08 Jun 2017
هكذا تدافع المجتمعات عن نفسها
———————————–
من أقل من اسبوع …. اقرت الدوله المصريه قانون تنظيم عمل منظمات المجتمع المدنى زيها زي بقية دول العالم المحترمه …. و اللى قفل حنفيه التمويل المشبوه من المنظمات المشبوهه للعملاء و الافاقين و الجواسيس اللى كانوا بيرتعوا في جسد الدوله المصريه تحت حمايه القانون القديم اللى كان مخاللى الدوله سداح مداح.
و القانون القديم ده كان مخالي رعاع و افاقين يتحدوا الدوله المصريه و يطلعوا لسانهم و يقولوا …. ايوه …. احنا بنتمول من الحكومات الاجنبيه و من منظمات صهيونيه مشبوهه …. و اللى مش عاجبه يروح النيابه و يقدم فينا بلاغ و خليها تنفعه .
و لأن دكاكين حكوك الانسان دى كانت تعتبر اهم اذرع الشيطان لللتدخل في شئون الدول و المجتمعات …. و فقطع الذراع دى كانت ضربه في مقتل …. و يبين إلى اى مرحله وصلت الدوله المصريه في فرض ارادتها على محور الشر …. فكان الحرقااااان تاريخي ….. و لاول مره نرى دوله الشر الانجليزيه تفقد اعصابها و تظهر في النور و تصعد ضد الدوله المصريه …. فطلع وزير خارجيه الانجليز يصب جام غضبه على الدوله المصريه بسبب اقرار قانون جمعيات المجتمع المدنى …. و قعد يتباكى على حكوك الانسان و الكمع و الكهر اللى هيعيشه جواسيسه في مصر ….. و فين حق حريه الحركه للخائن و الممول …. و ايه حيكون مصير شبكات التجسس و التخريب التابعه ليهم.
و مع ان مصر قالتله اكبر حيطه عندكم روح اخبط دماغك فيها …. الا انه معداش اسبوع واحد …. و حصل نفس اللى بــ نهاتى بيه بقالنا سنين من الشرح و فضح اكاذيب الغرب ان مفيش حاجه اسمها حكوك انسان و لا الكلام الفاضي ده …. و ان الدول و المجتمعات جميعا بتدافع عن نفسها و عن حقوق المواطن الشريف الملتزم …. و اي حد تانى او اي حد يتغول على المواطن الشريف ده ملهوش حقوق من الاصل.
الاخت تريزا ماي رئيسه وزراؤه طلعت قالت نفس اللى قاله كاميرون نفسه من كام سنه …. انها في سبيل الحفاظ على امن بريطانيا …. لا مجال للكلام في موضوع حقوق الانسان …. حتى لو وصلت لتغيير القانون ذات نفسه.
و اليوم و مع بدايه الانتخابات البريطانيه …. تم قطع خدمه الفيسبوك عن كل بريطانيا.
و في السعوديه تم اقرار قانون ان اى حد يظهر مجرد التعاطف مع الاخوان او قطر في مجرد تويته او بوست …. يتم سجنه خمس سنوات و غرامه ثلاثه و نصف مليون ريال .
و في الامارات تم اقرار قانون ان اى حد يظهر مجرد التعاطف مع الاخوان او قطر في مجرد تويته او بوست …. يتم سجنه خمسه عشر عاما و غرامه خمسمائة الف درهم.
انتفاض الشعب السعودى و الاماراتى في حملات شعبيه في منتهى الحماس و الفاعليه لمقاطعه المنتجات التركيه و دعوات لمقاطعه السياحه هناك …. و قام كبار التجار و المستوردين بالمنافسه بينهم في الغاء كافه التعاقدات للبضائع التركيه …. ليصيبوا الاقتصاد التركى في مقتل لاعتماده الكبير على اسواق الخليج.
و اليوم رفض المنتخب السعودى لكره القدم الوقوف دقيقه حداد على ارواح ضحايا الارهاب في بريطانيا لمجرد ان انجلترا لم تقف بشكل مباشر مع الموقف الخليجي. .
هكذا تدافع المجتمعات عن نفسها كما ينبغى …. اما في مصر …. فتحققت مقولة رئيس جهاز الموساد السابق …. اللى صرح من اقل من عشر سنوات متباهيا …. ان المصريين اذا نجحوا في 73 من هدم خط بارليف …. الا اننا نجحنا في بناء خط بارليف جديد لهم داخل القاهره …..
فبعد آلاف الشهداء اللى بــ يرووا بدمهم الطاهر ارض مصر يوميا للحفاظ عليها …. و جيشنا بيحارب الارهاب حرب فعليه في الداخل و الخارج …. و تكالب معظم القوى العالميه علينا لخنقنا اقتصاديا ….. فنجد ان اعلامنا و نخبتنا العره …. المخترقين من الاخوان و اليساريين …. يحاربون الدوله المصريه جهارا نهارا …. و يقفون في صف العدوا يدعموه بكل قوه.
عامةً هااااانت خالص ….. و الدوله المصريه و في الوقت المناسب …. حتنضف الداخل من هؤلاء الحثاله قريبا جدا ….. و سيظهر لمعان معدن الشعب المصرى الحقيقي اللى كان بيغطيه غبار و ورذاذ هؤلاء الخونه
ربنا يرحم مصر من افاقين و خونه الداخل.