وعي أصدقاء الصفحة

11 Jan 2022

وعي أصدقاء الصفحة

———————–

أصدقاؤنا أصدقاء صفحة كلام فى الصميم:

اللى حصل فى الكام يوم اللى فاتوا على السوشيال ميديا … وألاف البوستات ، ومئات الألاف من التعليقات حول وفاة بعض الشخصيات المصرية العامة ، بــ يؤكد كلامنا، و اللى للأسف مضطرين نعيده تانى وتالث ومليون … وهو إن السوشيال ميديا لعبة إخوانية بإمتياز .. و الصفحات اللى كلنا متابعينها ، واللى ظاهرها أنشطة متعددة ومختلفة ومالهاش دعوة بالسياسة خالص … للأسف الشديد معظمها بــ يدار عن طريق الذباب الأليكترونى الإخوانى …. وكلهم بيخدموا على بعض، … لكن بيظهروا فى أوقات محددة علشان تكتشف قد إييه انت كنت مخدوع ، وكنت بــ تساهم فى نشرهم وتوسيع قاعدتهم الجماهيرية من غير ماتاخد بالك ..

يعنى معظم صفحات الكوميكسات إخوانية ، من أول عائلة صفحات “الكومنت ال… مش عارف إييه” .. لحد الضفدع كيرمت اللى متابعها 7 مليون شخص .. وكوميكساتها منتشرة بشكل كبير بيننا … و هى كلها كوميكسات السم فى العسل ، وبتشتغل على تكدير السلم المجتمعى عن طريق نشر الإحباطات فى شكل تريقة وكوميكسات .. وكمان بوستات التلقيح اللى الكل بيستعملها علشان يلقح بيها على حد معين أو حتى مجموعة ناس أو صحاب أو قرايب .. الخ الخ … كل دى حاجات مدروسة .. ولها هدف خبيث .. وياما حذرنا منها ….

و نفس الصفحات المختلفة الأنشطة حتى صفحات الرقص والطبخ ، واللى طلعت إترحمت على رئيسهم اللى كان “أول جاسوس مدنى منتخب” .. ومات وهو بيتحاكم .. بدعوى إنه مافيش شماته فى الموت … هى هى بذات نفس ذاتها اللى كلها بقالها كام يوم ماوراهمش غير الشماتة فى اللى ماتوا والتلقيح على وائل الإبراشى وإعادة بروزة الشيخ شعبان ده بتاع “هاتولى راجل” وتزكيته على الله فى منتهى المزايدة الدينية و التألّى على الخالق سبحانه !!!

مش كدة وبس .. ده وصل بيهم البؤس إن بعضهم عمل (Vote) على الفيسبوك يقولك هل وائل الإبراشى فى النار وإلا فى الجنة – نعم – لأ …. 😅 … والأكثر بؤساً إن فيه كتير جدا من القطيع شاركوا فى الــ vote ده 🙈 …

ياريت حضراتكم تقرأوا المقال اللى فى الينك التالى .. واللى نشرناه فى يونيو 2019 بعد وفاه “أول جاسوس مدنى منتخب” … والأهم إنكم تدخلوا وتقرأو تعليقاتكم علشان تعرفوا إنكم بوعيكم .. ومن خلال صفحتكم ، كنتم سابقين كل مرتادى السوشيال ميديا .. وكاشفين كل الخلايا النايمة اللى بتمرح فى السوشيال ميديا

لمتابعة تعليقاتكم