20 May 2017
القمة الإسلامية الأمريكية (الجزء الاول)
—————————————
بدأت اليوم القمه الاسلاميه الاميركيه التاريخية في الرياض بحضور الرئيس الامريكي ترامب و ٥٥ رئيس دوله و رئيس حكومه. ….. و اسم القمه الاميركيه الاسلامية هو الاسم الرسمى للقمه …. طب و لييه تاريخيه …. فده إللى حنتكلم عنه في المقال ده و في الاجزاء القادمه ….. و اولا اعذرونا لان الموضوع طويل شويه …… و لان فيه اصدقاء كتير بتشتكي من طول المقالات …. فاحنا حنقسم المقال على اجزاء …… و عشان نكون واضحين ….. و عشان مش بنحب المزايدات ….. احنا هنا حنتكلم سياسه و ليس عن مذاهب و عقائد …….. لاننا ضد ايران الدوله و سياستها و ليس ضد الشيعه كمذهب ديني اللى بنكن للجميع كل الاحترام و التقدير .
عشان نفهم إييه الموضوع …. و زى ما اتعودنا مع بعض اننا بنفكك الصورة واحده واحده و بنأصل الأمور بعيد عن اي ايديولوجيات او شوشره ….. و بنعيد تركيب الصورة تاتى عشان نشوف الصورة الحقيقيه ….. و لما نفهم ….. حنعرف ليه مكان القمه في الرياض بالذات ….. و ليه هي ثلاث قمم مع بعض ….. امريكيه سعودية ….. ثم امريكيه خليجيه ….. ثم امريكيه اسلاميه. ….. و إييه الهدف منها ….. و الحشد ده كله موجه لمين بالظبط ….. و اشمعنى الدولة الوحيدة إللى حرصت امريكا انها تشارك في القمة هي مصر ….. و لييه الاتصال الوحيد إللى عمله ترامب قبل ما يروح هناك …. هو اتصاله بالرئيس السيسي عشان يطمن ان مصر حتشارك في القمة.
اولا تعالوا نبدأ من الاخر عشان نفهم ….. هو الحشد السياسي الكبير ده موجه لمين ؟؟؟؟؟ ….. المعلن انه موجه لإيران و ارهاب داعش …. طب السؤال هنا ….. بالنسبه لايران …….. هي ايران قوية للدرجه دى انها تحتاج مواجهة و حشد دولى برئاسة امريكا و كل الدول الاسلاميه لمواجهتها سياسيا و اقتصاديا و صفقات تسليح بمئات المليارات . !!!!!!
شوف يا سيدى ….. ايران عسكريا مش بالقوة العسكرية الرهيبة اللى للاسف ناس كتير بتتكلم عنها …. بالعكس خااااالص …. لان الموضوع مش بيتحسب بالحب و الكره ….. او حسب الايدولوجيات …. طب ازاى !!؟.
في الوقت اللى بنتكلم فيه ده ….. فالقوات الجوية الايرانية تعتبر غير موجودة ….. لان طائرات الصف الاول المقاتلة في ايران تعتمد على تشكيلات من بعض الطائرات الامريكيه القديمه من الفانتوم F4 و تشكيلات من F14 و بعض طائرات الميج ٢٣ و الميج ٢٩ القديمة ….. و كل الطائرات دى نسخ قديمه جدا و متهالكه ….. و لم يحدث لها اي تحديث من ايام الثمانينات الا بعض المحاولات المحليه لمجرد اطالة عمرها الافتراضي ….. و لا تمتلك هذه الطائرات اي نظم تسليح حديثة او نظم ادارة نيران متقدمة …. ده غير المعاناه المزمنه في توفير قطع الغيار ….. يعنى من الاخر كدة ….. القوة الضاربه الرئيسية للجيش الايرانى …. يتاكل في اول خمس دقائق من اي حرب عسكرية شاملة.
بالنسبه للقوات البحرية …. فلا تختلف عن القوات الجوية ….. فلا تمتلك ايران اي قطع بحرية حديثة ….. و معظم القطع البحرية الثقيلة عبارة عن مدمرات و فرقاطات من ايام الستينات و السبعينات ….. و لا تمتلك اي نظم تسليح او ادارة نيران حديثة …. و بالاصح ….. البحرية الايرانية لا يوجد بها قطع بحرية حالية قادرة على العمل في اعالي البحار ….. و حتي الغواصات التى تمتلكها ….. فهى اما غواصات قديمه جدا ….. او غواصات قزمية صغيرة ….. تعمل بتكنولوجيا عفي عليها الزمن ….. و سهل جدا على اي بحرية حديثة مثل البحرية الإماراتية مثلا ، التعامل مع البحرية الايرانية و تحييدها تماما ….. و ده سبب ان كل المناورات الايرانية و تكتيكاتها بتعتمد على العمليات الانتحارية بواسطة زوارق صغيرة سريعة ….. يعنى لا تستطيع الدخول في عمليات فعلية الا بالقرب من السواحل ….. يعني لا تستطيع حسم معركة بحرية او فرض سيطرتها البحرية على اى مكان اطلاقا.
بالنسبة للقوات البرية و المدرعات ….. فلا تختلف عما ذكرناه ….. فالمدرعات الايرانية هي من أجيال قديمة جدا ….. و تعتمد على الكم و ليس الكيف ….. و في اي حرب شاملة مفتوحة ….. سهل جدا التعامل معها ….. و لان ايران عارفه الكلام ده كويس ….. فهى بتعتمد اساسا على تكتيكات العمليات الانتحارية الاقرب لحروب المليشيات المسلحة اعتمادا على الكم و ليس الكيف لتعويض نقص السلاح و قطع الغيار في المعدات …
اما الدفاع الجوى …. فحدث و لا حرج ….. و حتى و ان حدث استلام منظومة دفاع جوى حديث ….. فسلاسل الجبال على طول خط المواجهه مع الخليج …. هى نقطة ضعف كبييييرة لسهولة تسلل اى عدد من الطائرات المهاجمة من خلالها بمنتهى السهولة بدون اي رصد من اي منظومه دفاع جوى مهما بلغت حداثتها.
اما سلاح الصواريخ ….. فحتى الان ماشوفناش أماره على امتلاك برنامج صاروخي متطور ….. لان المتاح من المعلومات ….. هو وجود مخزون صواريخ باليستيه و لكن ليست حديثة ….. و هو ما يسهل التعامل معها من قبل قوات دفاع جوى حديثه و محترفه و صاحيين …..
يعنى عسكريا ايران عبارة عن بالونة منفوخة على الفاضي ….. لكن ايران بتمتلك ادوات قوة تانية حقيقية و مؤثرة داخل الوطن العربي ….. و هو الاستقطاب الايدولوجي …… لانهم هم و الاخوان تخرجوا من نفس المدرسة الانجليزية اللى انشأتهم و بتخدم عليهم …..فنجحت انها تتغلغل داخل نسيج الوطن العربي و تستقطب ملايين الشيعه الذين يدينون لها بالولاء الكامل ….. فايدولوجيتهم لا تعترف بالحدود …. فتغلغلوا و استقطبوا اعداد كبيرة من شيعه البحرين و الكويت و المنطقه الشرقيه بالسعوديه و بالامارات و عمان و نجحوا باليمن و العراق.
و لان الاخوان و الشيعه الخواجه بتاعهم واحد …… و من نفس المدرسه …… زي مثلا هنا ولاية الفقيه و هنا السمع و الطاعة للمرشد ….. و هنا دفع الخمس من الدخل و هناك العشر ….. و هنا التقية و هناك التعريض بالكلام ….. و هنا زواج المتعه و هناك جهاد النكاح بالساعة …. و غيرها من المتطابقات العقائدية …… فساعة الجد ….. حتلاقوا الاخوان السنه تحالفوا معاهم تماما و بدا كل واحد في مكانه يحارب لصالح اوامر الفقيه ضد دولته …. و ده سواء مشاركته العسكريه المباشره …… او بتخريب المنشئات سواء فعليا او معلوماتيا او بتخريب العقول و اثاره الفتن.
طيب بالنسبه لداعش ……. هي داعش و ماعش و الهبل ده …… محتاج كل التحالفات اللى فاتت و التحالفات اللى جايه ….. و كل ترسانه الاسلحه دى …… اكيد لأ ….. و ابقوا اسألوهم في جبل الحلال و سيناء و ليبيا.
هنا بقي يجي سؤال مهم جدا ….. هو مش انجلترا و الغرب هم اللى عملوا الاخوان و نظام ايران ؟؟؟؟ ….. ايوه.
و مش العرب عارفين الكلام ده ؟؟؟؟؟ ….. ايوة.
و مش داعش دى بقالها خمس سنين بتدرب و تتسلح بسلاح غربي و تحت الحمايه الغربيه المباشرة و بتمويل للاسف عربي و كل الناس عارفه كدة ….. ايوة
و فين الاخت تريزا ماي و فين الفلوس اللى اخدتها لما جت الخليج من كام شهر …..
و اييه الموضوع بالظبط !!؟؟ ….. و اييه اللى حيحصل !!؟؟ ….. و اييه المطلوب من كل الحشد ده !!؟؟ ….. و ايه حيكون شكل المنطقة بعد القمم الثلاثة دى !!؟؟ .. و اييه المطلوب من مصر و بحضورها المؤتمر ده !!؟؟ …… و لييه مصر هي صاحبة اكبر مكسب دونا عن الجميع بالمنطقة !!؟؟ ….
فالمقال ده مجرد افتتاحية ….. و ده اللى حنتكلم فيه فى الاجزاء القادمة …..
من الاخر خليك تقيل و سيبك من ماسورة المزايدات اللى حتفتح من اول بكره ….. و اتفرج بهدوء و ماتسخنش …. و الاهم ….. دائما و ابدا لازم تنظر للامور بعيون مصرية و لمصلحتنا …. لاننا خلصنا من زمان …. و قاعدين نتفرج 😊😊