17 Jun 2017
قطر ومخطط التقسيم وعلاقته بكأس العالم 2022
—————————————————–
عودة إلى الأحداث وإلى تداعيات الموقف العربى والدولى فى مواجهة قطر ، واللى مرشح لمزيد من التصعيد ، وخصوصاً فى ظل سيل التسريبات اللى بــ يتم بثها عبر الإعلام .. و ده بيدفع الموضوع زى ماقولنا قبل كدة لطريق اللاعودة … لكن فيه نقطة مهمة جداً لها علاقة بالتسريبات المنشرة حالياً .. وهى ملف إستضافة قطر لكأس العالم 2022 …
طبعا كلنا عارفين إزاى تم فوز قطر بملف تنظيم كاس العالم 2022 .. والفساد اللى شاب عملية التصويت واللى تم فضحها من فترة .. واللى تم على إثرها نسف منظومة مافيا جوزيف بلاتر اللى كانت مسيطرة على الفيفا … وإذا كان شئ غريب فوز قطر بملف تنظيم كاس العالم .. فالأشد غرابة كان هو إن قطر تقدمت بالملف على اساس إستعدادها لإقامة المباريات على 12 ملعب ، ماكانوش موجودين اصلا فى قطر وقت تقديم الملف ، مع تعهد بإنشائهم والإنتهاء منهم قبل موعد كأس العالم فى 2022 ..
الــ 12 ملعب دوول مالهمش مكان اصلا فى قطر .. بمعنى إن مساحة قطر والبنية الأساسية فيها لاتسمح بإقامة 12 ملعب بكل مرافقهم والبنية التحتية الخاصة بهم من طرق وخلافه .. طب ياترى كان هــ يحصل إييه !!؟؟ .. وعلشان كدة تعالوا نربط بين الأحداث وبين التسريبات … 🙂
المكالمة المسربة بين القذافى وحمد بن جاسم أمير قطر ، واللى دارت فى سنة 2010 .. كان إجمالى الحديث فيها عن شيئين مهمين جداً .. وهو إسقاط الأنظمة العربية فى المنطقة .. وبالذات السعودية ومصر ، وإن الدول دى مش هــ تكون موجودة خلاص .. والشئ الثانى إن ده هــ يحصل فى خلال 12 سنة كحد اقصى .. (وحطوا بحد اقصى دى بين قوسين) … يعنى قبل مرور 12 سنة ، الدول دى مش هــ تبقى موجودة … وبما ان الحديث كان سنة 2010 .. ونحط عليهم 12 سنة .. يبقى بنتكلم عن 2022 🙂
طب برضوا مافهمناش .. إييه علاقة ده بتنظيم كاس العالم فى قطر .. وموضوع الــ 12 ملعب اللى مالهمش مكان !!؟؟ 🙂 … اقولك يا سيدى ..
المخطط طبعا ، واللى تم فضحه ، وبقت كل الناس عارفاه وبتتكلم فيه ، من اول بائعة الفجل ، لحد المثقفين .. هو تمزيق المنطقة وتفتيت الدول العربية ومد خط غاز نابكو من قطر مرورا بالعراق وسوريا وتركيا ، وصولاً لأوروبا … وكان هــ يتم طبعا تقسيم سوريا لأربعة وتقسم ليبيا لثلاثة (بدون علم القذافى اللى هــ يكون خلص ساعتها) .. وتقسيم مصر بمعاونة الإخوان لأربعة دول .. وتقسيم اليمن لستة دول .. والسعودية لأربعة أو خمسة دول.
المهم إنه مع إنهيار الإدارة المركزية لكل الدول دى مجتمعة وبالذات فى منطقة الخليج .. وتفتيت السعودية .. وإنتشار الإضطرابات والفوضى .. وقيام القواعد الأميريكية بحماية مصالحهم فقط بغض النظر عما يحدث فى الدول دى .. كان هــ يحصل تمدد لعقلة الصوباع اللى إسمها قطر بمساعدة (أميريكا – كلينتون) على حساب أراضى المملكة العربية السعودية فى الشرق والشمال الشرقى .. وخصوصاً إن الغالبية العظمى من سكان الجزء ده من السعودية ، من الشيعة اللى قطر مرمية فى احضانهم النهاردة … ومع تحول الموضوع لأمر واقع ، وإنهيار كل القوى فى المنطقة .. يكون حصل إتساع للأراضى القطرية .. وتقدر ساعتها تبنى الــ 12 ملعب اللى هى عايزاهم 🙂
طب إييه اللى حصل !!؟؟ … اللى حصل إن مصر 30 يونيو هدمت المخطط ده من اساسه .. ووقفت كرة الثلج اللى كانت هــ تكبر وتتسع لحد ماتبلع المنطقة بالكامل .. ويمكن هو ده اللى خلى قطر بعد محاولات مضنية فى إستعداء العالم كله على النظام المصرى بعد 30 يونيو فى محاولة لإفشال تحرك الجيش والشعب المصرى .. إنهم يقدموا طلب للفيفا فى سنة 2014 يطلبوا فيه تخفيض عدد الملاعب من 12 ملعب إلى 8 فقط .. لأن مساحة قطر لا تسمح بذلك =D =D … و ده لينك ما تم نشره فى حينها عن الموضوع ده .. واللى لم يلتفت إليه احد فى ظل حالة الفوران وإنعدام التوازن اللى كانت حاصلة فى المنطقة وقتها …
و ده لييييه !!؟؟ .. لأن المخطط خلاص بح .. واللى كان مترتب له باظ .. وماعدش فيه لا 12 سنة ولا يحزنون .. وعلشان كدة كان لازم يتم إعادة توفيق الأوضاع إحتياطياً .. مع إستمرار المحاولات لأسقاط مصر ، وكل الأثار المترتبة على 30 يونيو ..
ياترى لسة فيه ناس مش قادرة تستوعب اللى بيحصل !؟
ياترى فهما لييه الدول الخليجية النهاردة مقلوبة على النظام القطرى !؟
ياترى لسة فيه ناس مش قادرة تفهم سر العداء الشديد لمصر والجيش المصرى تحديداً من جانب قطر ومن خلفها جماعة الإخوان!؟
ياترى عرفنا لييه عداء الإخوان لعبد الفتاح السيسى يفوق بمراحل عدائهم لجمال عبد الناصر !؟
ياترى فهمنا إييه سر الحملات المتتالية على الجيش المصرى ، ومحاولة تشويهه من جانب المنظومة الإعلامية القطرية بالذات !؟
الجيش المصرى اللى معروف بإسم “الصخرة” فى معظم المؤسسات العسكرية الغربية .. لأنه فعلا الصخرة اللى بتتحطم عليها أطماع الغزاة .. وأحلام كل من يريد بمصر سوء.
وللأسف الشديد .. هناك من ينادى الأن بتخوين الجيش المصرى .. فــ أى سفه ذلك الذى وصلت إليه بعض العقول سواء عن عمد أو حتى عن جهل ,, ممن ينتمون لمصر .. ويحملون خطأً الجنسية المصرية !
ملحوظة:
ده مقال بتاريخ أغسطس 2014 إتكلمنا فيه عن الموضوع ده للى عايز يرجع للموضوع من أوله ..
يعنى تقديم قطر لملف إستضافة كأس العالم كان مبنى على نتائج نجاح مخطط التقسيم وتفتيت المنطقة وإسقاطها