25 Dec 2015
النظام العالمي الجديد يتشكل على الاراضي السوريه
البدايه و الرؤيه من مصر و النهايه على نهر الفرات
الرقه هي برلين القرن الواحد و العشرون
————————————————–
اصدقاؤنا اصدقاء كلام في الصميم ….. طوال العام و النصف الماضي و احنا بتركيز شديد بننشر و نشرح و بنأصل الاحداث اللى عايشينها من اكتر من خمس سنوات …. و اللى مش بيعدي اسبوع الا و نلاقي ان رؤيتنا بتتحقق على الارض … و مقال اليوم مش حنعتبره كلام جديد … و لكن تلخيص لرؤيتنا السابقه و لكن باحداث حقيقيه على الارض …. و معلش ….. مقال النهارده حيكون طول شويه …. فاستحملونا 🙂 🙂
من 6 ايام و في جلسة في الدوما الروسي …. و في مفاجأه من العيار الثقيل …… كشف سيرغي شويغو وزير الدفاع الروسي عن خطه للقوات الجويه الروسيه للوصول الى نهر الفرات عن طريق الضربات الجويه … و تاني يوم الصبح اعلن الطيران الروسي عن تدمير الف هدف عسكري داخل مدينة الرقه وحدها .
فبإختصار ….. القصه وضحت تماما ….. و اتعرف دلوقتي ما كان يدور خلف الغرف المغلقه …. و سبب ماسورة التحالفات اللى ضربت الفتره اللى فاتت …. و سبب اعلان انجلترا و المانيا و امريكا عن ارسال قوات خاصه بريه الى سوريا … ثم وقف التحركات دي تماما …. بل وصل الامر الى اعلان البنتاجون الامريكي لاول مره عن منع الطيران الامريكي عن تحليقه في الاجواء السوريه .. و سحب المانيا لبطاريات باتريوت من تركيا …. و طبعا سبب جنان النظام الاخواني التركي اللى واقفه ينتظر مصريه … ….
لان ببساطه …. وضحت الصوره ………. فدائما و ابدا التاريخ يعيد نفسه و ما اشبه اليوم بالبارحه ……. فـ الرقه هي برلين القرن الواحد و العشرون 🙂 🙂 يعني ايه ؟؟؟؟
من اكتر من 70 سنه و في الحرب العالميه التانيه … كان فيه وحش كبير اتكون على الارض اسمه النازيه …. اللى اتوحش على الارض و بدا بالهجوم على اراضي الدول الاروبيه و الافريقيه اللى كانت بتقع في يده الواحده تلو الاخري …. حتى وصلوا الى الحدود الروسيه …. و ساعتها العالم كله عمل تحالف سماه قوات الحلفاء …. لكن مكنوش بيعملوا حاجه … واقفين يتفرجوا و مكنتش بتاخد منهم غير تصريحات انهم حيعملوا انزال بحري لتحرير فرنسا … لكن في الحقيقه كانوا بيتفرجوا و مبسوطين …. لان المجهود الحربي النازي بالكامل كان موجه الى روسيا …. و ده كان في مصلحتهم تماما . 🙂 🙂
ستالين ساعتها كان بيصرخ و بيستجدي الغرب انهم يسرعوا بالانزال البحري في فرنسا حتي يخف الضغط على الجبهه الروسيه …. و لان الغرب طول عمرهم يمتازوا بالخسه و القذاره و التآمر …… و ايدولوجيتهم تعتمد على ان وجودهم يعتمد على تدمير الآخر …. كانوا يقولولوا … احنا جايين متقلقش … بس اثبت انت بس …. 🙂 🙂
لغاية نقطة التحول الرئيسيه في الحرب العالميه التانيه و هي ملحمة معركة ستالينجراد …. ففي محاولات القوات النازيه بقيادة الجنرال باولوس الدخول الى روسيا … فتحوا جبهه في مدينة اسمها ستالينجراد اللى بتقع على نهر الفولجا اللى يعتبر اعظم انهار روسيا و كانت رمزا لروسيا الصناعيه بل بتتعدي انها تعتبر رمزا الى ستالين نفسه …….. و لو نجحوا في الاستيلاء عليها لانكسرت روسيا … و كان الطريق الى موسكو حيكون مسأله وقت مش اكتر
الروس استبسلوا في الدفاع عن ستالينجراد بشكل ملحمي سطر في التاريخ من حروف من ذهب …. فضحايا المعركه دي تخطي ال 2 مليون قتيل بذلوا ارواحهم في الدفاع عن وطنهم … و بالنهايه تم دحر و كسر قوات النازيه فيها … و بلغ قتلي الالمان مئات الالاف و و اكثر من 240 الف اسير …. و عندها تحولت روسيا الى الهجوم و البدء في التوغل غربا لتحرير البلاد الاوربيه الواحده تلو الاخري .
عندها فقط …. اسرع الغرب في انزال نورماندي حتي لا تستولي روسيا على كل البلاد الاوروبيه …. و كان فعلا سباق مع الزمن …. فهدفهم الرئيسي كان ان لا يصل الروس الى فرنسا او على الاقل …. مين يوصل الى قلب المانيا قبل التاني …. و ده فعلا اللى حصل …. انهم وصلوا مع بعض …. فإتعمل سور برلين و اتقسمت الدول على حسب نتيجة العمليات العسكريه على الارض بين روسيا و الغرب ….. و كان بداية تشكيل نظام عالمي جديد عاشه العالم لاكثر من 50 عاما
و ده بالفعل اللى بيحصل دلوقتي على الارض السوريه …. الفيناله 🙂 🙂 …. ازاي ؟؟؟؟؟
لو لخصنا كل مقالات صفحة كلام في الصميم طوال السنتين الماضيتين في نقاط سريعه … و ربطتها مع التصريحات الروسيه … و التحركات الفعليه على الارض من كل القوي … حتعرف احنا داخلين على ايه 🙂 🙂 :-
- حسب ايدولوجية الغرب التي تعتمد على البقاء على حساء تدمير الاخرين و الاستيلاء على ثرواتهم فإستهدف الغرب غاز المنطقه المصدر المستقبلي للطاقه …. غاز الخليج و احتياطيات شرق البحر المتوسط…. و تدمير و تفكيك كل الدول الواقع الغاز في اراضيها او التي سيمر بها خطوط نقل الغاز.
- تدمير العدو التاريخي الروسي بخنقه اقتصاديا و تصدير كلابه السعرانه اللى اوجدهم على الارض من داعش و ماعش و خلافه الى الاراضي الروسيه بعد الانتهاء من تفكيك و تدمير بلاد الشرق الاوسط.
- البدء العملي في تنفيذ الحلم الغربي (خط غاز نابكو) … و اللى حينقل من خلاله الغاز القطري و غاز البحر المتوسط عبر الراضي السوريه ثم الى تركيا اللى كان املها ان يكون عندها تجميع الماسوره الام للغاز اللى كان حيغذي اوروبا و الغرب بالغاز.
- الخط ده كان حيمر عبر اكورانيا من خلال اقليم القرم ثم الى اوروبا و ده سبب ان الديمقراطيه نقحت قوي على الشباب الكيوت الاوكراني و عملوا ثورتهم السلميه الملونه و سلموا اوكرانيا الى الناتو 🙂 🙂
- عشان كل ده يتحقق كان لازم برده الشباب الكيوت اللى ضد الكمع و الزولم يقوموا بثوراتهم في تونس و ليبيا و مصر و سوريا و كان المفروض في الجزائر و بعد كده كان التوجه الى السعوديه و الخليج بعد تفكيك كل الدول دي .
- روسيا كانت في موقف لا يحسد عليه تماما … لانها كانت لازم تدافع عن نفسها … لكن فرض الاراده لا يعترف الا بالنتائج المحققه على الارض … و تخيلوا ان لو مصر وقعت …. كانت سوريا حتخلص في كلمه و بعدها كل دول الخخليج مكانتش حتاخد في ايد الغرب غلوه 🙂 🙂
- روسيا كانت حتواجه مصيرها بالحل العسكري …. في مواجهة كل الكلاب السعرانه اللى على الارض اللى كانت حتنط ليها في فناؤها الخلفي في دول اسيا الوسطى … و في الحاله دي …. روسيا كانت حتنشغل مع الكلاب السعرانه دي في حين كان الشرق الاوسط بثرواته كان خلص لصالح الغرب تماما.
- الحدث و المعركه المصيريه المفصليه اللى قلبت الخطط كلها و الموازين تماما كما حدث في معركه ستالين جراد و اللى قلبت نتيجه و احداث الحرب العالميه التانيه …… كان تحرك الشعب المصري و دعمه جيشه و دعمه للدوله المصريه العميقه المترسخه في جذور التاريخ في معركه البقاء في 30 يونيو …. فتم ايقاف الخطه تماما …. و كانت مثل قبلة الحياه للمنطقه كلها و اعطت روسيا المساحه الكافيه انها تتحرك و تقلب الترابيزه بدون اللجوء الى الحلول العسكريه المباشره.
- فكان نتيجة التحرك الشعبي المصري تقليص نفوذ الامريكان و الغرب في المنطقه … و تم حماية الخليج من مصيره المحتوم …. و ده يفسر الدعم الخليجي الغير محدود لمصر 🙂 🙂
- روسيا تحركت على الارض و استولت على اقليم القرم للقضاء تماما و نهائيا على الخطط الغربيه لانشاء خط غاز نابكو 🙂 🙂 … مش بس كده … دي استموتت على الدفاع عن سوريا و طلع تصريح بوتين الشهير “الطريق الى دمشق يمر عبر موسكو” في اشاره ان اللى عايز يخض دمشق فعليه انه يحارب موسكو و يقضي عليها اولا 🙂 🙂
- مصر و روسيا استغلوا الخلاف بين الشركاء اللى حصل بين فرنسا و الغرب …. و استمالوها بشكل جزئي … و يمكن صفقات السلاح الفرنسي النوعي لمصر و مقلب الحراميه اللى اتعملت على الغرب في موضوع حاملتي الطائرات الميستيرال …. اللى اتصنعوا و اتعملوا و في غفله من الزمن اخدتهم مصر 🙂 🙂
نيجي بقي نربط بين تصريح وزير الدفاع الروسي عن الرقه … و ما يحدث اليوم على الارض … 🙂 🙂
روسيا بدأت بالفعل تكنس على الارض كلاب الغرب السعرانه اللى اتوحشت على الارض و تكشف المؤامرات و الدول المشتركه في التمثيليه الخايبه اللى عايشينها بقالنا خمس سنين …. و تم اتخاذ القرار ان يجب القضاء على الفكر الاخواني مصدر كل التنظيمات الارهابيه الموجوده على الارض.
و بعد تفكيكهم في مصر … تم التوجه الى النظام الاخواني التركي و فضحه و جر رجله الى مصيره المحتوم …. و التهديد لكل من يتستر على بلاويه …. و لان الانجليز ذئاب سياسه … استبقوا الهجوم عليهم و طلعوا البيان الخايب اللى بينتقد تنظيم الاخوان …. علشان مستقبليا لو الروس طلعوا اي دلائل عليهم … يقولوا احنا مكناش نعرف …. و لما عرفنا طلعنا وقولنا انهم وحشين 🙂 🙂
روسيا حمرت عنيها … و لان اردغوان جيناته اخوانيه … فكان الغباء هو سيد الموقف معه …. فانزلقت رجله للفخ الروسي …. و بعد ما كانت روسيا لا تستطيع نشر بطاريات صواريخ S300 داخل اراضيها الا علي بعد كبير من حدودها حتي لا تستفذ الناتو الموجود على حدودها في اوكرانيا …. نجحت في جر رجل حمار تركيا انه يقع في غلطه …. و نشرت بطاريات صواريخ S400 على الاراضي السوريه و محدش قدر يفتح بقه …. و بكده … غطت الصواريخ الروسيه كامل الاراضي التركيه بما فيها قاعده انجريلك الجويه اكبر قواعد الناتو الجويه للناتو 🙂 🙂 …. و بعد ما كانت القوات التركيه بتتجول داخل الاراضي السوريه كما يحلو لها و كانوا بيخططوا لاحتلال الشمال السوري بالكامل …. دلوقتي مفيش عسكري بشريطه يقدر يحط رجله في الاراضي السوريه.
بعدها اظهرت روسيا انيابها و صرح بوتن … ان الطيران التركي كان بيخترق الاجواء السوريه بشكل يومي … الان اطالبهم بتجربة حظوظهم و تكرار ما كانوا يفعلوه او حتي الاقتراب من الحدود السوريه …. بعدها تم تعليق الطيران التركي بالقرب من الحدود السوريه …. و تم تعليق مهام الطيران الامريكي في الاجواء السوريه تماما 🙂 🙂 …. اما المانيا فسحبت بطاريات الدفاع الجوي بتريوت الخاصه بها من تركيا تماما …. لانهم عارفين ان اردوغان اخواني غبي و ممكن جدا لما حيحس انه خلاص حيتم التخلص منه … يقوم ضارب كرسي في الكلوب و مدخل الدنيا في بعض …. و ده بيبان جدا في تصريحاته … كل لما يقولولو تركيا حتعمل ايه … يقولهم تركيا مش تعمل … انا في الناتو و الناتو هو اللى لازم يرد 🙂 🙂
لما تم الكشف على حقيقه الكلاب السعرانه اللى على الارض …. و انهم مجرد صنيعه غربيه بيتم تسليحها و الصرف عليها و رعايتها و دعمها من دول غربيه و شرق اوسطيه … و تم فضح تركيا كأول دوله …. و بعد ما استبقت انجلترا الموقف و مثلت انها بتغسل اديها من التنظيم الاخواني … بدأت روسيا تخلص على الارض و اتجهت الى تركيز ضرباتها على الرقه معقل التنظيم الارهابي ….. و ده معناه نهاية القصه و نهاية الكلاب السعرانه على الارض … لان القضاء على الارهاب سهل جدا امنيا بشرط …. انك تقضي على تمويله … و تضرب ضربات استباقيه في عقر داره … و تفضح و تحاصر الدول الداعمه ليه .
فتم التكريز على ضرب ناقلات البترول المسروق و فضح تركيا و الان بيتم التركيز على معاقله الرئيسيه في الرقه….. و ده بيعيد للاذهان نفس اللى حصل في الحرب العالميه التانيه …. روسيا بتكسب و بتخلص على الارض …. فتسابقت السعوديه انها تقول انا موجوده و حبعت قوات اسلاميه … لكن محدش راح معاها 🙂 🙂 … و المانيا و انجلترا و امريكا طلعت منهم تصريحات عنتريه بارسال قوات خاصه الى سوريا …. و لان الموضوع لروسيا معركه بقاء … فاستبق بوتن كل ده بتصريح …. ” روسيا لم تستخدم حتي الان كل اسلحتها في سوريا … و سنصعد و نستخدم كل اسلحتنا اذا لزم الامر ” ….. بعدها مسمعناش غير صوت صرصور الغيط من الجميع 🙂 🙂 …. و بدأت الدول الغربيه في التحدث عن الحل السياسي …. و البدء في المفاوضات 🙂 🙂
احنا دلوقتي في بداية نهاية فيلم الرعب اللى عشناه من خمس سنين و بداية تكوين نظام عالمي جديد … الكل حيقعد على ترابيزه تقسيم التورته … و التورته حتقسم حسب حجم المكاسب اللى على الارض …. و نهاية القسمه دي و شكل سوريا بعد الاتفاق النهائي هو نفسه حيكون شكل النظام العالمي الجديد .
و يبقي ان نقول ان الكره الان في ملعب السوريين انفسهم …. فيا اما يعلوا حسهم الوطني على كل شىء … و يقبلوا بسوريا موحده … و يبقوا يحلوا مشاكلهم مع بعض داخليا … او كل واحد يبيع وطنه في مقابل فرض وجهة نظره و ايدولوجيته … و تقسم سوريا حسب المكاسب على الارض لصالح كل الدول الخارجيه اللى انتهكت السياده السوريه و لعبت على تدمير دوله من اقدم دول المنطقه .
و لكن …. 🙂 🙂 …. دائما و ابدا …. ياتي الحل من خارج الصندوق …. من حيث تترفع انت من ان تتداخل معه 🙂 🙂 …. من الاخر …. تحيا مصر … 🙂 🙂
و للحديث بقيه ……..