18 Nov 2015
خواطر صفحة كلام في الصميم
——————————
زي ما اتفقنا اننا لن نستبق الاحداث او النتائج الرسميه في حادث الطائر الروسيه …. و اعتبروا كلامنا النهارده مجرد دردشه من غير اي معلومات مؤكده و لكن توقعات مش اكتر تحتمل الصحه او الخطأ ….
الطائرة تم تفككها على ارتفاع 30 الف قدم …. و انفصل الذيل تماما عن الطائره و سقط على بعد 13 كيلو متر من موقع الحطام …. و إذا ربطنا بين التصريح الرسمي الروسي انه تم تفجير الطائره بقنبله زنة 1 كيلو جرام …. فده معناه ان القنبله تم زرعها بواسطة خبير كان بيزرعها بمنتهى الاريحيه و يعلم جيدا تصميم الطائره و يعلم اين يضع قنبله صغيرة الحجم في المكان الصح اللى يفصل ذيلها عنها …. يعني قنبله مش مستخبيه في شنطة هدوم عدت من بوابة مطار بدون تفتيش …. لا ده شغل مخابرات محترفه …. و بغض النظر فين المطار اللى تم زرع القنبله فيه …. هل في موسكو ام تركيا ام شرم الشيخ لان ده حيبان مع التحقيقات.
و بغض النظر ان استراتيجيا اللى حصل ده في مصلحة مصر لانها الدوله الوحيده اللى بتحارب الارهاب بحق ربنا من اربع سنين … و انه حيزيد من التقارب المصري الشرقي مع روسيا و فرنسا ضد الغرب و طبعا بما لا يتعارض مع سيادتنا الوطنيه او مصلحتنا ….. و بعد القرارات اللى اخدتها فرنسا اللى بتقيد الحريات و تنزع الجنسيه عن كل واحد خاين او معتد على بلده ان شالله بمجرد تويته على النت ….
لكن الموضوع ده فكرني بحاجه مادام فيه احتمال وارد ان تكون القنبله تم زرعها في شرم الشيخ ( و ده لسه احتمال وارد لم يتم التاكد منه ).
بعد اللى شوفناه طوال الاربع سنين اللى فاتوا من توغل الخونه المتأسلمين او اليساريين داخل مفاصل الدوله و في هيئات الكهرباء و الصرف الصحي و المياه و المرافق العامه و الجامعات و خلافه …. و بعد اللى شوفناه من عمليات التخريب المنظمه في كل مرافق الدوله سواء في الجامعات او في المرافق العامه من قبل الارهابيين دول بمساعدة الناس اللى اتفتحلها الباب عشان يتعينوا بعد تفكيك جهاز مباحث امن الدوله و اللى صدعتنا النخبه العره ان الجهاز ده كان بيتدخل في التعينات.
مش برده الجهاز ده كان حامينا و قافل البكابورت اللى طفح في وشنا من خمس سنين ….
مش برده الجهاز ده كان بيعامل الناس دي المعامله اللى يستحقوها ….
مش برده كان صح انه مينفعش يتم تعيين اي فرد في اي وظيفه عامه الا بعد التاكد انه مصري عادي لا ينتمي لاي ايدولوجيات معاديه للوطن !!!!
مش ده اللى بتعمله اي دوله غربيه لمجرد الاشتباه فقط.