11 Jul 2014
( للتوضيح هذا البوست لا يخص الشعب الفلسطيني الحبيب و الذي تسيل دماؤه الطاهره الان في غزه و الذي نبكي عليه …. لكن المقصود بيه هو عارف نفسه كويس – منهم لله )
———————————————————-
عزيزي الكائن الحمساوي الاخواني – عزرا بن عميتاي
———————————————————
خلاص عملت اللى انت عايزه يا عزرا و لا لسه شويه ….. !!؟؟
ده ربنا كرمنا أحلي كرم و الناس بتموت و الجثث زي الرز … !!؟؟
جبرنا الحمد لله و أخدنالنا شوية صور عجب هــ نعمل بيها أحلي شغل لجثث أطفال و نساء و شيوخ هــ نلمّ عليهم كام مليون !!
و بعد ما سبوبة الأنفاق إتقفلت ، ربنا فتحها علينا تاني و وضعنا هــ يترستـأ و هــ نرجع تاني للمشهد السياسي….. و لا إنت شايف ان لسة شوية مش مكفيك لا الفلوس و لا الجثث ؟؟؟؟؟ ….
أصل المتاجرة دي في دمك من سنين طويلة من زمااااان يا عزرا ….. و الكلام الحنجوري و الشعارات الفارغة و الاكاذيب إنت بتعيش عليها …… و من الستينات و السبعينات و إنت كل كل أفعالك بــ تضر بيها وطنك – و أنا مش بقصد هنا بلد محددة لانك حسب معتقدك مالكش وطن ، بل مجرد سكن … و لا ليك قضية ، بل أفكار إرهابيه واهيه ….
بــ أفعالك وصمت الشعب الفلسطيني الصامد المفتري عليه بانه شعب الارهاب .. لأن مصلحتك في السبوبة ساعتها كانت في خطف الطائرات المدنية و البواخر و الهجوم على المدارس و قتل المدنيين …. و لما كان حد يكلمك و يقولك كده غلط ، إنت كدة بــ تضر فلسطين كنت تقول: أصلهم بيدعموا إسرائيل و لازم أقتلهم …. طب بزمتك شفت شعب مصر ولا الجزائر و لا جنوب أفريقيا و لا الهند أيام الاحتلال كان المقاومين فيها بــ يعملوا اللى انت بــ تعملته !!؟؟ ده انت لو متفق مع الاسرائيليين على تسويىء سمعة فلسطين و شعبها مكنتش عملت كده.
– فقدت كل تعاطف الشعب العربي في الاردن لما إيدك إتلطخت بدم شعبها و كانت مدابح في الشوارع !!
– فقدت كل تعاطف الشعب العربي في لبنان لما إيدك إتلطخت بدم شعبها و إشتركت في الحرب الاهلية هناك.
– فقدت كل تعاطف الشعب العربي في الخليج لما دعمت إحتلال العراق للكويت و رقصت و ضربت نار إحتفالاً بالاحتلال ..
– فقدت كل تعاطف الشعب العربي في سوريا لما إشتركت في الحرب على الجيش العربي السوري بعد ما كانت سوريا الدولة الوحيدة الحاضنة لتنظيمك.
– و الان فقدت كل تعاطف من الشعب العربي في مصر بعد ثلاث سنوات من الاشتراك في قتل مئات من جنوده و شبابه حتي الامس و تهديد شعبه و وصمه بافظع الشتائم بانه شعب الرقاصين و الكفار و جيشه جيش فرعون و أنك ستدخل مصر و تسحق جيشه ب 25 الف مقاتل و 5 آلاف انتحاري .
انت إزاي مصدق نفسك و مفكر إنك مقاوم ، واللى انت تسببت فى ذبحهم من أهلك في فلسطين في يوم واحد في2007 ، أكتر من الاسرائيليين اللى إتقتلوا من السبعينات لغاية النهاردة.
لأكثر من 65 سنة و إنت شيطانك راكبك و ماشي بنفس المنهج بتاعك و عمال تتاجر ببلدك و دم النساء و الأطفال علشان الفلوس و النتيجه زي ما هي و فلسطين على وشك انها تنتهي تماما بسببك و بسبب تكريس الانقسام و تمسكك بتجارتك و السبوبه على حساب القضيه.
عايز تعرف مين هو المقاوم بحق ربنا يا عزرا …. هو الطفل اللى عنده عشر سنين اللى في الصوره ده ….. في الانتفاضه …. و لانه كان طفل ، فكان نقي ميعرفش غير فلسطين ….. وقف يواجه الميركافا بحجر …. علّم العالم كله يعني إيه سياسة …. و وحّد الشعب الفلسطيني لأول مرة في تاريخه خلف منه …. و أجبر الجميع على احترامه و مساعدته و الاعتراف بحقوقه …… و بعد ما كنتم اللاجئين الفلسطينين الارهابيين أصبحتم الشعب الفلسطيني المناضل بسبب الطفل ده …. و بعد ما كان ياسر عرفات مطارد لانه زعيم الارهابيين أصبح رئيس دولة النضال و علم فلسطين رفع في الامم المتحده …. حتي الكيان الاسرائيلي إعترف بحق العودة لللاجئين و بحل الدولتين.
65 سنة شغالين غلط ضيعتوا كل حاجه و بردوا متعلمتش يا عزرا …. و 3 سنين بس اشتغلتوا صح لاول مره في تاريخكم بسبب الطفل ده كنتم حتاخدوا كل حاجه …. بس الموضوع مجاش على هواك يا عزرا …. المحل هــ يقفل و السبوبه هــ تروح …. يبقي نديها حبة حنجورية ، و شعارات كذابة و بالوعة الاتهامات بالعمالة و الخيانة اللى بتفتحوها على بعض و على غيركم و نقسم المتقسم أصلاً لأنك مش شايف غير تنظيمك الارهابي وأهدافه ….. لان فلسطين أو أي وطن آخر ، ما هو الا حفنة من التراب العفن حسب إرهابيكم الكبير سيد قضب….. فمش مشكلة عندك إنك في سبيل انقاذ تنظيمك في مصر تولع فلسطين باللى فيها.
ده انت فعلا لو متفق مع بن جوريون نفسه علي فقد فلسطين لتعاطف الناس و لا دعمهم و في قتل الفلسطينيين مش هــ تأدّي بالاخلاص ده طوال السنين اللى فاتت ….. عمرنا ما شوفناك بتضرب و لا بتفجر قاعده عسكرية إسرائيلية ولا مدرعة حتي ، و لا بنشوف شغلك اللى بتعمله معانا في سينا ليه ؟؟؟؟ و أي حد في سنة أولي كلية عسكرية يعرف ان الصواريخ بتاعتك دي فشنك و أي كلام ….. و لا تحسم حرب و لا يتحارب بيها أساسا …… !!
اسرائيل تسيبك تضرب شماريخ عليها لا بتصد و لا بترد تقوم الجزيره ذايعه و مطبلة و جايبة المتحدثين الرسميين للجيش الاسرائيلي علشان يوهموا الناس إنها صواريخ بجد علشان يعطوا إسرائيل الحق انهم يردوا العدوان اللى هو أصلا غير متكافىء ….. فــ تدك الـ F16 منازل المدنيين العزل في غزة بــ قنابل لا تستخدم غير في دك الحصون العسكرية …. فــ تكون النتيجة مئات القتلي من المدنيين العزل قصاد أربع إصابات … تلاته إصابة بالخضة ، و واحد يا حرام اتفجع … و ده أمر طبيعي لما تكون المواجهه بين الشمروخ و الـ F16.
و أخونا عزرا كالعادة مستخبي و محدش عارف عنه حاجه …. طب تعرف حد منهم مات لأ …… طب قاداتهم مع الناس اللى بتموت … لأ دول في فنادق الدوحه ….. طب إسرائيل اللى تعرف خرم الابره في غزه. هل ضربت علي حد منهم لأ … مش بتضرب غير النساء و الاطفال و البيوت المدنيه ….. المهم انه يشتم و يهيج على الجيش المصري و علي مصر و على شعبها و يزايد عليه علشان السبوبه تكبر ….. لان اللى يهمه هو تنظيمه الارهابي …. و سمّعني أغنية إفتحولي المعبر ….. طب مصر فوتت عليه الفرصه و فتحت المعبر ….. يقفله هو من ناحيته بحجة انه رافض الناس تتعالج في سيناء و لازم تتعالج في القاهرة …. ماهو طبيعي طبعاً لأن الجزيرة المناحة اللى عاملاها ملحقتش تعمل عمايلها فــ يقوم يدّيها فرصه في الوقت.
و يقوم مفجر مدرعة جيش مصري و قاتل جندي …. و ضارب عربيات الإسعاف المصرية المنتظرة لنقل مرضاهم علشان تدمر او تهرب لانه لسه التجارة بتاعته ماجبتش همها و السبوبة حتروح على الفاضي ….. و في عز الضرب على غزة يكتشف الجيش المصري عزرا طالع له من نفق اثناء تهريب 20 صاروخ جراد بــ يهرّبهم الى مصر !!!!!!!! …..
اسرائيل هناك يا أحول مش هنا …..
بس يا تري هــ تضرب بيهم مين يا عزرا ؟؟؟…..
مبروك عليك يا عزرا كراهية الشعب المصري اللى أضفته بمنتهي الحرفية للمجموعة العربية التاريخية اللى كل يوم تزودها بلد جديدة في كراهيتك و كراهية تنظيمك .. و زي ما قلنا مصر لا تنسي من وقف معها و من تآمر عليها ….. أما الشعب الفلسطيني فربنا يصبره على ما بلاه …. ربنا يتولاهم و ربنا معاهم …. و ماحدش يرضي بمناظر الاطفال و النساء اللى بتموت بدون ذنب …. بس اذا كان المسؤول عنهم بيتاجر بيهم و هم موافقين و راضيين فــ ماحدش بقى ييجي يزايد علينا …. أمن مصر و الشعب المصري أولا ، و أهم من أمن أي دولة تانيه حتي لو كانت فلسطين.
اللى عايز يفهم كده و موافق عليه أهلا وسهلا ….. اللى عايز يتاجر و يزايد و يقولك فتنه …. و يقولك هات دليل …. أقوله بلاش مزايدة …..
ورّينا نفسك يا عم الامور و روح جاهد مع إخواتك هناك الاول و لما نشوفك بتجاهد هناك إبقي إتكلم …. و الانفاق انتوا عارفين سكتها كويس ….. ده حتي لسه إمبارح كان بيعدي منها 20 صاروخ جوة مصر …….. و متنساش و إنت راجع تجيبلنا معاك الاربع ظباط المخطوفين او جثثهم ….. و يبقي كتر خيرك تجيبلنا في إيدك إخواتك اللى قتلوا جنودنا المرة الاولي و التانية و التالتة و الرابعة … و … و ….. معلش أصلهم مرات كتير قوي …. دول مئات طوال ال 3 سنين اللى فاتوا و اللى مات و لسه بــ يموت كتيييييير ….. أكتر على فكرة بكتير من اللى اتقتلوا في غزة.