20 Feb 2021
الخريطة 2050 .. و أخر تعليق .. !!
————————————-
إمبارح بعد ما نشرنا مقالنا بعنوان “الخريطة .. المستقبل اللى أفسدته 30 يونيو” .. بعض الأصدقاء لاحظوا ، وإما علقوا أو بعتولنا رسائل .. والبعض الأخر لم يلاحظ أو لاحظ وماعلقش .. إن الخريطة المقترحة للنفوذ الـ.ت.ر.ك.ى فى 2050 ، وعلى رغم إتساعها .. لكنها لا تشمل إيران ولا دولة الكيان !!
الموضوع ده طبعاً شيئ بديهى ومفهموم ومتوقع .. وخصوصاً إن اللى حط تصور الخريطة دى هو مركز للدراسات الاستراتيجية والأمنية .. تابع للدولة أو للتوجه أو لشبكات المصالح صاحبة المؤامرة … واللى هى ما أصبحتش مؤامرة ولا حاجة .. لأن المؤامرة بــ تبقى شيئ بــ يتم الإعداد له فى الخفاء .. لكن اللى بيحصل دلوقتى اصبح حقيقى ، و معلوم ، و مكشوف ، و واقع بــ نعيشه .. ومايقدرش ينكره زى ماقولنا إلا صاحب عقل مغيب أو نوايا مغرضة !
الحقيقة إن دولة الأغا صاحبة التاريخ الدموى المعروف ، والدولة الفارسية ، و دولة الكيان هم رأس الحربة اللى بــ يتم اللعب بيهم لتدمير دول المنطقة وإبتزاز ثرواتها وتشريد شعوبها … ولاحظوا إن عمر ماحد فيهم رفع السلاح على التانى مهما بلغت حدة التصريحات بينهم .. بل إن أول دولة ذات أغلبية مسلمة تعترف بدولة الكيان فى العالم كانت هى دولة الأغا فى سنة 1949 .. وبينهم لحد النهاردة أعلى تبادل تجارى وأعلى تعاون فى المجال العسكرى ! 😏
وحتى كلاب أهل النار من القاعدة وداعش والإخوان وغيرهم ، عمر ما حد فيهم رمى طوبة على دولة الكيان .. بل إن مسرح عملياتهم بالكامل موجود فى دول المنطقة اللى هى دول إسلامية بالأساس .. ولما تقول لحد فيهم كدة ، يبدأ يكلمك عن فكرة العدو البعيد والعدو القريب وكم الخراء الفكرى اللى موجود فى دماغهم واللى يرفضه صاحب أى فطرة سليمة تمتلك الحد الأدنى من الفهم والإنسانية
المهم إنه الدول دى بعد ما يؤدوا دورهم سواء بنفسهم و بإستخدام كلابهم .. هــ يتم إقصاء إيران وتركيا ولن يبقى إلا دولة واحدة فقط … للوصول للمشروع (القديم\الجديد) اللى كلنا عارفينه .. سواء كان بالإحتلال أو بــ بسط السيطرة والنفوذ السياسى والإقتصادى
طبعا إنسوا خالص موضوع الإحتلال ده .. لأن الحرب المباشرة اصبحت حرب مكلفة جداً . وبالتالى لييه أحاربك علشان أدمرك لما ممكن أخليك إنت تدمر نفسك أو أخلى كيانات عميلة تانية هى اللى تساهم فى تدميرك وإستنزاف نفسها .. وساعتها إنت بنفسك اللى هــ تمدّلى إيدك علشان ألحقك .. وهــ تتحايل عليا كمان ! 😎
الملفت للنظر إن الدول الثلاثة أصحاب أجندات توسعية .. نابعة من أيديولوجية عقدية ذات مرجعية دينية … والملفت للنظر أكثر إنه فيه تشابه كبير فى أهدافهم وخريطة النفوذ اللى بيتكلموا عليها دايما .. واللى متركزة على منطقتنا بالذات ذات الثروات … ولو أضفنا عليهم كمان داعش بفكرهم وتوجهاتهم وخريطتهم .. هــ نقدر نفهم بشكل كبير ، إن المُخطِط (بكسر الطاء) واحد . والمنبع واحد .. والهدف النهائى واحد !
و ده ياخدنا من إيدينا لتصريحين قالهم الرئيس السيسى فى مناسبتين مختلفتين .. يلخصوا كل الكلام ده …
#التصريح_الأول .. كان فى الندوة التثقيفية للقوات المسلحة بمناسبة الإحتفال بذكرى حرب أكتوبر لما قال إن دولة الكيان عمرها ماكانت هــ ترجع الأرض ، إلا بعد ما ذاقت طعم ومرارة الحرب الحقيقية ! 💪
#التصريح_الثانى .. لما قال إن مصر بتسابق الزمن وبتقوى نفسها وبتسلح جيشها علشان تقدر تملأ الفراغ الإستراتيجى اللى خلقه سقوط الدول القوية ذات الجيوش القوية فى المنطقة !
طب تملأ الفراغ الإستراتيجى لييه !؟ .. لأن الصراع موجود ومستمر .. وهيفضل مستمر .. وإن عبئ الحفاظ على قوام المنطقة ومنعها من السقوط ، هــ يفضل طول الوقت على عاتق مصر .. و ده يفسرلك لييه الحملة الشرسة دى ضد مصر وضد الجيش المصرى فى شكل إستهداف ممنهج بشكل مستمر … ده لأن مصر وجيش مصر أصبحوا هم حجر العثرة الوحيد اللى هيفضل واقف فى وجه المؤامرة طول الزمن
و هو ده اللى مخلّى مصر بتجرى وبتتقدم بسرعة الصاروخ على مستوى كل الملفات السياسية والإقتصادية والعسكرية داخلياً وخارجياً .. وبمعدلات تثير الإستغراب والعجب !
أيوة البلد دى مكملة بإذن الله .. وبحوله وقوته . ولن تسقط . لأن مصر لا تملك رفاهية السقوط .. واللى عايز يفهم ليه مصر .. وإشمعنا مصر . ياريت يقرأ مقالنا اللى فى اللينك التالى:
مصر على الحق المبين ومكملة وماحدش هــ يقدر أبدا يمسها أو يمس أمنها القومى …. أبدا 🙂
حفظ الله مصر برئيسها وجيشها وشعبها