01 Jan 2018
مصر العظمي القادرة … مرحلة جني نجاح فرض الارادة
——————————————————
أمريكا انسحبت من سوريا …. اتفاق اليمن مع الحوثيين … مظاهرات السودان …. ظهور اسم سيف القذافي في ليبيا ….. الامارات تفتح سفارتها في سوريا … تركيا تحشد قواتها في شمال سوريا …
عشرات الرسايل استلمناها من اصدقاء الصفحة كان مضمونها … هو فيه اييه ؟؟؟ …. و قبل ما نجاوب … و عشان الموضوع مرتبط ببعضه و ماحدش حـ يستوعب الموضوع الا بالالمام بالصورة الكلية …. و لأن الناس بتزهق من القراءة …. فـ مش حنطالب حضراتكم بالرجوع الى عشرات المقالات اللى شرحنا فيها الموضوع كله طوال الخمس سنوات السابقة … لكن ممكن تراجعوا مقال واحد فقط لخصنا فيه القصة في هيئة سؤال و جواب …. و مهم جدا تقراؤه قبل مقال اليوم لان الموضوع مرتبط ببعض و كي لا نعيد الكلام تاني “دائما و ابدا الاجابة في الخريطة “
و حندخل في الموضوع على طول بنفس اسلوب المقال القديم و في نقاط محدده :-
س1 :- ليه امريكا اعلنت انسحابها من سوريا … دي اول مره امريكا تعلن تقليل قواتها و تواجدها في منطقة الشرق الاوسط؟
ج1 :- قلنا قبل كده و شرحنا في مقالات كتيييير من سنين ان التوجه الاستراتيجي لامريكا هو الانسحاب العسكري الاستراتيجي من الشرق الاوسط و توجيه تركيزها على منطقة جنوب شرق اسيا ….. لان العدو الاستراتيجي لامريكا الان هما الصين و روسيا اللى بتتصاعد قوتهم الاقتصاديه و العسكريه بشكل متسارع يشكل خطوره قصوى على وجود امريكا نفسها …… و ده بعد تكوينهم كيانات و منظومات اقتصاديه تعمل خارج مظلة الدولار الامريكي بـ يحميها قوة عسكريه رهيبه غاية في التقدم و بالذات مع التوسع في بناء اساطيل بحريه ضخمه لروسيا و الصين … و ده في ظل مشاكل رهيبه في الاقتصاد الامريكي داخليا سواء في الدين العام …. او في احتياج امريكا لتريليونات لدعم التصنيع العسكري لتجديد اساطيلها البحريه او لدعم التصنيع المدني و لاعادة بناء البنيه التحتيه التي تئن من الاهمال لسنين طويله سواء طرق او مدارس او مستشفيات و غيرها من الخدمات …. و كانت خطة الانسحاب اللى كان بيديرها اوباما و كلينتون بتعتمد على ملىء الفراغ الاستراتيجي اللى حتسيبه امريكا في الشرق الاوسط بكيان يدين لها بالولاء التام … و هو الاخوان المسلمين بقيادة تركيا و بتمويل قطر و اللى كانوا المسؤولين عن تفكيك و تدمير الدول الوطنيه و التحكم في مصادر ثروات المنطقه التعدينيه لصالح امريكا و اوروبا … ثم ارسال مئات الالاف من جيوش الكلاب السعرانه على الارض الى جنوب شرق اسيا لمحاربة الصين و روسيا في حرب استنزاف طويله استلهاما من تجربة افغانستان …. فالخطه الممول لها دولة من المنطقه … و اللى حيقودها العثمانلي اللى بيتشوق لاستعادة نفوذه القديم …. و اللى حينفذ على الارض و يموت و يصاب هم شباب المنطقه … و عشان كده كنا بنشوف الدعم الامريكي العسكري لداعش على الارض في عملياتها … و الاتوبيسات المكيفه اللى كانت بتدخل تنقلهم من مكان الى مكان اخر لما بيتهزموا في مكان عشان تنقذهم.
س2 :- طب في المقال بتاع “دائما و ابدا الاجابه في الخريطه ” عرفنا مين اللى افشل الخطه دي و ازاي افشلها …. طب دلوقتي مين اللى حيملي الفراغ الاستراتيجي ده ؟
ج2 :- الخطة البديله لامريكا كانت في ملىء الفراغ الاستراتيجي بتحالف صديق لامريكا يتكون من اسرائيل و العرب … و اللى اصطدم بحل القضيه الفلسطينيه …. و لان امريكا لا تمتلك رفاهية الوقت … بدأنا نسمع عن صفقة القرن بين اسرائيل و العرب …. و بدأت امريكا تضغط على العرب و اسرائيل لانهاء الصراع بينهم بأي ثمن للبدء في التطبيع الامني و العسكري و الاقتصادي لملىء الفراغ الاستراتيجي اللى حتسيبه امريكا في المنطقة …. و اللى رحب بها الجميع و لكن كلٌ من وجهة نظره :-
- مصر اعلنت تمسكها بـ رؤيتها لحل الصراع العربي الاسرائيلي عشرات المرات علانية … و اللى متوافق مع اجماع الدول العربيه و المعلن عنه رسميا من الجامعه العربيه و هو “الأرض مقابل السلام” … يعني الاعتراف بحدود دوله فلسطينيه مستقله على حدود 1967 و ان القدس الشرقيه عاصمة فلسطين … و يتم التفاوض على ادارة المناطق المقدسه بواسطة الامم المتحده…. و لما ده يحصل … نبدأ التطبيع الاقتصادي و الامني مع اسرائيل.
- اسرائيل تعمل على تحقيق رؤيتها للحل و هو “الأمن مقابل السلام ” … يعني مفيش أرض و لا دوله …. و طبعا كالعاده امريكا دعمتها في الموقف بتاعها … و تم نقل السفاره الى القدس عشان تضغط على العرب بقبول الامر الواقع …. و إلا التهديد بأنه سيتم التوجه الى تركيا لملىء هذا الفراغ اللى هو حليف استراتيجي عسكري و اقتصادي لاسرائيل…. و بدأ ابتزاز العرب اعلاميا لتقليب الرأي العام العربي عليهم بأكاذيب انهم يتبنون الرؤيه الاسرائيليه و انهم هم من يسعون اليها باستخدام الاعلام الاخوانجي المتشعب في داخل الشارع العربي بمبدأ “كلم الجماعه تلهيك و اللى فيها تجيبه فيك” … مع ان العكس هو الصحيح … لان الاخوان هم من كانوا ينفذون خطة خراب المنطقه لصالح اسرائيل و امريكا.
س3 :- طب ايه موقف العرب من الكلام ده؟
ج3 :- مصر كانت فاهمه اللعبه دي من ايام اوباما و كان عندها استراتيجيه عمل تعتمد على عاملين رئيسيين و هما … الاول ان عامل الوقت ليس في صالح امريكا و لا اسرائيل ….. و التاني و هو الاهم و الفاعل في مواجهة الاطماع الاسرائيليه التركيه هو …. إعادة انشاء و دعم الدوله الوطنيه في منطقة الشرق الاوسط اللى دمرها مشروع امريكا القديم اللى كان بينفذه الاخوان بقيادة تركيا …. و تجميع العرب و الدول الافريقيه حول هذه الاستراتيجيه ….. مع اقامة توازنات مصالح استراتيجيه بين المنطقه و القوى الفاعلة العالمية سواء شرقا او غربا لربط مصالح الجميع معنا…. و مصر كانت بتسابق الزمن و بتستخدم كل القوه الناعمه و الخشنه لتحقيق ذلك و نجحت الى حد بعيد جدا في تنفيذ خطتها الاستراتيجيه و فرض ارادتها على الجميع … و بالذات في ظل تكوين نظام عالمي جديد اصبحت مصر فيه مخطط فاعل و اصيل في تكوينه و بالذات في اهم منطقة فيه و هي منطقة الشرق الاوسط.
س4 :- طب يعني ايه دعم الدوله الوطنية … و مصر عملت ايه بالظبط ؟
ج4 :- لو بصينا على الخريطه حوالينا من 6 سنين …. حنلاقي ايران دخلت العراق و سوريا… و داعش و المنظمات الارهابيه الاخوانيه فرشت في 80% من ارضهم … و ليبيا اصبحت بدون جيش يرتع فيه آلاف الميليشيات الارهابيه … و الحوثيين فرشوا نفسهم في اليمن …. و لبنان على سطح صفيح ساخن و الكل فيه متحفز بالسلاح الى الاخر …. و السودان انقسم … و الصومال كان لا حكومة و لا جيش له … و اثيوبيا و اريتريا في حرب ضروس …. و فلسطين منقسمه الى الضفه و غزه …. ده بخلاف مئات العمليات الارهابيه اللى بتتم على ارض مصر شرقا و غربا و جنوبا …. و الخليج يصر على ضرورة ازالة السلطه الحاكمه في سوريا بسبب الصراع الخليجي الايراني اللى كان بيدور على ارض سوريا.
الدور المصري كان كبيييير جدا في اعادة تكوين و دعم الدوله الوطنيه في جميع دول المنطقه …. و تحويلها من دول فاشلة لا تستطيع فرض سلطتها على اراضيها الى دوله فاعله تأخذ بمقاليد سلطتها من الميليشيات الارهابيه اللى بتعمل بكل حريه على اراضيها … و كانت البدايه امنيه باعادة تكوين الجيوش الوطنيه لكل دول المنطقه و مدهم بكل الامكانيات اللازمه لذلك و ده بالرغم من الحالة الاقتصادية التي كانت تمر بها مصر.
س5 :- طب العراق مصر عملت ايه هناك ؟
ج5 :- للى ميعرفش … اخواتنا العراقيين بيثمنوا جدا الموقف المصري التاريخي الذى لن ينسي اللى كان خارج نطاق البروبجاندا الاعلاميه و لصالح الشعب العراقي خارج نطاق الاطماع ….. فمنذ اكثر من خمس سنوات …. مصر فتحت كلياتها العسكريه و معاهدها و ميادينها العسكريه التدريبيه لاعادة تكوين الجيش العراقي … و فيه كتائب و ألوية كامله تم تكوينها و تدريبها في مصر …. و كذلك فتحت مصر مخازن سلاحها الى العراق …. و امدت الهيئه العربيه للتصنيع و المصانع الحربيه الجيش العراقي بالسلاح اللازم لمواجهة الجماعات الارهابيه …. فكان العراق يشترى الطائرات الحديثه من امريكا …. اما السلاح الخفيف و المدرعات و غيرها من الاسلحه المتوسطه بيشتريها و يتدرب عليها من مصر …. و لان اخواتنا العراقيين شعب قديم و متمرس في الحروب و القتال مش ابن امبارح …. نجح في تكوين جيشه مره اخرى في وقت قياسي … و ده اللى شوفناه في اعادة سيطرة العراق على كامل اراضيه مرة اخرى بسرعه كبيره …. و ده بعد اقناع مصر لدول الخليج باعادة العراق الى الحضن الخليجي لانهم اولى بهم من ايران …. و بالفعل دخلت السعوديه بقوه في العراق لاعادة العلاقات في جميع المجالات مره اخرى …. و ده اللى جنن العثمانلي في تركيا و دخل شمال العراق يحط رجله فيه بحجة الاكراد … بس الموضوع ده حيخلص آجلا ام عاجلا مع زيادة قوة الجيش العراقي مره اخرى …. ده بخلاف التعاون المصري العراقي الاقتصادي الرهيب سواء في مجال الطاقه او الاقتصاد و التجاره او الدعم الاداري و العلمي …. و اللى محتاج مقالات مطوله.
س6 :- طب سوريا … ايه دورنا هناك؟
ج6 :- برده للى ميعرفش … مع ان فيه خلاف ايدولوجي كبيييير جدا بين مصر الدوله و بين ايدولوجي حزب البعث …. الا ان مصر دائما و ابدا خيارها الاستراتيجي هو عدم التدخل في شئون الدول و ان وجود دوله سوريه موحده قويه هو اهم لمصر من اي خلاف اخر …. و لذلك كانت مصر موجوده بقوه في سوريا من اول ازمتها … و كان فيه تنسيق امني و سياسي بقوه من اول يوم …. و معظم التفاهمات و اتفاقات التهدئه و وقف اطلاق النيران و اعادة انتشار القوات السوريه او في مواجهة الاطماع التركيه كان بوساطه و تنسيق مصري … و مع ان الكلام ده قاله الرئيس الاسد بنفسه في مقابله تليفزيونيه من اكتر من سنتين … الا ان التاريخ سيذكر الدور المصري الرئيسي و الفاعل في فرض ارادتها في عدم تقسيم سوريا بالتفاهمات مع روسيا او امريكا او الدول العربيه….. و بعد ما كان الخليج العربي يرفض وجود الاسد و بعد ما كان الاكراد معضلة الوضع هناك سواء لسوريا او الاتراك … و بعد ما كانت سوريا وحيده متروكه لاحضان ايران و لقمه لاطماع الاتراك …. الامارات تعيد افتتاح سفارتها في دمشق و التي سيتبعها اعادة العلاقات تباعا من الدول العربيه لسوريا … و سيتم اعادة سوريا الى الجامعه العربيه … و الاكراد يقبلون بالدخول في كنف الدوله السوريه و يتحدوا معها كدوله موحده بوساطه مصريه …. و العمل يجري على قدم و ساق للترتيب لاعادة اعمار سوريا …
و يبقي هنا ان الدور الروسي و الايراني كان يعمل لصالح مصالحهم فقط و لا يهمهم مصلحة الدوله السوريه و شعبها …. الا ان الدور المصري كان تاريخي و حاسم في بقاء الدوله السوريه موحده …. فمصر كانت تعمل لصالح الدوله السوريه و ليس لصالح اطماع مصريه في الكعكه السوريه…. و الكلام ده مقدر بشكل محدش يقدر يتصوره من الحكومه السوريه و من من يتطلعون على الامور هناك.
س7 :- طب ليبيا و اليمن و الصومال و جيبوتي و السودان …. مهم دول عربيه برده … عملنا ايه معاهم ؟
ج7 :- كلنا عارفين طبعا اللى عملته مصر في ليبيا سواء في اعادة تكوين مؤسساتها الوطنيه او في تكوين جيشها الوطني و تسليحه و كذلك في الوقوف امام الاطماع الاوروبيه في ليبيا و بخاصة الايطالية …. لكن محدش يعرف ان مصر لها دور فاااااعل و كبير جدا في الصومال و جيبوتي و اليمن … فمصر تقوم بدور هائل في اعادة تكوين الجيوش الوطنيه هناك … اما بالتدريب و اعادة التأهيل او باعادة هيكلة و تكوين جيوش وطنيه هناك …. و كذلك مع الاعلان عن اتفاقية تحالف دول البحر الاحمر العربي … فمصر و السعوديه تقومان عسكريا بانشاء تحالفات عسكريه بين الدول المطله على البحر الاحمر للسيطره الامنيه على هذا البحيره العربيه و الممر الملاحي الهام … و اللى حيكون فيه اهم و اكبر حقول غاز و بترول في العالم و اللى سيتم الاعلان عنها في الكام سنة القادمه ….. و يمكن كلنا شايفين النهارده الاعلان عن اول مناوره عسكريه في البحر الاحمر “الموج الاحمر” بين جيوش دول، مصر ، السعودية ، الأردن ، السودان ، جيبوتي ، اليمن ، الصومال للمشاركة في مناورات بحرية مشتركة …
حضرتك تخيل المجهود الجبار وحجم العمل خلف الكواليس لفرض ارادة اعادة تكوين جيوش وطنيه سواء في اليمن او جيبوتي او الصومال …. و كلمة السر الفاعلة هنا هي مصر … حتي اثيوبيا و اريتريا … كان السلام ما بينهم و البدىء في العمل المشترك للتنميه هو سيد الموقف …
س8 :- طب ايه موضوع مظاهرات السودان … مش هناك حكومة اخوانيه برده ؟
ج8 :- الرئيس البشير أدرك تماما ان عمقه الاستراتيجي مصر …. و ان مستقبل المنطقه الان يتجه تماما الى التحرك المصري الخليجي اللى اصبح موحد تماما و اتجاهه معروف …. فراهن عليه تماما لان اللى بيراهن على تركيا و قطر خسران … و كانت بداية تحوله التام هو تحسين العلاقات السياسيه و الاقتصاديه مع مصر …. ثم الزياره المفاجئه له الى سوريا كأول رئيس دوله عربيه يزور سوريا ليتم الاعلان عن توجه الدول العربيه لاعادة سوريا الى الحضن العربي … فكان يجب معاقبته و التخلص منه …. لانه اخر ورقه ممكن ان يلعبوا بيها في المنطقه بعد فشلهم في ليبيا و اليمن و سوريا.
س9 :- طب الاخوان الموجودين في كل مكان في الدول العربيه … و اللى ولاؤهم للقرد العثمانلي … وضعهم ايه بالظبط … مش حنخلص من فكر الخوارج الارهابي ده ؟
ج9 :- اولا لازم نعرف حاجه مهمه ان اللى تم زرعه من اكتر من 80 سنة في المنطقه … و كمان بيدعمه دول عظمي سواء اعلاميا او ماليا و حتي عسكريا من دول عظمي … مش حيختفي في سنة و لا اتنين ولا حتي عشره ….. لكن باختصار …. الرئيس السيسي و قبل توليه رئاسة مصر … قالها صراحة … “مش حيكون فيه اخوان تاني” …. و الرساله دي كانت للخواجه اللى مشغلهم بره ….. فـ مصر من اكتر من 4 سنين اعلنت عن رؤية مصر التنموية 2030 … و بعدها بـ اسبوع اعلنت السعوديه عن رؤية 2030 … و بعدها باقي دول الخليج …. و بدأت مصر تسابق الزمن في انشاء المئات من المشاريع التنمويه الضخمه اللى بدأت تجني ثمارها الاقتصاديه لفتح ابواب الرزق للشباب اللى كان الاخوان بياخدوها حجه لجنيد الشباب … و السعوديه بدأت خطتها الطموحه للانفتاح الثقافي و محاصرة الفكر الاخواني اللى كان لابس ثوب السلفيه و الوهابيه المتشدد … فقلمت اظافرهم و بدأنا نشوف السينمات و قيادة المرأه و الحفلات الثقافيه و بناء دور الاوبرا … لتتحول المملكه الى دوله عصريه في 2030 … و تتحرك الامارات بدور فاعل سواء سياسيا او ثقافيا … المهم … المنطقه في 2030 حتكون منطقة مختلفة … الفكر الاخواني حيكون مثل الفكر النازي في المانيا … مجرد فكر شاذ محاصر اجتماعيا و امنيا و لا توجد له اي حاضنه او سبب لوجوده …
س10 :- طب قردوغان تركيا “أمان يلاللي” …. ايه موقفه في اللى بيحصل ده …. و ليه دخل سوريا …. و هل حيقدر يفرض نفسه على امريكا ان نظامه الاخواني يرجع تاني و ان هو اللى يملى فراغها الاستراتيجي اللى حتسيبه في المنطقه … و هل حيسكت على تقليم اظافره في المنطقه اللى بتعمله مصر ؟
ج10 :- شوف يا سيدي … تركيا بتلوش بالمعني الحرفي للكلمة و هي بتلطم على شقي عمرها اللى بيضيع قدام عنيها ….. و بقت بالفعل صداع مزمن في دماغ الكل سواء اوروبا و امريكا ….. او في دماغ روسيا … لانه بالغباء الاخواني المعهود لعب على كل الحبال و مسك كل اطراف سلك الكهربا العريان في ايده و نفسه هو اللى ينور … و مـ سبش حد غير لما راح عرض نفسه عليه و مشى معاه في الحرام …. و الورقه الوحيده اللى في ايده دلوقتي و هي السبب الوحيد في بقاؤه حتي الان …. هي جيش الارهابيين اللى كونهم و سلحهم و دخلهم على سوريا و العراق و رجعوله مكسورين تاني …. لانه استغل السؤال الوجودي الدائر حاليا في العالم و هو :-
جيش الكلاب السعرانه اللى اتكون على الارض من مئات الالاف من الارهابيين … مادام معرفناش نبعتهم لمصر و ليبيا و الخليج … و مادام مش حنعرف نبعتهم لروسيا و الصين …. طب حيروحوا فين ؟؟؟؟؟
فقردوغان بيهدد اوروبا انه يفتح حدوده و يطلقهم عليهم … و هو بياخد مليارات الدولارات اتاوه منهم على كده …. و ايضا وجود روسيا في تركيا عامل صداع للامريكان لان موقع تركيا استراتيجي في مواجهة روسيا … و روسيا ما صدقت حطت رجلها في تركيا احد اهم قواعد الناتو الغربي … و لو قتلوا لبوتين 100 سفير او وقعوا ليه 100 طياره … مش طالع منها ولا بالطبل البلدي غير لما يأمن وجوده في سوريا.
و الوضع ده مزعج جدا للجميع … و كل ما الوضع يستقر في الشرق الاوسط … و كل ما مصر تفرض رؤيتها في المنطقه …. الكل حيقتنع تماما اما بالتخلص من هذا النظام او تركيعه في مقايضه انه يفضل بس يسمع الكلام …. و نقطة النهاية هنا حتكون سوريا و بالذات بعد بداية ظهور الدعم العربي للدوله السوريه و استكمال نجاح مصر في توحيد الفرقاء السوريين على الارض تحت العلم السورى … و ادينا بنتفرج و حنشوف المعركه السياسيه حتوصل لايه.
الخلاصه :-
من ست سنوات …. المنطقه بالكامل كانت تتجه الى الفوضي الخلاقه بكل السبل و بدعم كااامل من دول عظمي لهدم و تفتيت الدول … و مصر من اول يوم كانت تغني خارج السرب منفرده و تعلن عن ضرورة الحفاظ على الدول الوطنيه بحدودها الحاليه و كذا تدعيم الجيوش الوطنيه …. و اليوم نرى من نجح في فرض ارادته على الجميع … و من نجح في فرض رؤيته الوطنيه على الجميه
دائما و ابدا … تحيا مصر القادره الفاعله
تحياتنا لكم