25 Jul 2014
حرب غزه
———–
اكثر من 800 قتيل و اكثر من خمسة الاف جريح فلسطيني حتي الان
و خالد مشعل بعد ما خلص الجيم بتاعه و جلسة المساج في فندق ال 7 نجوم في الدوحه…… طلع يرّجع في وشنا و يقول لن نوقف اطلاق النار الا بفتح المعبر …. و تساءل كم عدد الجثث من الاطفال تريدها اسرائيل لوقف الحرب !!!!!!….
الحرب اللى هو اللى بدأها بخطف و قتل المستوطنين …. و هو اللى بيرفض كل يوم اي مبادره توقف حمام الدم الفلسطيني من النساء و الاطفال ….. لان المهم العند في ترسيخ الانقسام و فرضه على العالم و معاملة غزه كدوله مستقله لها حدود و معابر …..
القصه يا خالد مشعل هي سبوبه فلوس و سلطه ….. متستهبلش علينا …. القصه تجاره بصور جثث اطفال ملهومش ذنب و ملهوش اي قيمه عندك غير قيمة المساعدات اللى حتلمهم على حس الصور دي و ترسيخ وجود فصيلك على راس السلطه في غزه باي ثمن .
و طبعا كالعاده مصر هي السبب . ….. زي ما كان بيتقال ان مبارك و عمر سليمان السبب في الانقسام و افشال المصالحه …. اهو دلوقتي واحد مات و التاني في السجن و هم برده لسه منقسمون لأن فعلا } إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ {
إن نكبة فلسطين الحقيقيه هي في قاداتها و اصحاب القرار و ليس في الصهاينه و الاحتلال …… كل الدول العربيه أُحتلت و شعوبها حررت نفسها بنفسها و اخذت استقلالها زي مصر و الجزائر و ليبيا و ….. و …… الا فلسطين ….. لان كل الدول دي كان شعبها و قيادتها متوحده خلف مشروع وطني واحد …… لكن فلسطين كلها فصائل مختلفه و كل فصيل ماشي بدماغه و بيخون و يشتم غيره ….. و في وقت الاحتلال رفعوا السلاح على بعض و قتلوا بعض و رموا بعض احياء من الدور السادس .
الانقسام موجود بقاله ٦٥ سنة……. فلسطين لم تتوحد غير ثلاث سنوات فقط خلف الطفل اللى عنده عشر سنوات اللى مسك الحجر امام الميركافا في الانتفاضه و اللى علًم العالم يعني ايه سياسه….. و في الثلاث سنوات دول حصل الفلسطينيين على ما لم يحصلو عليه طيلة ٦٥ عام
. اما الان فالقضيه تحولت من تحرير الاقصي الى تحرير المعبر….. و من انقذوا القدس الى انقذوا غزه….. و كل فصيل اللى اترمي في حضن ايران و اللى اترمي في حضن امريكا و اللى اترمي في حضن التنظيم الدولي للاخوان و محدش بقي بيتكلم عن المشروع الوطني الفلسطيني……
كله بيتحدث عن مصالح فصيله الاول قبل مصالح الشعب الفلسطيني….. لما يتوحدوا الاول يبقي بعد كده يكلمونا عن النضال و يطلبوا من غيرهم مساعدتهم …..
الخلاصه :-
————
لن تحل القضيه الفلسطينيه و لن تتقدم الا لما يختفي من الوجود مصطلح الفصائل الفلسطينيه و يحل مكانها الشعب الفلسطيني الموحد….. غير كده يبقي بنهرج و بنستعبط ….. كله قاعد في التكيفات و اطفاله بيلعبوا في امان و بيدرسوا في احسن المدارس بالخارج و حساباتهم في البنوك بالملايين و قاعد بيتاجر باعداد القتلي من النساء و الاطفال و هو فرحان و يقول ربنا يبارك و يزيد ….. لما اصحاب القضيه كل هدفهم كراسيهم و و ترسيخ انقسامهم محدش يجي يتكلم على مصر يقولنا المعبر و الزفت…..
بصراحه ……. كتكم القرف.