امبليه في الجو و فادي الصاروخ … يبقي بالفعل فيه كدبة جديده بيحاولوا يقنعوا بيها الراي العام العالمي.
و عشان متتخضوش … و تعرفوا قيمتكم يا مصريين …. الموضوع ده كان شغال معاهم حلاوه قبل كده … و اي كدبه هبله كان بيبقي مصدق بيها … و افتكروا كده … لما امريكا كدبت على العالم لما كولن باول داخل قاعة الامم المتحده عرض شوية صور خايبه لمبني فاضي و قال ادي الدليل ان صدام عنده اسلحة دمار شامل … و العالم صدق و لم يناقش .
و لما طائرة لوكيربي وقعت قالوا ادلتنا دامغه ان السبب القذافي …. و ضربوا سرت … بعدها بكام سنه قالوا “Opps” سوري … غلطنا …. ده طلع الاسد … و اتحاصرت سوريا … بعدها قالوا ايران … بعدها قالوا دي سوريا تاني … و في الاخر لبسها القذافي.
غرورهم مصور ليهم اي كدبه ممكن اي حد يصدقها بدون مقاومه …. بس المره دي وقعوا مع مين …. خلونا للمره المليون نعلم العالم تاني يعني ايه وعي شعب … و يعني ايه شعب متماسك … و يعني ايه ارادة شعب … و يعني ايه غرور مستبد بيتكسر على ارادة شعب.
عايز تعلب معانا … و مالو …. اهلا وسهلا … وصلت يا لورد كرومر الى مرحلة اللعب على المكشوف و عايز تساوم على بزرتك اللى زرعتها من 80 سنه و عايز تنقذها …. و صعبان عليك شقي عمرك اللى بيضيع قدام عنيك و عايز تفرض ارادتك علينا …. و مالوا ….. اهو دي غلطة عمرك انك بالفعل حتخاللي الناس تتماسك اكتر و تتوحد خلف دولتها و جيشها …. و نعلمكم يعني ايه شعب طلعله جيش و جيش طلعله شعب … و شعب ليه اراده و امل حيحققه رغم انف كل حاقد .
تحيا مصر … تحيا مصر