02 May 2018
العودة Nostos … ما بين قوه الحضارة الناعمة … و الصبر الاستراتيجي
—————————————————————————
بداية من عام 2005 …. بدأ الهجوم الشرس والتركيز الشديد على الاغتيال المعنوي لكل مقومات الدوله المصريه سواء بالنكات او نشر الاشعات او التدليس او الكذب و ذلك لتحضير الوعي الجمعي للمجتمع المصري و تجهيزه لتقبل فكرة الانتحار القومي … ليقوم بتفكيك نفسه بنفسه كما حدث في كل الدول المحيطه بنا التي تم هدمها بأيدي ابناؤها….
فمثلا تحولت مصطلحات (مشاكل التعليم و تراجع التعليم ) الى (فشل و انهيار التعليم) … و تحولت (مشكلات المجتمع) الى (انهيار المجتمع) … و غيرها من المصطلحات اللى كان بيتم ترديدها بكثافه شديده … حتي نجحوا بايصال المجتمع الى قناعه و هي (انهيار مصر و فشل مصر و المصريين اسوأ شعوب العالم) ….. و كان من اهم المصطلحات اللى كان بيتم التركيز عليها هو التريقه على احد أهم مصادر قوة الدولة المصريه و هي ( القوه الناعمه).
كنا بنشوف ناس محسوبين على صفوة المجتمع بيتكلموا بتريقه و بيسفهوا هذا العنصر بتركيز شديد … و كانوا بيعملوا المستحيل انهم يقنعوا الناس ان مصر مش فالحه غير في ترديد مصطلحات عفي عنها الزمن و انها بقت دولة عجوزه بتحتضر و عايشه على امجاد 7000 سنة حضاره خلصت و مش حترجع تاني و يا ريت الناس تنساها حتي ينسوا هويتهم و يهملوا اهم مصادر قوة الدوله المصريه و هي القوه الناعمه.
فالقوه الناعمه هي القوة المتراكمه عبر آلاف السنين للمخزون الحضاري و الثقافي و للشعوب …. و اللى بتفتقره معظم دول العالم …. فتأثير القوه الناعمه اكبر بكثير من تأثير القوه المسلحه و حتي القنبله النوويه … لان الجيوش ممكن تدميرها او السيطره عليها او هزيمتها او اعلان استسلامها … لكن قوة الشعوب و تأثيرهم في محيطهم لا يموت لأبد الضهر …. فالشعوب ممكن تمر عليهم فترات من ضعف الدوله و مؤسساتها …. و لكن سرعان ما تستمد هذه الشعوب من تاريخها مصادر قوتها لتستنهض مصادر قوتها الحضاريه لتنطلق مره اخرى في دورة حضاريه اخرى.
طب ليه بدأنا المقال بتاعنا بالمقدمه دي !!!!! …. لاننا بدأ نشوف بنفسنا و نتأكد من الكلام اللى كنا بنقوله لاصدقاؤنا في مقالاتنا طوال السنين اللى فاتت و اللى كانت مصدر نقاشات و اعتراضات من اصدقاء كتير و كانوا بيتهموا الدوله المصريه بالضعف وقتها.
فمثلا من 4 سنين كان ناس كتير بتعيب و تنتقدر صبر مصر على قطر و ان لازم مصر تضرب قطر بالقوه العسكريه ….. و ازاي مصر سايبه الاخوان 40 يوم في تحريض الناس في رابعه و ان لازم الجيش يخش يفض الاعتصام فورا ….. و ازاي احنا ساكتين على تركيا و لازم مصر تتحرك و تواجهها … و ازاي سايبين النخبه الفاشله و العملاء يتحركون وسط المجتمع بحريه و لازم يتقبض عليهم جميعا…. و غيرها كتييير من الامثله.
و كنا بنرد و نقول ان الكاوبوي الامريكي قوته في تسريع الريتم و ايقاع الفريسه في خطاْ الانجرار في المواجهات المسلحه حتي يتمكنوا منه و يفتحوا عليه ابواب الجحيم …. و ان مصر تنتهج مبدأ الصبر الاستراتيجي حتي تقف على قدميها مره اخرى …. و تستعيد عناصر القوه الشامله للدوله المصريه …. و تعيد الهجوم عليهم مره اخرى و تحاصرهم و تقضي عليهم بالسلاح الاقوى في التاريخ و هو قوة حضارة الشعوب و هى القوه الناعمه التي تحميها قوة مسلحه قادره.
فاليوم …. و بمنتهي الهدوء القاتل …. مصر تقود محاصرة قطر سياسيا و اقتصاديا ثم جغرافيا بعد ارسال الهيئه الهندسيه للقوات المسلحه بحفر قناة سلوى على الحدود مع السعوديه …. و في اعتصام رابعه لو مصر دفعت دم قلبها عشان تقنع ملايين المصريين اللى كان الاخوان مسيطرين على عقلهم انهم ناس بتوع ربنا انهم قتله مجرمين و خوارج هذا العصر … مكنش حيجيب نتيجه زي اللى هم قدموه للشعب بنفسهم عن حقيقتهم …. و لو تم القبض على عرائس الماريونت من النخبه المزعومه …. كان اتعمل منهم ابطال من ورق و ضحايا و ايقونات ثوريه … اما الان فهم افراد لا تأثير و لا قيمة لهم …. و بهدوء و صبر شديد مصر تدمر تماما مخطط الاستيلاء على سيناء بوضع فرق عسكريه كااامله و انشاء مطارات عسكريه و مراكز قياده و سيطره متقدمه لتنظيف سيناء و حماية مشاريع تعمير و تنميه حقيقيه باكثر من 270 مليار جنيه و الاجهاز التام على اي محاوله لاسرائيل في انشاء قناة بديله لقناة السويس بعد البدء في مشاريع تنميه قناة السويس .
و تبدأ مصر ايضا بمواجهة تركيا للاجهاز على احلامها المجنونه لاستعاده خلافتها المزعومه على المنطقه باستيلائها على مقدرات الطاقه و منابع الغاز بالقوه المسلحه …. لتأتي مصر اليوم وتستخدم قوتها الناعمه في اجبار دول المنطقه ان يسلموها كل مصادر طاقتهم طواعية … و ان يأتي الزبائن المحتملين لهذه الطاقه ليوقعوا معها بروتوكولات اقتصاديه لاستيراد هذه الطاقه منها …. لتتحول مصر الى (HUB) للطاقه في المنطقه لتزيد من مركزها و ثقلها المتنامي …. و تزيد من عناصر قوتها الشامله و قوتها الناعمه.
و قبل ان يفيق القردغان من الضربات المتتاليه التي يتلقاها … تأتي مصر و تفجر قنبله لا يقل تأثيرها عن القنبله النوويه …. و هو البدء في الانتقال من حماية مصالح دول حوض البحر المتوسط بالقوه العسكريه … الى حمايتها بالقوه الشعبيه لشعوب دول اهم و اقدم و اعرق حضارات المنطقه … و التي لا ينافسها احد في هذا … و هي دول مصر و اليونان و قبرص … لاستكمال التحالف السياسي الاقتصادي بالتحالف الشعبي الحضاري …. و هو تحالف ان تم … لا تستطيع قوه على وجه الارض ان تواجه العمق الحضاري و الاراده الشعبيه لشعوب تتجذر حضارتها لآلاف السنين و بالذات بين شعوب امتزج تاريخهم الحضاري سويا و كانوا مصدرا و مثالا للتعاون و التكامل و الاخاء و وصلت في الكثير من الاحيان الى حد الموت في سبيل الدفاع عن الاخر.
فالمصريين اليونانيين او الجريك كانوا طول تاريخهم في مصر يعيشون بين المصريين بكل سلام و احترام و موده و أثروا الحضاره المصريه و الفن و الادب و الاقتصاد المصري على مر الزمان …. و للاسف الكثير مننا بيختذل تاريخ الشعب اليوناني في مصر بالاسكندر المقدوني و بناء مدينة الاسكندريه و الخواجه كرياكو البقال و كافتيريا أتينيوس في محطة الرمل في اسكندريه.
فالشعب اليوناني هو اكثر شعوب الارض حبا لمصر و تأثيرا في تاريخها …. فالتاريخ المشترك موجود من ايام الفراعنه و حتي ايام مقاومة احتلال الهكسوس في مصر و كان يوجد الكثير من اوجه العلاقات التجاريه و الاقتصاديه بين شعوب البلدين و حتي مقولة “مصر هبة النيل هيرودوت” قالها هيرودت اليوناني … و كذلك فان اليونانيين هم من اطلقوا اسم “أبو الهول Sphinx” و اللى احنا بنستخدمه حتي اليوم …. و حتي محمد على باني مصر الحديثه مع ان اصوله ألبانيه … و لكنه يعتبر يوناني لانه ولد و و تربي في مدينة كفالا شمال اليونان … و هو من توسع في استقدام اليونانيين و اشراكهم في انشطة نهضة مصر الاقتصاديه و حتي العسكريه بتعيين العديد منهم قباطنه للاسطول المصري …. و حارب و قتل الكثير منهم داخل الجيش المصري.
و ظل الامتزاج بين الشعبين الى ان وصل مثلا ان الملكه نازلي ملكة مصر كانت والده زوجة ابيها عبد الرحيم صبري باشا كانت يونانيه مصريه …. و لان مصر طول عمرها الارض الحاضنه للمهاجرين … فكانت مصر الملاذ الامن الدافىء لمئات الالاف من اليونانيين في الحربين الاولي و الثانيه …. و لان الشعب اليوناني شعب عريق و جينات الحضاره تجرى في دماؤه … يعني اولاد اصول … فكان رد الجميل لمصر غير مسبوق في تاريخ الشعوب .
فمثلا بالرغم من تحالف اليونان مع الحلفاء ضد دول المحور و النازي … الا انه تجلي معدنهم الاصيل في الدفاع عن وطنهم الثاني مصر في العدوان الثلاثي … بعد اظهارهم شراسه غير عاديه في الدفاع عن مصر بكل الوسائل الممكنه ….
فمثلا بالرغم من خيانة جميع المرشدين و القباطنه الاجانب لمصر اللى كانوا بيديروا الارشاد البحري في قناة السويس و رحيلهم المفاجىء و الجماعي في نفس يوم اعلان مصر تأميم قناة السويس استجابة لاوامر انجلترا لشل حركة املاحه في قناة السويس …. الا ان الجنسيه الوحيده اللى رفضت التنفيذ هم المرشدين اليونانيين و القبارصه … اللى واصلوا العمل و شغلوا قناة السويس بمفردهم … و علموا المصريين فنيين الارشاد و كونوا منهم فريق عمل مصري و وطني يدير قناة السويس .
و حتي على المستوي الشعبي ….. فمثلا كان رجال حركة التحرير الوطنيه في قبرص هي مركز المعلومات الاول لمصر عن تحركات قطع الاسطول البريطاني قبل و اثناء الهجوم على مصر …. كما كان لهم الدور الاكبر في استخدام الجنود اليونانيين في اختراق القوات البريطانيه و امداد مصر بكم هاااائل من المعلومات من داخل الجيش البريطاني …. ثم قيام حركة مايوتا التحرريه في قبرص … بنشر منشورات بالعربيه و اليونانيه لدعوة اليونانيين في مصر لدعم المقاومه المصريه ضد العدوان الثلاثي و عدم الانجرار الى الدعاية الانجليزيه التي كانت تعمل على الوقيعه و الفتنه بين المصريين و اليونانيين …. بخلاف اعلان القنصل اليوناني في مصر رسميا لاستعداد الجاليه اليونانيه لدعم الشعب المصري و الاشتراك في المقاومه المسلحه …. الذين اظهروا بساله رائعه في القتال و الدفاع عن مدينة بورسعيد في قتال الشوارع ضد جنود الاحتلال الانجليزي الفرنسي ….. و كان منهم ابطال كثيريين مثل “جورج قسطنطين” و ” ألبا ملاكوس” و “بنايوتي مافوتيس” الذي استشهد في شوارع بورسعيد بعد نجاحه في الهجوم بشجاعه منقطعة النظير على تجمع من القناصه الانجليز ليقتل عدد كبير منهم قبل ان يتلقي رصاصات الغدر من جيش الاحتلال في شوارع بورسعيد.
و حتي بيوت اليونانيين كانت الملاذ الامن لفدائيين المقاومه الشعبيه او مخازن للذخيره … لدرجة ان الانجليز عند اسرهم لبعض الفدائيين اثناء معركه شرسه معهم في شوارع بورسعيد … اكتشفوا ان احدهم عباره عن فتاه يونانيه تحارب معهم و تتخفي بملابس الفدائيين .
ده بخلاف اضافاتهم الكبيره في الادب و الثقافه المصريه في الشعر و الادب و القصه … و كان اشهرهم الشاعر “كونستانتين كفافيس” … ابن حي الابراهيميه …. و الذي يعتبر من اكبر شعراء العصر الحديث على المستوي العالمي و كذالك “ستراتاتيس تيراكاسا” المؤلف الروائي و الذين اثروا و وثقوا المقاومه الشعبيه ضد الاحتلال الانجليزي في اعمال رائعه.
مصر اليوم ترسي مبدأ و تكون الدوله الاولي في العالم التي تستدعي التاريخ و تبني عليه و تقوم بعمل غير مسبوق في تكريم جاليه اجنبيه كانت و لا زالت تعيش فيها …. و في الوقت الذي تتصارع فيه الحضارات و الشعوب و قومياتها …. تسطر مصر سابقه في كيفية التعايش السلمي بين الشعوب و الحضارات و دعم التكامل و الاتحاد ما بينهم … و هذا لو تعلمون شأن عظيييييييم سيتم بناء عليه اشياء رااااائعه و غير مسبوقه ستحدث لاحقا.
اما اخونا القرد … اللى بيشوف اوهامه بتفكك ببطىء و بثبات … و هو عامل زي المجنون اللى مش قادر يتحرك .. و كل اللى بيقدر عليه …. انه يشوف احنا بنعمل ايه و يقول عايز من ده …. لدرجة وصلت لركوب عجله او لبس بدلة ميرى او حفر قناة في سنه او حتي يدبدب في الارض و يقول اشمعني … انا كمان عايز انجح في انتخابات ب 97% …… يا ترى حيعمل ايه لما يعرف و يشوف ان ال “Nostos ” … مش بس حيكون قاصرا على اليونانيين و القبارصه فقط … و لكن كلها كام شهر و يضم عليهم الطليان و الأرمن … بتقولوا مين !!!!! …. بنقول الأرمن 🙂 🙂
تحياتنا