سوريا و الحرب البريه المزعومه – بداية النهايه (الرقه – حلب)

17 Feb 2016

سوريا و الحرب البريه المزعومه – بداية النهايه (الرقه – حلب)

—————————————————————————–

اصدقاؤنا اصدقاء صفحة كلام في الصميم ….. النهارده حنحاول  نلقي الضوء على الوضع الدولي في سوريا و التطورات و التحركات المهمه على رقعه الشطرنج الدوليه بين سوريا و روسيا و تركيا و السعوديه و امريكا و اوروبا و مصر .

و لان القصه متشعبه و متشابكه و مترابطه …. و لان  تأصيل ما يحدث الان تم شرحه على مدار السنتين الماضيين بالتفصيل على صفحتنا …. فإحنا حنتكلم النهارده في نقاط محدده و حنختصر على قد ما نقدر … و اللى تابعنا في مقالاتنا السابقه …. حيقدر يربط بين الاحداث الحاليه بمنتهي السهوله لان رؤيتنا طوال السنتين الماضيين تتحقق على الارض بكل تفاصيلها  🙂 🙂 

– السياسه معقده جدا و تتلاقي المصالح بين الاعداء في اجزاء و تتعارض مع الحلفاء في اجزاء اخرى …. فتجد نفس الدولتين يتعارضون و يتناحرون في اتجاه و يرتبون مع بعض في نفس الوقت في اتجاه اخر  🙂 🙂

– الغرب ينفذ المرحله الثانيه من اجندته في تقسيم العالم العربي (بيرناند لويس) بتوجيه الحرب العالميه الثالثه (حرب بالوكاله) لتفتيت المنطقه عرقيا و دينيا و القضاء على كل الجيوش النظاميه و الهدف كان  التحضير للاستيلاء على المصدر المستقبلي للطاقه و هو الغاز الموجود بالخليج و شرق البحر المتوسط … و الحفاظ على امن اسرائيل …. و القضاء على العدو التاريخي لهم و هي الحضاره الشرقيه ( الحضاره العربيه ثم روسيا و الصين).

– الحرب كانت بالوكاله سواء عن طريق جني ثمار بذورهم الشيطانيه التي تم زرعها من سنين طويله سواء كانوا في الاتجاه الديني لافساد الدين سواء بإفساد التيار السني الوهابي او الشيعي او الاخواني او من ما يسموا الطابور الخامس من نشطاء و اعلاميين و كتاب و شخصيات عامه….. فتم الاستعانه بكل ما سبق لانتاج جيل جديد من الشباب …. ليس فقط لا يكره اعداء اوطانهم … و لكن تخطى نجاحهم في خلق جيل يكره وطنه و يسعي لتدميره بكل ما اوتي من قوه بحجه انه يحب بلده.

– بدون الخوض في تفاصيل … نجحت الخطه تماما بداية بتفتيت الكيان الشيوعي الشرقي من الداخل باستخدام الثورات الملونه بالنشطاء …. و لم ينجوا منها سوى الصين اللى تنبهت للمؤامره … و دخلت دباباتها لتقضي على المؤامره بمنتهي العنف … و تخلت عن الشيوعيه …. و بدأت بالتدرج و بما يتلائم مع ثقافتها و شخصيتها الوطنيه بالانفتاح العالمي اقتصاديا و علميا و سياسيا … و النتيجه واضحه الان بمدي قوه الصين اقتصاديا و علميا و سياسيا و عسكريا ؟

– و بدات المرحله الثانيه في الشرق الاوسط جزء منها كان بالقوه المسلحه في العراق … و الباقي باستخدام النوشتاء و الحكوكيين و اليسارجيه ( و اللى حننزل ليهم علي صفحة مقال في الصميم مقال مفصل لفضح نشأتهم و ايدولوجيتهم العفنه ) … و راحت سوريا و ليبيا و اليمن و تونس و مصر .

–  استعدت الدوله المصريه للموجه العارمه التي ضربت المنطقه  و اتخذت اسلوب خداع الدوله الميته لتمتص آثارها … و تركت الرعاع يصولون و يجولون في الدوله و مفاصلها سواء على مستوى السلطه او في المؤسسات او حتي في الشوارع و حتي في سيناء …. حتي كان الانفجار النووى المتمثل في الثوره الشعبيه في 30 يونيو الذي ضرب المخطط في مقتل و اوقفه تماما ليتم الاعلان تقويد نفوذ القوي العظمي الامريكيه من المنطقه … و اللى بنشوفه دلوقتي منها آثار مقاوتها و تشبثها في المنطقه و لكن خلاص سبق السيف العزل

– و الانفجار ده اعطي لروسيا المساحه الكافيه للدفاع عن وجودها بآليات اكثر هدوءا و فاعليه من الحروب العسكريه المباشره مع الغرب … لتسترجع اقليم القرم لتقضي على مشروع خط غاز نابكوا الى الابد و تتحرك و تتمدد داخل الشرق الاوسط لتشارك الغرب في نفوذهم في الشرق الاوسط و تحل محل ما فقدوه منها.

– و كل اللى فات ده تم شرحه على صفحة كلام في الصميم بالتفصيل في مقالات مفصله و تم تفنيد كل التفاصيل  الخاصه بالتواجد الروسي و علاقتها بتركيا و علاقه تركيا بالمؤامره و الدور القطري و البريطاني و كل التطورات اللى حصلت سواء باسقاط الطائره الحربيه الروسيه على الحدود الروسيه او طائرة ركابها في سيناء او الضربات الجويه في الروسيه في سوريا و آثارها و التقدم الروسي على الارض اللى بدأت تصل الى الرقه و اهميتها الاستراتيجيه و اللى متابعش و عايز اي معلومه يبعتلنا و احنا نبعتله لينكات المقالات .

– .نيجي بقي في فك الاشتباك بين تر كيا و السعوديه و ايران و امريكا و روسيا 🙂 🙂  …. و عشان نفهم الامور لازم نقوم بتأصيل بعض الامور لكل دوله على حده … و طبعا حسب المعلومات المتاحه للعوام اللى زي حالاتنا  🙂 🙂  … و برده زي ما اتفقنا دي وجهه نظرنا القابله للصحه او الخطأ او النقد .

–  الاول تعالوا نتكلم عن السعوديه و ايران …. فالسعوديه في موقف لا تحسد عليه تماما و ممسوكه من ايديها اللى بتوجعها … ازاي ؟؟؟ …. شوف يا سيدي  🙂 🙂  … ايران سياسيا هي العدو الاساسي للخليج و لمصر … فسياسيا هي دوله عندها ايدولوجيه توسعيه تجاهر بها علانيه … و تسعي الى تدمير كل البلاد العربيه و الاستيلاء عليها باستخدام الدين و الفتاوي الدينيه و ان الموضوع مجرد وقت مش اكتر  … و ده هو مصدر قوتها لان لها اتباع و يدينون لها بالولاء التام داخل الدول العربيه بعد ان تم السيطره عليهم دينيا … زي الاخوان بالظبط … فولاؤهم ليس لاوطانهم و لكن للفقيه او المرشد  🙂

– لكن عسكريا فهي ضعيفه جدا … فالجيش الايراني متهالك و متقادم تماما …. فسلاح الطيران او البحريه او حتي المدرعات متهالك و متقادم بشكل كبييييير جدا نظرا لسنوات العقوبات الطويله اللى مروا بيها …. و ده سبب انهم كانوا بيركزوا على السلاح الصاروخي و المعرفه النوويه.

– و لكن ليها تواجد فاعل سياسيا سواء في جنوب المملكه في اليمن … و شمالها بالتواجد الفاعل و القوي في سوريا … و بعد اللى حصل في العراق … كانت النتيجه ان ايران تمددت على حدود المملكه الشماليه سواء في العراق او سوريا  🙂 🙂

– لما انطلقت كره الجليد الغربيه لتفتيت الشرق الاوسط …. تم تهديد الخليج بالمصالحه مع ايران و اطلاقها عليهم ….. و تم عرض الاتفاق تحت التهديد بتحييد ايران لصالح السعوديه  و روسيا في صالح امريكا … في مقابل الحفاظ على دول الخليج … و المصالحه الغربيه مع ايران لما حتحصل …. حتقوم ايران باستخدام ارصدتها اللى بتقدر بمئات المليارات بتطوير جيشها تماما و شراء اسلحه حديثه تواجه بيها دول الخليج ….. زي ما طلبها 130 طياره سوخوي 30 و منظومات دفاع جوي و سفن حديثه و خلافه و ده اللى حيمثل مشكله رهيبه للسعوديه و الخليج بالكامل ……

– الاتفاق كان ان تقوم السعوديه بتمويل ميليشيات مسلحه  تقوم بالحرب بالوكاله لطرد النفوذ الايراني من سوريا ثم العراق لتحييد و تقويض النفوذ الايرانى في شمال الخليج  تحت حمايه امريكا سياسيا و عسكريا …. في مقابل ان يتم توجيه هذه الميلشيات بعد الانتهاء من مهمتها للقفز في الفناء الخلفي لروسيا لاستكمال مهمتها ضد روسيا هذه المره لاتكرار النموذج الافغاني و لكن على الاراضي الروسيه.

– و ده سبب اصرار السعوديه ان بشار لازم يمشى … لان بقاء بشار يعني بقاء ايران في الفناء الشمالي للخليج …. و بعد اعاده تسليح ايران …. الموضوع حيكون كارثي للخليج لان ايران حتكون موجوده ليس في شرقه فقط و لكن في شماله و جنوبه.

– عشان كده بنلاقي ان السعوديه بتدعم مصر بكل ما اوتيت من قوه لان مصر بالنسبه ليها هو خيار استراتيجي … لان مصر لو وقعت … السعوديه حتقع من غير كلام …. لاكن في نفس الوقت بنلاقيها ماشيه ورا امريكا في سوريا عشان تكسب اكبر وقت ممكن و تكسب اكبر قدر ممكن من المكاسب على الارض في مواجهه العدو الايراني …. فهم في موقف لا يحسدون عليه تماما لانهم حيواجهوا الجيش الايراني الجديد بعد تسليحه … فعايزين يقوضوا وجودهم على الارض باكبر قدر ممكن  🙂 🙂

– نيجي بقي لتركيا … و دي شرحنا موقفها بالتفصيل في اكتر من مقال سابق سواء دورها في حروب الطاقه و ليه بتدعم داعش  و بتصرف عليهم …. لكن في معادله جديده على الارض بدأت في الظهور و هم الاكراد اللى غيروا المعادله تماما بتحالفهم مع روسيا و تفاهمهم مع النظام السوري .

– فلو بصينا على الارض ان الاكراد قوه مسلحه لا يستهان بها … فهم اقوياء جدا على الارض …. يحفظون تضاريس ارضهم جيدا … و تركيا بجلاله قدرها مش عارفه تعمل في اكراد تركيا  اللى عايشين داخل الحدود التركيه اي حاجه طوال سنوات طويله ….. و حتي اكراد العراق و سوريا …. فحتي داعش المدعومه من تركيا مقدرتش تهزمهم و تقضي عليهم ….. و على الارض …. تجد ان الاكراد في طريقهم لانشاء دوله فعليه على الارض على الحدود التركيه ليتم تحقيق الجزء الاول من حلمهم التاريخي … و دي حتبقي ضربه في مقتل بالنسبه لتركيا ….. و ده سبب محاوله تركيا تطويق الاكراد من داخل الحدود العراقيه … لكن روسيا مش بتهزر …. و بأوامر امريكيه لم تستكمل تركيا انتشارها في شمال العراق و ده حنشرحه في الجزء الخاص بروسيا.

– و لو تلاحظوا ان من سنتين و لغايه وقت قريب … كانت سوريا و ايران يتحدثون علانيه بوجود قوات ايرانيه و ميليشيات شيعيه تحارب مع بشار …. لكن دلوقتي ده مش بيحصل …. ليه ؟؟؟؟ …. لان الموضوع بينتهي على الارض … و مع دخول روسيا اللى خلاص بتخلص فعلا على الارض … الموضوع لازم يمشي في اطار دوله شرعيه و هي النظام و الشعب السوري  اللى بيتحالف مع الاقليات المهمشه داخل حدوده من الاكراد و خلافه لمحاربه ارهابيين بيتم دعمهم من دول بتدعم الارهاب  🙂 🙂  .

– المهم و عشان منطولش عليكم …. و زي ما نشرت صفحة كلام في الصميم مقال عن الانتصارات العسكريه اللى وصلت الى الرقه و اهميتها العسكريه … كان التحالف السوري الكردي تحت القصف الروسي المركز بؤتي ثماره حتي وصل الموضوع الى النقطه الحرجه و هي حصار حلب  🙂 🙂  … و لو تفتكروا ان ايام بداية الثوره السوريه كان الكلام و النركيز كله على حلب … و كان بيتقال ان لو فقد النظام حلب … يبقي الثوره نجحت … فحلب هى الطريق الى السيطره على سوريا … و الان يتكرر الموقف و لكن في صالح النظام السوري …. لان على الارض بيتم الان حصار حلب … و مساله استرجاعها مساله وقت … و لو حلب رجعت يبقي سوريا خلصت خلاص  🙂 🙂 

– و طبعا تحت القصف الروسي و التعاون العسكري و التسليح اللى وصل للاكراد … اصبح موقف تركيا استراتيجيا في خطر …. و اصبح استمرار ايران في شمال الخليج امر واقع …. فتم الدعوه السعوديه من شهر و نصف لانشاء التحالف الاسلامي لكسب اكبر قدر ممكن من اوراق الضغط على سوريا و ايران اثناء المفاوضات و لما منفعش الموضوع و دلوقتي استرجاع حلب على الابواب … بدات السعوديه بارسال طائرات حربيه و اعلانها انها تنوى دخول سوريا بريا لنقاذ ما يمكن انقاذه بعد خساره كل اوراق قوتها على الارض و عدمحرق كل اوراقها في التسويه النهائيه اللى على الابواب … فالقصه كلها سياسيه و ليست عسكريه بالنسبه للسعوديه و الموضوع كله ضغط سياسي مش اكتر  🙂 🙂   …. طب ليه مش عسكريا ؟؟؟؟

– بص يا سيدي … احنا مش حنتكلم عسكريا على السعوديه و ان مفيش دوله بتفتح جبهتين و حربين في نفس الوقت … و بالذات من دوله جيشها مدخلش حرب حقيقيه قبل كده … لكن حنتكلم عن روسيا … و ليه اصرارها على بشار و تواجدها و ليه الغرب كله عاملها حساب و خايف منها و من رد فعلها و حتي الناتو باع اردوغان وش و قاله ملناش دعوه بيك 🙂 🙂

– روسيا دوله عظمي … و فاهمه كويس المخطط الغربي … و عارفه و متاكده ان اراضيها حتكون المحطه التانيه لكل الميليشات الارهابيه اللى على الارض  …. يعني روسيا مش بتحارب لصالح بشار عشان سواد عيونه ….. و لكن هي بتحارب حرب وجودها …. و رد فعلها تجاه اي تهديد لقواتها حيكون رد فعل دوله عظمي تحافظ على وجودها …. يعني اللى حيقرب حيتفرم و مفيش هزار … اللى حيقرب بدون التنسيق العسكري على الارض حيتم محوه من الوجود .

– و ده اللى خاللي السعوديه تصرح انها حتخش سوريا بريا و لكن في حاله دخول القوات الامريكيه البريه قبلها  🙂 🙂  …. و بالذات ان مصر اعلنت موقفها صراحة انها لم و لن ترسل قوات بريه الى اي دوله عربيه للاعتداء عليها و اعلنت مصر رسميا ان تحرك السعوديه المعلن عنه هو تحرك سيادي خاص بالسعوديه لوحدها و مصر تعتبره خارج اطار العمل العربي و حتي خارج اطار التحالف الاسلامي  🙂 🙂  …. و بدون تحرك الجيش المصري محدش حيقدر يتحرك عسكريا زي ما حصل ايام حرب تحرير الكويت  🙂 🙂

– مصر بقي بتمشي على حافة السكين …. فتخيل الخطر الايراني اللى بيتوغل في المجال الحيوي للامن القومي المصري … و السعوديه بيتم تهديد وجودها بعد بداية سباق التسلح الحديث الايراني و الميليشات الارهابيه بيتم امدادها بالسلاح و المعدات على حدودها الغربيه و بيتم تهديد مواردها المائيه في الجنوب بالتعاون مع النظام الاخواني السوداني …. و بيتم محاصرتها اقتصاديا بضرب السياحه و ضرب تحويلات المصريين بالخارج …. و بيتم اختلاق الاحداث الارهابيه لتقويض علاقاتها بالدول الكبري …. و لازم نحافظ على موارد ثرواتنا المتمثله في كنوز الغاز الطبيعي اللى الحروب دب كلها قايمه على الاستيلاء عليه …. و شباب خايب قاعد يجعر و يهد في بلده و ينخر فيها من الداخل .

– و وسط كل ده بيتم انشاء عشرات المشاريع العملاقه  بمئات المليارات في جميع المجالات و تم القضاء على مشكله الطاقه في اقل من سنه و تسليح الجيش باحدث الاسلحه و باسرع وقت ممكن.

– لكن كل ده مش مهم … المهم السجاده الحمرا تمنها كام و كان فيه كام موتوسيكل ماشي في الموكب   🙂 🙂  …. بصراحه لك الله يا مصر

– مصر حتنتصر رغم عن انف اي حمار مش مصدق … لكن سيطالنا خسائر … و حجم خسائرنا سيحدده مدي نجاح الطابور الخامس من اليسارجيه  نتاج الزرع الشيطاني اللى تم زرعهم وسط الوطن المصري من سنين طويله

.و للحديث بقيه …… تحياتنا

لمتابعة تعليقاتكم