30 Dec 2017
هل جاء الربيع !؟
—————-
الجدول ده بــ يوضح أماكن التجمع والتوقيات للمظاهرات فى المدن الايرانية اليوم السبت … نفس الطريقة .. و نفس الأسلوب .. و نفس جدول المظاهرات اللى بينتشر على النت .. و بــ يتم توزيعه على المتظاهرين …. بل وحتى نفس الأجواء الشتوية .. ديسمبر فى تونس .. و بعدها السبحة تكر .. بــ يناير فى مصر وفبراير فى ليبيا …. ألخ ألخ
والسؤال الذى يطرح نفسه الأن:
هل حان موعد الربيع الإيرانى !؟
هل بدأ الربيع العربى فى فى ديسمبر 2010 .. وتم إجهاضه فى مصر ليبدأ الربيع الإيرانى فى ديسمبر 2017 !!؟
طبعا الموضوع فيه تعتيم إعلامى كبير جداً .. وماحدش عارف بالضبط إييه اللى بيحصل !! .. وفيه اخبار متضاربة عن نقل خامنئى لقاعدة عسكرية جنوب إيران .. وكلام عن إيقاف شبكة القطارات من وإلى طهران .. وبدأ إشعال الحرائق … ماحدش بالفعل عارف إييه اللى بيحصل .. لكن خليكم فاكرين إن التعامل مع النظام الإيرانى وإسقاط إيران هو احد الوعود الإنتخابية للرئيس الأميريكى دونالد ترامب ..
خلينا نتفرج ونراقب ونشوف .. وأكيد لنا لقاء اخر مع إيران
ملحوظة مهمة !!؟
هى قناة الجزيرة فين !!؟؟ … إييه … المواصلات برضوا صعبة !!؟؟ 🙂 🙂 🙂