26 Mar 2016
نقطة نظام ..
عن بيان الداخلية بخصوص حادثة الطالب الإيطالى ريجينى !!
———————————————————-
عينى عليكى يا مصر ، لما يبقى عدوك من قلبك .. !!
يعنى ماشوفناش الشباب الفرنسى بيشير لينكات لصحف صفراء على الفيسبوك بخصوص تفجيرات فرنسا ويقول يافضيحتك يا فرنسا .. ولا الشباب السعودي طلعوا يشككوا مثلا فى بيان شرطتهم فى حادث تفجير مسجد الإحساء ، وإلا الشباب التركى طالع يشهّر ببلده وبشرطته على الفيسبوك بعد أحداث التفجيرات الأخيرة ويقول ده تقصير أمنى .. ولا شوفنا الشباب البلجيكى طلع بعد حادث تفجير مطار بروكسل وقال ده إنفلات أمنى والشرطة نايمة ولازم نهيكل الداخلية البلجيكية ولازم إنتخابات رئاسية مبكرة !!
وبعدين بيان الداخلية الأول والثانى ماجابوش سيرة إن التشكيل العصابي اللي تم التعامل معاه هو اللي قتل ريجيني… لكن فقط قال انه تم العثور على متعلقات الطالب الايطالي المقتول في مقر تلك العصابة … إنما إزاى !! .. عندنا ناس تافهة ممكن تصدق إن الشرطة الأميريكية تلاقى باسبور أحد منفذى عملية 11 سبتمبر فى موقع الحادث سليم، رغم إن الموقع كله كان صينية كوسة بالبشاميل .. وبرضوا إقتنعوا إن الشرطة الفرنسية تلاقى باسبور أحد منفذى تفجيرات باريس فى موقع الأحداث .. لكم مش مصدقين إن الشرطة المصرية لاقت باسبور واحد مقتول مع تشكيل عصابى بعد الحادث بفترة …. لأ وإييه .. ده مشارك مع الشرطة المصرية فى التحقيقات كمان فريق أمنى إيطالى !! ….
ناس تافهة ونفوس مريضة مغرضة ولو بيقبضوا فلوس مش هــ يعملوا اللى هم بيعملوه ده ..
هو انتم طلاينة أكثر من الطلاينة يا بيه إنت وهو !!؟؟
التحقيقات لسة مانتهتش والملف ما إتقفلش .. ولو الشرطة المصرية متورطة ، إحنا اول ناس هــ تطالب بمحاكمة المسئول، لأن ده الطبيعى … لكن البيان اللى أصدرته الداخلية لو مش نتاج فحص و تحري دقيق ، ممكن يطيح بقيادات الداخلية كلها .. الدنيا مش سايبة .. و زى ما فيه تقصير في بعض الأمور .. كمان فيه شغل كويس و محترم بيتعمل .. لكن كون إن حضرتك بتقتنع بأفلام بات مان و سوبر مان و فاست فيريوس و توم كروز و مش قادر تقتنع بــ بيان الداخلية ، فــ المرة الجاية هــ نجيبلك “فان ديزل” يزيع البيان =D =D
وبعدين أنا مش قادر افهم ربطة البرسيم اللى انتم بتمامأوا عليها دى .. هو إييه هى أهمية ريجينى ده اساساً علشان الشرطة المصرية تعذبه وتقتله !؟ … هو الشرطة عايزة تبوظ علاقة مصر بإيطاليا لا سمح الله علشان متخانقين على بنت الجيران مثلاً !؟ .. وإلا هم يعنى من الغباء علشان يتخلصوا من الجثة فى مكان مكشوف بيعدى عليه شوخروميت بنى أدم كل يوم !!؟؟ … طب ماهو فيه مليون طريقة يتخلصوا بيها من الجثة لو هم عايزين يعنى … وإلا انتم مش بتتفرجوا على أفلام اجنبى !!؟؟
طب بلاش كدة .. طب هو انتم مش بتمأمأوا ورا اللى شبهكم ، و بتتهموا الشرطة بتهمة الاختفاء القسرى !؟ .. طب ما كانوا أخفوه قسرى !!! 😉 .. لأ وشوف حكمة ربنا يا مؤمن لما تظهر الجثة يوم وصول وزيرة التعاون الدولى الايطالية لمصر ومعاها 32 مستثمر علشان يستثمروا عندنا … دى لو شرطة إسرائيل عايزة تورط مصر مش هــ تعرف تحبكها كدة يا شوية مرضى !!
ومازال تعاطى الكلّة مستمر ..
أصل الكائن الكلجى إختراع حصرى مصرى