15 Feb 2022
اخبار اوكرانيا
————–
#الخبر ….
أكد الكرملين اليوم، الثلاثاء، بدء انسحاب “مخطط له” للقوات الروسية من الحدود مع أوكرانيا بعد الانتهاء من بعض التدريبات العسكرية، جاء ذلك نقلا عن شبكة BBC و سكاي نيوز !!!
وقال لافروف إن المحادثات لا يمكن أن تستمر إلى أجل غير مسمى، إلا أنه يقترح مواصلتها وتوسعتها فى هذه المرحل، مشيرا إلى أن واشنطن عرضت مناقشة حدود لنشر الصواريخ فى أوروبا !!
وتسعى موسكو لضمان أن الناتو لن يسمح لأوكرانيا وأى من دول الاتحاد السوفيتى السابق للانضمام إليه كأعضاء. وتريد من الحلف أو يوقف نشر الأسلحة فى أوكرانيا وإبعاد قواته عن شرق أوروبا.
========
#التعليق ..
بيتهيألى الخبر ده يعتبر خلاصة اللى نشرناه فى مقالنا أول إمبارح …. وتحياتنا لكل خبراء الهبد الفيسبوكى .. اللى عماد أكد لهم إن الحرب هتحصل خلاص فى خلال الفيمتوثانية اللى جاية .. وإن يوم الحد العصر ، بوتين هيدخل القصر … (فى اوكرانيا طبعا) 😁 …
تعيشوا وتاخدوا غيرها 😉🙂
التجربة اثبتت إن السياسة ولعبة صراع القوى العالمية بتدور فى نفس الاطار دايما .. وإن القارئ و المتأمل بعناية للأحداث السياسية .. وبحياد .. وبعيدا عن الأهواء .. بيبقى عنده رؤية واضحة و بيكتسب مناعة ضد تريندات الهريولوجى الفيسبوكية المرتبطة بأى حدث !!
مع الاحتفاظ بإن خيار الحرب #المباشرة زى ما ذكرنا فى مقالنا السابق (ياريت تعيدوا قرائته) .. هيفضل خيار مطروح … جايز بكرة .. أو بعد سنة .. أو ….. أو حتى بعد سنين … بس يوم ماتحصل .. هتكون خيار اخير مالوش بديل .. لأنها هتكون حرب وجود … وغير كدة كله شكليات 🙂