05 Jan 2016
الطائفية .. الوسيلة الجديدة لهدم المنطقة ..!!
———————————————
إيران تتراجع وتعتذر .. والسعودية ترفض الإعتذار و تستمر فى التصعيد .. مش هو ده اللى ذكرناه فى أخر 4 براجراف من مقالنا اللى نشرناه من يومين : 🙂 🙂
ومش كدة وبس لكن هــ يتم عقد إجتماع لجامعة الدول العربية على مستوى وزراء الخارجية يوم الأحد القادم بإذن الله بناء على طلب السعودية ، علشان يتم الإتفاق على تفعيل الإجراءات العقابية ضد إيران !! واللى بدأت بالسعودية وإمتدت للبحرين ، والإمارات ، والكويت ، والسودان .. والبقية تأتى … وبالمناسبة ياريت ماحدش يتكلم عن مصر ، لأنه مافيش علاقات ديبلوماسية بين مصر وإيران من الأساس !! 🙂
لكن الشئ اللى نحب نؤكد عليه إنه هناك محاولة حثيثة لإسقاط المنطقة فى بؤرة صراع طائفى بغض النظر عن القوميات والدول ، .. والكلام ده بدأ بإيصال الإخوان للحكم فى تونس ومصر بإعتبارهم ممثلين للتيارات الإسلامية وكان سيتبعهم سوريا كتمهيد لإعلان إسرائيل كدولة يهودية واللى تم الإعلان عنه فعلا فى 2012 ولكن تم التراجع عنه أو تجاهله بعد 30 يونيو !!
لو لاحظتوا فى حادثة التصعيد الإيرانى بخصوص موضوع إعدام رجل الدين نمر باقر النمر المدان بتهم إرهابية .. إن رد الفعل كان عنيف جداً فى صورة إحتجاج إيرانى غير مبرر ، وتطور الموضوع لحرق السفارة والقنصلية السعودية فى إيران .. ثم التصعيد بمظاهرات شيعية فى السعودية و البحرين والعراق وسوريا واليمن .. ومش كدة وبس .. لكن يطلع علينا خامنئى فى إيران ، وحسن نصرالله فى لبنان ، ومقتدى الصدر فى العراق ويتوعدوا السعودية ، ويدعوا الشيعة للخروج فى مظاهرات فى كل دول الخليج !!! .. وكل ده علشان خاطر “نمر النمر” الــ (((سعودى الجنسية))) .. وحط تحت سعودى الجنسية دى مليون خط 🙂 🙂
الكلام ده معناه تكريس لفكر خطير جداً فى العلاقات الدولية ، .. وهو ان الانتماء الطائفى أقوى من المواطنة ، ومن الإنتماء للدولة ، مما يهدر ويهدم فكرة الدولة الوطنية !! 🙂 … طب مش هو ده اللى كان الإخوان بيحاولوا يكرسوا له ويأكدوه فى مصر بناء على فكرة إن الأوطان هى مجرد حفنة من التراب العفن !!
ولو تفتكروا إن الرئيس الإيرانى ممثلا فى “أحمدى نجادى” مادخلش مصر غير فى عهد الإخوان .. و ده ليه !!؟؟ .. لأن حرق المنطقة طائفياً هو فكرة قائمة يقوم بتنفيذها أدوات الغرب أصحاب مشروع الشرق الأوسط المفتت فى المنطقة ، حتى ولو تغيرت الوجوه من الإخوان لإيران لداعش لــ أيّاً كان .. فــ الفكر واحد والمعين واحد .. وأستدعى هنا كلمة الرئيس السيسى لكل شعوب المنطقة “خلوا بالكوا من بلادكوا” 🙂
أحب أطمن أصدقائنا مرة أخرى بإن مافيش حرب بإذن الله هــ تحصل بين السعودية وإيران ، لأن الموقف العربى الموحد هــ يحط إيران فى حجمها الصحيح .. وإفتكروا إن إيران كانت دايما بتستفز دول الخليج وبتهددهم ، وكان الخليج بيلتزم الصمت .. طب إييه اللى إتغير النهاردة وخلّى دول الخليج والسعودية تتعامل بقلب جامد كدة !!؟؟ ..
قولوا إنتوا بقى =D =D