قطر … والعد التنازلى

02 Jul 2017

قطر … والعد التنازلى

————————-

على طريقة الراحل عبد الحليم حافظ …. الرفاق حائرون .. يفكرون .. يتسائلون .. فى جنون .. موضوع قطر .. كيف سيكون !؟ … 🙂 … جت لنا رسائل كتير بتستفسر عن موضوع المقاطعة العربية لدولة قطر ..

الكل فعلا بيسأل .. والكل عايز يعرف .. الموضوع ده هــ ينتهى إزاى !!؟ .. و هيخلص على اييه .. !؟ .. وطبعا مواقع السوشيال ميديا مليانة كلام .. والاعلام مليان تحاليل … والحقيقة اننا مش شاغلين نفسنا بموضوع قطر ده خالص … ولو عايزين تعرفوا لييه !؟ .. يبقى اسمحولنا نرجع بيكم للخلف شوية … بس مش كتير .. احنا بس هنرجع ليوم ٥ يونيو ٢٠١٧ .. اليوم إللى صدر فيه البيان الرباعى ضد قطر !!

معظم المتابعين فاتهم شئ مهم جدا .. وهو ان العالم كله على مستوى الأجهزة الأمنية ، وعلى مستوى صناع القرار السياسى عارفين كويس جدا مين هى قطر !؟ .. وعارفين كمان حجم التمويل إللى قطر بتدعم بيه التنظيمات الإرهابية إللى بتخدّم على تيار التأسلم السياسى .. بغض النظر عن مين إللى خلف قطر وبيرسملها الطريق … وبغض النظر ايضا عن تشعب علاقات النظام القطرى مع أطراف كثيرة .. و الدول صاحبة البيان الرباعى كانوا عارفين كويس جدا ان اللحظة إللى البيان هيصدر فيها .. هــ تكون نقطة غير رجعية .. بمعنى انه بمجرد صدور البيان ومايستتبعه من إجراءات ، فلن يكون هناك إمكانية للرجوع إلى الوراء …

و زى ما شرحنا قبل كدة .. وقولنا ان الإجراءات إللى زى دى بتكون مدروسة كويس جدا .. وعلى مدى شهور طويلة .. وبــ يتم حساب الفعل ورد الفعل .. لأ … ده مش رد فعل واحد فقط ….. لكن ردود الأفعال كلها .. بناء على دراسات نفسية وعسكرية وسياسية واستخباراتية .. واللى بــ توفر معرفة الفعل ورد الفعل وكيفية التعامل مع المتغيرات واللى تصل احيانا إلى المستوى العاشر من هذه المتغيرات !!

طيب .. ويبقى نفس السؤال .. لييه اعلان البيان الرباعى وما استتبعه من إجراءات هى نقطة غير رجعية !!؟؟ … ببساطة خالص لأنك قررت تواجه أو تكسر الأداة الرئيسية لدعم الإرهاب الدولى .. يعنى حطيت رجلك على رقبة الأفعى … وهى عمالة تفلفص منك .. وتضرب بذيلها .. وتلف جسمها على القدم إللى بتضغط بقوة على العنق .. و  بــ تبخ سمها  من بعيد .. و بــ تصرخ وتهدد .. وتستخدم كل أسلحتها للهروب … لكن فى اللحظة إللى انت تقرر فيها تشيل رجلك من على رقبة الأفعى … او حتى تخفف الضغط شوية .. هتكون اللدغة قاتلة 🙂 … وعلشان كدة قولنا فى مقالنا السابق عن الموضوع ده ، ان الإجراءات إللى أخدتها دول المواجهة .. وردود الأفعال من الجانب القطرى، واللى كان معمول حسابها كويس جداً .. اخدت الملف كله لمرحلة اللاعودة ..

و لان السياسة معقدة جداً .. و زي لعبة البلياردو ….. فــ انت بتضرب كورة قدامك و الناس تركز عليها … في حين ان هدفك كورة تانية بعيدة خالص ، وهي المقصودة في الأخر ….. فـ دول المواجهة كانوا عارفين كويس جدا انهم مش هيواجهوا قطر فقط .. ولكن هيواجهوا كمان بقية صبيان المعلم الكبير اللى بيشغلهم لانهم فاهمين كويس ان الموجة ممكن تاخدهم في طريقها زى تركيا وإيران … يعنى إللى حصل من لجوء قطر لإيران وتركيا كان شئ متوقع ، ومعمول حسابه … لكن المعركة الحقيقية اللى الناس مش شايفاها ، هى معركة تكسير عظام ، .. و فرض مصالح .. و فرض ارادة على المعلم الكبير و الشيطان الاعظم و هى انجلترا ….. اللى لو تلاحظوا مش باين لها حس خااالص … لانها مشغولة في الحرب الدائرة في الكواليس ، و بتحاول تنقذ ما يمكن انقاذه في استثماراتها و شقي عمرها في زرع التنظيمات الارهابية في المنطقه من عشرات السنين …. و عشان كده تلاحظوا ان الــ BBC قالبه كدة على الجزيرة مباشر مصر بقالها حوالى شهر ومش ناقص غير إنها تحط لوجو الجزيرة 🙂 …… وطبعا بخلاف ان دول المواجهة محضرة نفسها للدخول فى مواجهة مع الإرهاب الدولى بالكامل .. واللى الرئيس السيسى قال فى خطابه لما خرجت الطائرات المصرية تدق معسكرات الإرهاب فى ليبيا ، .. إن مصر بــ تواجه الإرهاب الدولى نيابة عن العالم … يعنى من الاخر كدة … اعلان مواجهة قطر ماكانش مجرد نزوة أو قرار اعتباطى .. لكنه قرار مدروس كويس جدا ومعروف ابعاده وتبعاته .. والإجراءات لازم تاخد وقتها .. لأن الأفعى ما ينفعش تموت بالسكتة .. لكن بتموت بإستنزاف الطاقة والسم علشان ردود أفعالها ما تأذيش حد ….

ثم كان بيان المطالب العربية إللى دول المواجهة كانوا على يقين من رفض قطر لها .. لأن قبولها بالشروط معاناه إقرار بدعم الإرهاب.. وكمان الالتزام بالتعويضات إللى قد تصل لمليارات .. والأهم من ده هو تدمير اعلام الشر المعروف باسم قناة الجزيرة واللى قطر عارفة كويس انها من غير الجزيرة لا تساوى شئ … ومن هنا كان التردد .. وكانت المهلة …. وإمبارح أعلنت قطر رسمياً رفضها للمطالب كلها .. 🙂 .. المطالب اللى إتعملت بمنتهى الحرفية بعد دراسة عميقة .. علشان فى الأخر يكون مصيرها الرفض .. أيوة .. المطالب إتعملت علشان تترفض 😉   

وبصراحة … وبغض النظر عن ان فيه ناس كتيرة رافضة موضوع المهلة ده .. مش اعتراضاً على القرار السياسى .. ولكن خوفاً من ردود أفعال قد تكون غير محسوبة .. ويكون ده على حساب الابرياء … لكن ده يرجعنا كلنا لذكرى كانت جميلة وعصيبة فى نفس الوقت .. لما قامت ثورة ٣٠ يونيو .. والدنيا كلها اتقلبت .. و الملايين نزلت الشوارع .. وفى عز الأزمة ، يخرج بيان القوات المسلحة بإمهال الاطراف كلها ٤٨ ساعة لحل الازمة ..  وصرخ ساعتها كل المصريين “هو احنا لسة هنستنى كمان ٤٨ ساعة !؟ .. دى البلد ممكن تخرب فيهم” .. ومرت الــ ٤٨ ساعة .. وكان ماكان … لأن اللى  بيعطى المهلة دايما بيكون هو الطرف المسيطر .. والواثق فى خطواته …

البيان الرباعى كان يوم ٥ يونيو .. والتاريخ ده أكيد مقصود … ونهاية المهلة الممنوحة لقطر هى يوم ٧/٣ .. واكيد برضوا التاريخ ده مقصود … وخصوصا بعد الرفض القطرى إمبارح 🙂

موقف الرئيس الاميريكى كان واضح .. وقال فى خطاب علنى ان إللى بيحصل مع قطر ده هو بداية الطريق للقضاء على الارهاب … والسفيرة الامريكية بالامم المتحدة قالت من يومين انه فيما يتعلق بقطر فإن أولوية الرئيس ترامب هى وقف تمويلها للارهاب !!

عمر غباش السفير الإماراتي في موسكو :قال ان الإمارات وحلفاءها يدركون تماما أن عقوباتهم قد تدفع بالدوحة إلى حضن إيران نهائيا، لكنهم مستعدون لقبول هذا الوضع وتحمل عواقبه. و أن الدول التي قاطعت قطر تدرس فرض عقوبات اقتصادية جديدة، وقد تطلب من شركائها التجاريين الاختيار بين العمل معها أو مع الدوحة. و يتمثل أحد الاحتمالات في فرض شروط على شركائنا التجاريين وإبلاغهم بأنهم إذا أرادوا العمل معنا فعليهم أن يحددوا خياراً تجارياً. و إن طرد قطر من مجلس التعاون الخليجي ليس العقوبة الوحيدة المتاحة. فمواقفهم  اليوم لا تتناسب مع العضوية في مجلس التعاون، لأن المجلس عبارة عن منظمة للأمن والدفاع المشترك. وشدد قائلا إذا كانت قطر غير مستعدة لتنفيذ مطالبنا، فسيكون ذلك حالة “وداعا قطر – لا نريدك في خيمتنا بعد الآن”.

سامح شكرى قال في تصريحات خاصة لوكالة أنباء الشرق الأوسط .. ان علي قطر ان تختار بكل وضوح و دون أى مواربة بين حماية الأمن القومي العربي او  الاستمرار في محاولة تقويضه لصالح قوي خارجية او جماعات مارقة …. وقال كمان ان الشعب المصرى الذى يحتفل هذه الايام بذكرى ثورته المجيدة لن يقبل بأى مساومات  .. والدماء والتضحيات التى قدمها لا يمكن أن تذهب سدى ودون حساب ومن تآمر علي مصر ودعم وممول الارهاب سيكون أول من يكتوى بنار تآمره …. وان مصر مستمرة بكل حزم في مواجهة الارهاب بكافة أشكاله وصوره حتي يتم اجتثاثه من جذوره وتجفيف منابع دعمه وتمويل

مصر صعّدت حملتها على قطر ، وقدمت أدلة فى مجلس الأمن ، وفى حضور المندوب القطرى ، تثبت تورط قطر فى دعم الإرهاب … وناهينا طبعا عن الغباء المنقطع النظير لوزير الخارجية القطرى اللى إعترف إمبارح علناً فى المؤتمر الصحفى اللى عمله فى روما ، وقال إن قطر هى أقل الدول تمويلا للإرهاب مقارنة بدول أخرى فى المنطقة .. قال يعنى هو فاكر إنه كدة بــ يدين دول المقاطعة .. وهو مش فاهم إنه بيدين نفسه ودولته 🙂 …. ده لازم يتحاكم بتهمة الغباء السياسى (بصوت الراحل أحمد زكى) =D =D =D  

كثير من دول العالم بدأت تمتنع عن صرف الريال القطرى .. و ده فى حد ذاته كارثة إقتصادية لدولة زى قطر .. و مجلة فورين بوليسي بتقول إن مطالب دول الحصار لم تترك مجالا لقطر لحفظ ماء الوجه …

وحاليا بــ يتم التحضير لعرض فيلم تسجيلى ضخم على غرار أفلام الجزيرة .. ولكن المرة دى الفيلم يفضح ما كانت تقوم به إمارة الإرهاب وقناتها الحقيرة من دعم الإرهاب الدولى وشيوخ الدم ، وكل أطياف التأسلم السياسى لضرب إستقرار الدول ، وإنتهاك أرواح الشعوب الأبرياء … و ده على المستوى الشعبي ….. أما على المستوى الدولي و الاممي و القانوني في اثبات تمويل الارهاب  …. فالمفاجآت القادمه حتكون مميته و صادمة للجميع

الوقت يمضى سريعا .. ولا مجال للعودة إلى الوراء .. والأحداث تزداد سخونة …. و خلاص إحنا خلصنا مرحلة انقاذ الاميرة … و داخلين على المراحل النهائية في مواجهة الوحش …. 🙂 🙂

لمتابعة تعليقاتكم