10 Mar 2016
الــردع العربــــي
——————
في 11 مايو 2014 … أجرى السيد الرئيس السيسي حديث لقناة سكاي نيوز في برنامج بصراحه مع المذيعه زينه يازجي قبل الانتخابات الرئاسيه …. و في حديثه و في رده على سؤال عن مقومات العمل العربي و تكوين محور عربي لمواجهه اعداء العالم العربي … كان رده كالاتي :-
” المقومات موجوده … و قدرتنا المجمعه تستطيع ان تفعل للامن القومي العربي !!!! …. و انا مش عايز اتكلم بتفاصيل اكتر …. لكن تصوروا لو عايزين نعمل تدريب مشترك بينا و بين الاشقاء في السعوديه و الامارات و الكويت ….. تصوروا حجم القوه دي يبقي عامل ايه ؟؟؟؟ … انا قلت تدريب مشترك بس … مقلتش حاجه تانيه …. حجم القوه دي مجمعه مع بعض هااااائل جدا … يحمينا و يحفظنا و يدينا الحصانه اللى احنا عايزينها عشان نحمي بلادنا و نحمي شعوبنا ” ….😊😊
و بعديها صرح التصريح الشهير بتاع مسافه السكه … 😊😊 …. و ساعتها ناس كتير مفهمتش ايه المقصود و ركزت بس على تصريح مسافة السكه و نست تماما التصريح الاخطر بتاع القوه المجمعه .
بعدها ايران حبت تجس النبض و طلّعت كام تصريح استفزازي …. بعدها باسبوع لقت القوات المصريه موجوده بالخليج في الامارات و السعوديه و البحرين في مناورات ضخمه …. فجابت المرشدير العظيم و مسمعناش صوتها لمدة عام بالكامل لغاية لما ردت بدخولها اليمن.
و بعد موت الملك عبدالله و تولي الملك سلمان الحكم …. طلعت اشاعات كتيييييير ان العلاقات بايظه … و ان السعوديه تدعم الاخوان … و ان السعوديه تعمل ضد مصر … و كلام كتيييير …. لكن اللى بيفهم سياسه يعرف كويس جدا ان في اوقات كتير كان من المصلحه تغذية المفهوم ده … و انك متعرفش ايه اللى بيحصل بالظبط و من الاخر كده …. لو القناه الاولي الرسميه السعوديه طلعت قالت ان السعوديه بتعلن الحرب على مصر متصدقوش 😊😊 ….. مش عشان السعوديه حلوه و بنحبها …. لكن مينفعش اصلا …. اصل أمن السعوديه القومي و وجودها و وجود الخليج اصلا مرتبط بوجود مصر قويه و مستقره و قادره ….. و ده سبب الدعم الاقتصادي و السياسي الكبير و المستمر حتي اليوم بدون انقطاع.
فلما كنا بنسمع الناس بتقول ان العلاقات بايظه … الواحد كان بيضحك لان على الارض …. كل الاحداث بتنفي ده …. مفيش دولتين بينهم علاقات متوتره و جيشهم بيحارب مع بعض لمده سنه و بيقام خمس مناورات عسكريه بينهم و دعم مصري عسكري للسعوديه كبير جدا مينفعش نتكلم عنه هنا … و دعم من السعوديه لصفقات تسليح نوعي للجيش المصري و للاقتصاد المصري ده غير الدعم السياسي 😊😊
احنا في حاله حرب … و وجود الوطن العربي على المحك … و الحرب خدعه …. و الحرب اللى يقدر يتوقع عدوك ايه اللى حتعمله او ليه بتعمل كده … يبقي خسرت .
طب عايزين تعرفوا جزء من القوه المجمعه للدول المشاركه في المناوره و اللى كان بيتخطط ليها من 2014 كانت قد ايه النهارده ….. 😊😊
300 الف مقاتل …. 20 الف دبابه …. 2500 طائره مقاتله …. و 450 طائره مروحيه مقاتله ….. ده غير باقي الاسلحه ….. وكان العمود الفقري للقوات المشتركه دي هما القوات السعوديه و القوات المسلحه المصريه … و يقال ان مصر شاركت بقوه فرقتين كاملتين …. و اللى ميعرفش يعني ايه فرقتين ….. ففرقتين زي الموجودين دول ….. حرروا الكويت كلها في اقل من يومين فقط 😊😊
و مع اننا مش عايزين نتكلم على تفاصيل عسكريه لانها ممله لبعض اصدقاؤنا ….. لكن قيمة العمل المشترك دي ايه ؟؟؟ ….. حنديكم مثال صغير ….. تعرف ان الدوله الوحيده في المنطقه اللى بتمتلك طائرات سيطره جويه مع طائرات متعدده المهام هي اسرائيل .
و ان مصر مادام عندها مقاتلات متعدده المهام اللى هي F16 …. محظور عليها شراء طائرات سيطره جويه اللى هي F15 .
و ان العكس صحيح مع السعوديه … فهي تمتلك F15 و محظور عليها ال F16 .
تخيل بقي طوال خمس مناورات سابقه … و مناوره اليوم …. تشكيلات بنفس القوات ….. F15 معاها F16 وتايفون و رافال و ميراج بعدد 2500 طائره …. ايه الرعب و الرساله الاستراتيجيه اللى بتبعتها لاعدائك اليوم …. 😊😊
الذعر اللى عملته المناوره دي و رسايلها لا يعد و لا يحصي …. و فيه اخبار طالعه لم يتاكد من صحتها بعد ان فيه توجه اوروبي لمنع التسليح عن مصر و السعوديه …. مصر بحجه السائح الايطالي و السعوديه بسبب حقوق الانسان ….. لكن حتي لو ده صحيح … فنأكد لكم انها محاولات لن ترى النور …. لان القوه هي من تتحكم … و القوه هنا قوه عسكريه و سياسيه و اقتصاديه و توازنات دوليه …. خلاص سبق السيف العزل .
اما ايران … 😊😊 …. فسيبوها في حالها …. اخرها ردت بإذاعه تجربتين لصواريخ باليستيه …. بس الكلام ده بقي موضه قديمه خلاص 😊😊 ….. الرساله وصلت خلاص.
و تركيا بعد مقلب الحراميه و القفا الشحط محط اللى اخدته من السعوديه لما جرجرتها و كشفتها و رشقتها في الحيط مع روسيا لما قالت انها حتخش هي و تركيا سوريا و القرد خان شم نفسه و طلع قدام العالم في تصريحات عنتريه … و في الاخر سابته لوحده 😊😊 …. مهو البعيد غبي … هو فيه دوله برده و هي بتحارب تيجي تخش حرب بريه في نفس الوقت في دوله تانيه ملهاش اصلا حدود معاها و فيه اصلا عدو قاعد على حدودها الشرقيه بيهددها 😊😊 !!!!!! معلش اصل الغباء ليه ناسه :😊😊
اخر حاجه بس على السريع …. موضوع صوره المقال ……. بيقولك ….. تحالف القوات العربيه …. تحالف القوات الاسلاميه ….
شفت العصفوره !!!! …. حلوه العصفوره !!!! 😀😀😀 ….. اشتغل يا حبيبي اشتغل …. خلينا نتفرج و نتمتع ….
على فكره 😀 …. زي ما في 2011 و في القاهره تم انزال العلم السوري في جامعه الدول العربيه و استبداله بعلم الانتداب الفرنسي و الاعتراف بالجيش السوري الحر …… العلم السوري الاصلي اترفع اليوم مره اخري منذ خمس سنوات في جامعه الدول العربيه …… و الصحفيين فوجئوا انه تم وضع اسم بشار الاسد رئيسا للجمهوريه مره اخرى داخل الجامعه العربيه ….. و فين …. في القاهره 🙂 🙂 …… و ده بقي معناه ايه يا ولاد !!!!!!! ….. 😀😛😛😛
تحياتنا