20 Jan 2015
باب المندب – كلمة و رد غطاها
—————————–
فيه ناس بيقولوا ان بيتم محاصره مصر بغلق باب المندب لافشال قناة السويس و محاصرة مصر … احب بس افهمهم حاجه مهمه.
زي ما اتقال قبل كده ان الجيش المصري نار … لا يتلعب بيه و لا يتلعب معاه ….
خطوط الملاحه الدوليه نار …. لا يتلعب بيها و لا يتلعب معاها …. ففي السياسه الدوليه اعمل اللى انت عايزه الا انك تقرب من خطوط الملاحه الدوليه …. لانك انت كده بتعادي مصالح دول عظمي ….
فـ قناة السويس هي المعبر الرئيسي للتجاره سواء كانت منتجات صناعيه او غذائيه اومواد خام اوطاقه من و الى قارة اوروبا و امريكا الشماليه و شمال افريقيا و شرق اسيا بالكامل و منها العملاق الصيني ….
فالعالم كله معني بسلامة النقل البحري من و الى و عبر قناة السويس التي تدخل في معادله كبييييره متشابكه بمصالح اقتصاد عالمي و مصالح دول عظمي …. و التحرك تجاه ما يمسها ليس قرار دوله واحده و حتي و ان كانت دوله عظمي.
فما يحدث في اليمن …. لا علاقة مباشره بينه و بين مشروع قناة السويس و لكن ابعد بكثير من ذلك …. فـ هو إعادة ترتيب اوراق لبسط مزيدا من النفوذ في المعادله الايرانيه بالمنطقه ….
فـ أمريكا لجأت لإستخدم اخر اوراقها و هي ايران لضرب الخليج و حصار السعوديه ردا عليها بعد عدم خضوع المملكه السعوديه في معركة اسعار البترول اللى شرحناها بالتفصيل في مقال سابق ….. بعد حرق ورقتهم الاخوانيه و ضعف تحركها على الارض ….. و اللى حننزل مقال مفصل لاحقا عن التحركات الايرانيه في المنطقه و مطامعها … و لماذا اكد الرئيس السيسي في كلمته من داخل الخليج و من الامارات أن امن الخليج خط احمر و هو جزء رئيسي من الامن القومي المصري.
لنا مصالحنا … نعم …. و سنتدخل على الارض في الوقت المناسب اذا اقتضت الضروره …. نعم …. و لكن بشكل دولي و ليس منفردا و بالشكل الذي يحفظ لمصر امنها القومي و مكانتها و سلامة جيشها و ادواتها..
اطمنوا يا مصريين ….. أمن مصر القومي مفيهوش هزار ….. لكن العالم الجديد بيتشكل الان …. و الكل يحاول ان يفرض على الارض اقصى ما يستطيع اثناء تشكيل هذا النظام ….. و اللى بيحصل الان ده امر طبيعي …. فـ مصر لا تقف ابدا في دور المتفرج …. و لا تتخذ استراتيجيه الانتظار و رد الفعل ….. و كلمة مسافة السكه لا تعني التحرك العسكري فقط ….. و لكن لها ادوات اخري كتييييير و من ضمنها التحرك العسكري …… فما يتم خلف الابواب لصالح مصر اكبر بكثييييير مما تروه….. فليس كل ما يعرف يقال …. و لا كل ما يمكن قوله قد حان معاده.
الثبات يا مصريين … الثباااات