السد الأثيوبى … المستجدات

24 Mar 2021

السد الأثيوبى … المستجدات … !!

———————————

إتكلمنا مع حضراتكم أكثر من مرة عن سد النهضة .. سواء من خلال مقالات تم نشرها على فترات لمواكبة المستجدات .. أو من خلال رسائل حضراتكم اللى بتتواصلوا معانا من خلالها … وكان القاسم المشترك فى كل ده هو ثقتنا الشديدة فى حكمة القيادة السياسية والعسكرية للدولة المصرية وقدرتها على التعامل بمنهى الذكاء والكفائة مع ملفات الأمن القومى … والتأكيد على إن الصوت العالى والجعجعة الفارغة عمرها ماكانت أبدا دليل على القوة والسيطرة.

أكثر حاجة كانت بــ تطمننا طول الوقت هو فتحة الصدر الحبشية والجعجعة الفارغة والعنتريات الطفولية .. و إحنا هــ نملأ السد وماحدش هــ يقدر يمنعنا .. والنيل ده بتاعنا .. والمية ميتنا …. ألخ ألخ ألخ .. وفى المقابل … هدوء مصرى وصمت إستراتيجى كصمت القبور .. ثم تصريحات مقتضبة فى مناسبات محددة .. بدون أى صخب .. وبكلمات قليلة تحمل معناها ..

ذكرنا فى مقال قبل كدة إن كل اللى كانت بتعمله اثيوبيا من المماطلة فى المفاوضات والتسويف فى الإجراءات والتراجع فى القرارات .. وتتويج كل ده بتصريحات مستفزة ، تصدر عن بعض المسئولين سواء كان وزير الرى أو وزير الدفاع أو حتى رئيس الوزراء .. كان الهدف منها هو إستفزاز مصر .. ومحاولة الدفع بالقيادة السياسية المصرية للقيام بأى خطوة قوية تخلى أثيوبيا تمثل دور الضحية وتبكى وتتباكى على اللى عملته فيها مصر الشريرة.

كان الرهان كله على إن مصر تقوم بأى خطوة متعجلة تأثرا بالإستفزازت … قبل ماتكون أمنت نفسها كويس عسكريا و سياسيا .. و قبل ما تكون قدرت تستكمل وتستنفذ كل الإجراءات الممكنة .. اللى تخلى أى رد فعل تقوم بيه الدولة المصرية مقبول ومفهوم ومقدر .. سواء على مستوى الدوائر السياسية العالمية .. أو حتى على المستوى الشعبى .. وبالذات فى الدول الأفريقيا.

يعنى من الأخر كدة … أثيوبيا كان نفسها إن مصر تضرب السد … ولولا الملامة كانت إتحايلت على مصر علشان تعمل كدة …. طب لييه ؟؟؟

الإدارة الأثيوبية عندها مشاكل داخلية كبيرة .. وحالة إستقطاب حاد … وتمزق مجتمعى رهيب نابع من العنصرية العرقية اللى بتميز مكونات الشعب الأثيوبى .. ناهيك عن محاولة تنفيذ اجندة بناء السد اللى بــ تتنفذ لمصلحة أطراف خارجية .. يهمها فى المقام الأول إنها تحط مصر تحت ضغط سياسى فى مسألة حياة أو موت بدون مايكون لهم أى وجود فى الصورة … والله أعلم هم ماسكين إييه على رئيس الأحباش .. أو وعدوه بإييه .. وماتنسوش جايزة موبل للشالوم 😁 .. واللى مافيش حد أخدها فى السنوات الأخيرة إلا وكان بينفذ أجندات محددة .. زى عم شكشك المصرى .. أو الأخت تبوّل شكمان … وغيرهم

طب الحل إييه !؟ .. الحل إنى أخلق عداء وهمى مع طرف خارجى .. أقدر من خلاله أوحد المليشيات القبلية والعنصرية الشعبية فى مواجته .. بدعوى إن مشروع السد ده هــ يعمل تنمية ماحصلتش .. ويعيش الشعب فى رخاء . وهــ يخليهم ياكلوا المن والسلوى .. مع إن دى أكبر كذبة قام بيها النظام الأثيوبى علشان يبيع بيها الوهم لشعبه … واللى عايز تفاصيل أكثر ياريت يراجع مقالنا بعنوان “حكاية السد الأثيوبى .. واللى هــ نسيب لكم الرابط بتاعه فى نهاية المقال

أثيوبيا ماعندهاش القدرة ولا الإمكانية لتنفيذ مشلروع ضخم زى دة .. ولا حتى القدرة على إدارته ومتابعته  … وحتى حجم الكهرباء المستهدف إنتاجها من السد وهى 6500 ميجاوات .. لا تبرر أبدا تخزين 70 مليار متر مكعب من المياه .. واللى كان ممكن أثيوبيا تحصل علي ضعفهم تقريبا من إنشاء محطتين كهرباء زى اللى عملتهم مصر .. وبأقل من نصف تكلفة إنشاء السد وكمان فى وقت أقل.

و مع التحركات الديبلوماسية المدروسة ، والأداء المصرى المتزن .. وجدت أثيوبيا نفسها فى مشكلة كبيرة .. لأنها مش عارفة تكمل السد ولا عارفة تستفز مصر لحد ما تضرب السد عسكريا .. وكان الحل الأخير هو التلويح بإنهم هــ يبدأو الملئ الثانى .. وبدون إتفاق .. والنهر بتاعنا .. والدفاتر دفاترنا .. ومصر والسودان يخبطوا دماغهم فى الحيط

وكالعادة مصر طلعت بتصريحات وبيانات .. بــ تضع فيها المجتمع الدولى كله أمام مسئولياته .. وقامت بتحركات ديبلوماسية وأعلنت إنه خلاص الوقت بيجرى .. ولازم نوصل لحل قبل موسوم الفيضان فى شهر يوليو القادم ….

بعد كل ده .. وبعد حالة الصراخ والعويل والهلفطة والتهديد الأجوف .. واللى زى ماقولنا ماكانش فاضل فيها لأثيوبيا غير إنهم يقولوا لمصر يالا بقى إضربى السد …. طلع رئيس الوزراء الأثيوبى بتاع جايزة موبل وقالّك إن السد يمثل مشكلة كبيرة لأثيوبيا ماليا وسياسيا وديبلوماسيا … وإننا وحياة الأخوة وماعندناش أى نية نضر مصر والسودان .. وقال كمان إن الضغوطات الديبلوماسية والسياسية على بلاده تنبع من النفوذ الدبلوماسي طويل المدى لمصر

طب الوضع الحالى بيقول إييه !؟ … بيقول إن أثيوبيا برغم تهديدها بإنها هــ تبدأ الملئ .. إلا إن كل التقارير وصور الأقمار الصناعية بتقول إن أعمال الإنشاءات اللازمة للبدء فى الملئ الثانى متأخرة على الأقل 6 شهور … و مش ممكن هــ يبدأو الملئ إلا بعد إستكمال الإنشاءات … يعنى هــ يكون موسم الفيضان خلص …

و مع فرض _مجرد فرض_ إنهم هــ يبقى عندهم القدرة على البدء فى الملئ … فــ مصر والسودان مش هــ يوافقوا على الإجراء المنفرد ده .. ولا هــ يسكتم !!

بس سبيك إنت … أنا عجبنى بتاع موبل وهو بيقول “إن الضغوطات الديبلوماسية والسياسية على بلاده تنبع من النفوذ الدبلوماسي طويل المدى لمصر” … يابنى هو إنت لسة شوفت حاجة .. دى مصر بس بتلعب كدة على الهادى … علشان خايفة عليك مش أكثر .. لأن المارد لو خرج من القمقم .. مش هــ تقدر تقف قصاده … و لك فى اللى حصل فى ليبيا عبرة

من وجهة نظرنا .. فــ رئيس الوزراء بتاع موبل .. وضع نفسه بين شقى الرحى .. واصبح أمام إختيارين كلاهما هــ يقضى عليه … فــ إما إنه يرضخ للضغوط المصرية السودانية .. ويوافق على إتفاق قانونى ملزم .. وفى الحالة دى شعبه هــ يثور عليه ومش هــ يسكت لأنه باع لهم الوهم فى أزايز .. أو إنه يستمر فى عناده .. و فى الحالة دى هــ يتم التعامل معاه ديبلوماسيا وعسكرياً والإطاحة بيه

و فى كل الأحوال .. العالم كله واقف يتفرج ومستنى يشوف إييه اللى هــ يحصل .. لأن النتيجة النهاية فى الصراع ده واللى يعتبر أول صراع على المياه على ظهر الكوكب … هــ يترتب عليه بعد كدة التعامل فى ملف المياه فى كل الحالات المشابهة …

يعنى الخلاصة .. اللى هــ تعمله مصر فى ملف السد الأثيوبى .. هــ يكون بيان على المعلم لكل الصراعات اللى ممكن تدور بعد كدة فى ملف المياه على مستوى العالم

حفظ الله مصر وشعب مصر

#مقلات_ذات_صلة . ياريت حضراتكم تقأوها:

===========

لمتابعة تعليقاتكم