ياعينى أردوغان حالته صعبة خالص

30 Nov 2015

ياعينى أردوغان حالته صعبة خالص ..

—————————————————————-

بجد بيكلم نفسه

شرب بيريل وقال الطيارة إخترقت مجالنا الجوى علشان كدة اسقطناها

وبعدين .. لا مخترقتوش أوي.. اخترقته 17 ثانية بس ..

وبعدين .. أنا بــ أكلم بوتين مابيردش عليا ..

وبعدين .. هى بقت كدة .. طب اخترقته بقى وده حقنا ، ولو حتى كان لثانية واحدة .. و لو اتكرر الموقف حانوقع غيرها..

وبعدين .. أصلنا ما كناش نعرف ان الطائرة روسية ..

وبعدين .. لأ كنا عارفين وبعتنا 10 تحذيرات (بصراحة مش عارف 10 تحذيرات إييه دى اللى فى 17 ثانية !!؟؟) ..

وبعدين .. أنا عايز أقابل بوتين في باريس في مؤتمر المناخ ..

وبعدين احنا زعلانين اننا اسقطنا الطائرة .. وروسيا دولة صديقة

ياترى المهللاتية والبهاليل بتوع بهلول تركيا اللى بيتكلموا عن حق روووقه ، وعن أسد إسطنبول .. ياترى إييه رايكم فى الأسد دلوقتى !!!!؟؟؟

أردوغان هــ يموت ويكلم بوتين .. وبوتين أعلنها صراحةً فى موقع إنترناشيونال بيزنس تايمز البريطاني إن الكرملين رفض اقتراحا من أنقرة لترتيب لقاء ثنائي بين الرئيس الروسي ونظيره التركي على هامش قمة التغيير المناخي ..

وأدى جريدة التليجراف كمان بتؤكد الكلام

ياترى فيين بهاليل إسطنبول اللى بيتكلموا عن المبادئ واللى حولوها لحرب دينية ووجوب نصرة المسلم على الكافر .. وكل كلام المتاجرة ده !!؟؟

أخبار الأسد أردوغان إييه النهاردة !!؟؟

النهاردة الليلة على بهلول إسطنبول .. وإنتظرونا فى فيديو الساعة 10 مساء

لمتابعة تعليقاتكم