17 Apr 2018
مش أحسن ما نبقي سوريا و لا العراق !!!!
=======================
حقيقة قلناها كتيييييير طوال السنوات السابقة … و كانوا بيحاولوا بإستماتة قتل الحقيقة بتسفيه الفكرة …. و اتهام قائلها بعقدة المؤامرة …. مع ان المؤامرة الحقيقية هي انكار المؤامرة نفسها.
قلنا و شرحنا و أصَلنا على مدار السنوات الماضيه في عشرات المقالات المفصلة ما هي المؤامرة … و ما هي أدواتها و من يديرها … و من هم جنودهم على الارض …. و الاصدقاء القدام اللى معانا من زمان …. يعرفوا كررنا كتير قد اييه ان الخطر الحقيقي علينا و على شعوب المنطقة ليس الكلاب السعرانه المسلحة اللى بتنهش في جسمنا و جسم دول المنطقة و بتقتل و بتدمر …. و لكن الخطر الحقيقي هو نتاج جملة الجنرال الاسرائيلي “عاموس يدلين” الرئيس السابق لجهاز الاستخبارات العسكرية الإسرائيلية أمان بعد انتهاء خدمته بالجهاز و أثناء حفل توديعه في 2010 … و هو يستعرض انجازات الجهاز التي شارك في تنفيذها اثناء خدمته.
“إذا كان المصريون قد حطموا لنا خط بارليف في 1973 … فإننا قد نجحنا في بناء خط بارليف آخر لهم أشد صلابة و ضراوة داخل القاهرة نفسها ….. لقد نجحنا في اختراقهم في قطاعات عديدة …. و بعد رحيل مبارك ….. سيدورون في حلقات مفرغة… و لن يتمكن المصريون من عبوره او حتي فك طلاسمه … و حتي و ان تدخل الجيش المصري بكل قوته ….. سيتنهي بهم الحال في الفوضي المدمرة”
فللأسف قد نجحت انجلترا و إسرائيل في بناء خط بارليف ليس داخل القاهرة فحسب … و لكن داخل العواصم العربية جميعها….. و كلنا شوفنا ازاي تم استبدال النخب الوطنية في جميع المجالات بمجموعة من الآفاقين و الفاشلين و المرضي النفسيين و الشواذ جنسيا و فكريا …. و كلنا شوفنا ازاي تم تلميعهم و تمكينهم من مقدرات المجتمعات و تحت الدعم المادي و المعنوي و السياسي الكاااامل من الدول الغربية و المنظمات الدولية المسيطر عليها من قبل أهل الصهيونية العالمية.
و كلنا شوفنا ازاي بعد ما بتقوم النخب الشاذه دي بدورها في تدمير و تفكيك الدول معنويا بيتم سحبها في الخارج لحمايتها …. ثم يتم تسليم البلد للفريق التاني اللى هو الكلاب السعرانة من الميليشيات المسلحة لتدمير الدول فعليا على الارض لتقسيمها و نهب ثرواتها البشرية و المعدنية و التاريخية و الثقافية.
نفس السيناريو بالتفصيل و نفس الاسلوب و الادوات بالظبط …. و لكن للاسف لسه فيه ناس عندها صدمة الانكار اللى لسه بتعاند و مش مصدقه انها اتنصب عليها … و مستكبرة تعترف انهم انضحك عليهم.
طب إيه علاقة المقدمة دي بالفيديو اللى في البوست ؟؟؟؟
الفيديو ببساطة منقول من قناة “OAN” الاخبارية الأمريكية …. مراسلها ” بيرسون شارب” ذهب بنفسه الى الغوطه الشرقية لعمل تقرير صحفي مصور بالكاميرا عن الهجمات الكيماوية المزعومة اللى كانت سبب العدوان الثلاثي على سوريا…. و سجل من نفس المربع السكنى اللى اتقال انه اتضرب كيماوى و من نفس المستشفي و مع نفس الدكاتره اللى طلعوا في الفيديو اللى استندت اليه كل الدول التى اتهمت سوريا باستعمال السلاح الكيماوى ضد شعبه.
و باختصار و بدون تفاصيل … ده ملخص حديثه :-
- مفيش اي آثار لاي هجوم كيماوى في هذا الحي … و الناس رايحه و جاية بين الحطام و الاطفال بتلعب في نفس الشارع بدون اي مشاكل صحية.
- الكل أجمع انها كانت معركه شرسه بين ميلشيات الارهاب و الجيش العربي السورى و كان فيها ضحايا كتير من الطرفين و من الاهالي المدنيين.
- محدش شاف او يعرف اي حاجه عن الهجوم الكيماوي و لا حتي يعرفوا شكل الهجوم ده ايه.
- معظم الناس اللى اتكلم معاها بتقول انهم يمتنون للجيش السوري انه خلصهم من اسود فتره عاشوها بحياتهم تحت حكم ميليشيات إرهابية قتلت و عذبت منهم الالاف.
- المستشفي كل اللى فيها اكدوا نفس الرواية الرسمية للدولة السورية و لبيان الجيش الروسي … و هى …. ان كان فيه مصابين من المعارك الدائره باختناقات عاديه من الحرائق و البيوت المحترقة و المتهدمة …. فدخل عددا من المجهولين إقتحموا الاستقبال … و زعقوا في الناس … هجوم كيماوي عليكم …. و قاموا بصب الماء على المصابين و بالذات الاطفال …. و كان فيه واحد بيصور … و بعد أخذ اللقطات اختفوا تماما
- الدكاترة الموجودين بالمستشفي اكدوا انه لم ترد حالة واحدة الى المستشفي طوال المعارك مصابة باي اعراض خاصه بهجوم كيماوي
- و اكثر معلومة مضحكة … ان المستشفي اكد ان عدد الوفيات المسجله هذا اليوم كان ” صفر ” …. يعنى محدش توفي اصلا في اليوم المزعوم و اللى كان اخر يوم قتال بعد اسابيع من القتال المستمر و تحرير الجيش السوري معظم قرى الغوطة الشرقية و خروج معظم المسلحين.
طب ايه علاقة الموضوع ده بعنوان المقال !!!!! …. شوف يا سيدي .
لو شفت ازاي وسائل إعلامية شرقية و غربية محايدة بتأكد ان ماكنش فيه هجوم كيماوي من اصله …. و ازاي وسائل الاعلام الغربية و توابعها في داخل بلادنا بتموت نفسها انها تأكد كذبة الهجوم … لدرجة ان آلهة الكذب عن الامريكان الـ CNN نزلت تحقيق مصور كوميدي و وضيع … المراسلة بتكلم الناس في الغوطه و بتحاول تستنطقهم باي وسيلة ان كان فيه هجوم كيماوي … و وصل بيها الهذيان انها تشم هدوم الناس قدام الكاميرا … و كأن مناخيرها معمل تحليل كيماوي …. و تبص للكاميرا و تقول … اه …. فيه ريحه قويه … شكله الكيماوي 🤪 …. و كأنها بتقول ” ايه ده … قفشتك …. ريحتك سجاير يا شقي … حمنع عنك المصروف 🙂 ) … كأن الكيماوي القاتل لا يحرق جلد من يلبس الهدوم و كمان اول لما يخش مناخيرها و يلاقيها مناخير وولف أمريكية مش حيقتلها … لانه بيقتل العرب بس 😊
و لما تشوف ازاي اصحاب الجنسية الاخوانية الصهيونية … بيستميتوا في اثبات كذبتهم …. و ازاي كانوا يا إما بيأيدوا او عاملين ودن من طين و ودن من عجين طوال خمس سنوات على عمليات التهجير و الابادة العرقية للعرب من مدنهم … و عن الاغتصاب الجماعي الممنهج لمئات الالاف من النساء …. و اغتصاب و قتل و المتاجرة باعضاء عشرات الالاف من الاطفال او بيعهم للاستعباد الجنسي في اوروبا …. وقتل مئات الالاف من الرجال بابشع الطرق اما بقطع رؤسهم او حرقهم او دفنهم أحياء …. كل اللى فات ده عادي و حلال …. لكن اول لما الجيوش الوطنيه تبدأ تستعيد و لو جزء من اراضيها … تلاقي جيوش النخبة الشواذ ينتفضوا … حلب تحترق … بشار بيقتل شعبه … شبيحه بشار …. بشار شيعي و ايراني.
طب فاكرين الطفل حمزة الخطيب اللى اخدته ميليشيات الارهاب في درعا و عذبته و مثلت بجثته … و اتصورت جثته و اتهموا الجيش السوري انه ساب المسلحين و ساب مهامه … و تفرغ لتعذيب طفل لا يتعدي عمره 10 سنوات.
طب فاكرين ضربات الغاز المتكرره اللى دايما كانت بتضرب على المدنيين العزل بعد انتصار الجيش السوري و دخوله المدن … و سبحان الله … الغاز لا يصيب غير الاطفال فقط … و عمره ما بيجي جنب ارهابي و لا مسلح.
طب ازاي الغرب بيستميت انه يحافظ على اولاده الارهابيين و لما بحس انهم حيتفرموا على الارض يقوم يا اما يبعتلهم دعم جوى يقوم بقصف القوات السوريه … او لما الامر يكون ميؤوس منه يقوم يتفاوض و يضغط انهم يطلعوا من المدن و القري بأتوبيسات سياحية مكيفة …. عشان يبدأ يستخدمهم في مكان تاني …. طب لاحظتم ان الجيش السورى في الوقت اللى بيكون محاصر المدن المستولي عليها الارهابيين و مش عارف يدخلها عمره ما استخدم الكيماوى …. و لما ينتصر و يطلع الارهابيين … يقوموا الغاز مضروب !!!!!!
طب شوفتوا نائب وزير الخارجيه الالماني اللى طلع علنا و في كل التليفزيونات يقول ان تركيا هي اللى امدت الكلاب السعرانه بالاسلحه الكيماويه و ان الكل عارف ان التنظيمات دي هي اللى بتضرب المدنيين بالغاز .
طب مش ده نفس السيناريو بالظبط و نفس الادوات و نفس نخب الشواذ اللى دعمت … هو اللى حصل في العراق … و الحجه برده … صدام قاتل صدام خائن … صدام بيقتل شعبه و بيضربه بالكيماوي …. صدام عنده أسلحة نووية و كيماوية ….
مش نفس اللى حصل في ليبيا … قذافي خائن قذافي قاتل بيقتل شعبه و عنده أسلحة و ميليشيات بيديهم فياجرا لاغتصاب نساء شعبه .
مش نفس اللى حصل مع ليبيا … ليبيا اسقطت طائرة لوكيربى و لازم نضربها … و بعدها … لأ دي طلعت سوريا و لازم نحاصرها …. و بعدها … لأ … دي طلعت ليبيا و لازم تدفع لنا 10 مليار دولار تعويضات عشان نسيبهل في حالها
طب مش ده نفس اللى حصل معانا بالظبط و كنا ماشيين في نفس السيناريو بالظبط …. طب فاكرين سيسي قاتل سيسي خائن …. طب فاكرين استماتة الاخوان في ترسيخ فكرة مذبحة رابعة و آلاف القتلي اللى لا شوفنا جثثهم و لا طلعوا لينا اسماؤهم !!!!
طب فاكرين عشرات الفيديوهات التمثيلية اللى انتشرت في 2011 اللى كانوا بيحاولوا يأكدوا فيها كذبة ان الجيش بيضرب المتظاهرين بغاز الاعصاب و الأسلحة الكيماوية في الشوارع … و ازاي تبارى عشرات الاعلاميين و الشخصيات العامة و دكاترة الجامعات زي يسرى فوده و محمود سعد و منال عمر و غيرهم كتير اللى طلعوا بكثافة يدوا شهادات مكذوبة … انهم كانوا هناك و فيه آلاف الجثث و عشرت الالاف من المصابين … و ازاي طلعوا علينا يأكدوا نوع الغازات و نوع الكيماوى و ازاي حللوا العينات و بعتوا بتقاريرهم دي لكل وسائل الاعلام العالمية و المؤسسات الدولية و استدعاؤهم للقوى الدولية لضرب الجيش المصري اللى بيقتل شعبه بالكيماوي …. و كأن غاز السارين و الخردل و غيرها من الانواع اللى المفروض تقضي و تبيد كل مظاهر الحياة في احياء بكاملها و لفترة طويلة … الا انه على روايتهم … كان الغاز بينضرب في الشوارع … فالغاز و الكيماوي بيرفض يطلع على البيوت لانهم مش مشاركين في المظاهرات … و لما يخش على مجموعة واقفة … لو كانوا رجال امن يقولهم اسفين يا باشا … انا بدور على الثوار … و اول لما يلاقي صاورى تاهر نكي … يشوف بطاقته و كارنيه العضوية في الثورة و انه دافع الاشتراك … يقوم هاجم عليه على طول و يعضه من مناخيره 😂
طب فاكرين شيماء الملوحي السورية الجنسيه و تمثيليتها المبتذلة في نمرتها اللى كررتها في بلدها و جت مصر كررتها في موقعة العباية ام كباسين في التحرير.
طب فاكرين ازاي اخوان بني صهيون كانوا بيهللوا لما تجيلهم اخبار ان الاسطول السادس على مشارف الحدود المصرية و ان السيناريوا بتاعهم على وشك النجاح ببدء ضرب مصر عسكريا !!!!
طب يا ترى فكرتم اييه اللى الدولة المصرية عملته عشان تقدر توقف هذه المؤامره و تكون هي الدولة الوحيدة التي حمت نفسها و اجبرت الخواجه اللى كان بيدير المعركة من بره انه يحول المسار و تقدر تواجهه و تحمي شعبها.
بكره يجي يوم و الناس تعرف الحقيقه و تفاصيل الحرب العالمية الدائرة الان …. و كيف ادارت الدولة المصرية الامور بمنتهي الحرفية و المهارة و الصمود … و انها غيرت علوم السياسه و الاستراتيجيات السياسية و العسكرية و العلوم المخابراتية …. و الان تعمل بهدوء شديد و بصبر استراتيجي غير معهود في تطهير الداخل و المجتمع المصري من شواذ النخبة المصرية المزعومة و تقطيع نهايات الخواجه الطرفية داخل المجتمع …. بكره الشعب يعرف ازاي دولته هي الدولة الوحيدة في التريخ اللى وقفت و تواجه بكل شجاعه اخطر تنظيم اراهبي في التاريخ … تنظيم الصهيونية الدينية العالمية.
تحياتنا